Morgunblaðið - 02.07.2021, Qupperneq 29

MENNING 29
MORGUNBLAÐIÐ FÖSTUDAGUR 2. JÚLÍ 2021
Á
kveðinn hressleiki skín í
gegn í glæpasögunum um
lögfræðinginn Stellu
Blómkvist. Hún er kon-
an, sem rís upp á móti karlaveld-
inu, sýnir í verki
að hún er enginn
eftirbátur þeirra
og lætur þá finna
til tevatnsins
hvað eftir annað.
Nýjasta spennu-
sagan, Morðið
við Huldukletta,
minnir enn einu
sinni á að Stella
er með ráð undir
hverju rifi.
Miklum auði fylgir gjarnan vald
og sú var tíð að karlar sátu gjarn-
an einir við kjötkatlana, en það hef-
ur breyst. Stella er ekki bara ein af
strákunum heldur er hún þeim
fremri á mörgum sviðum og passar
vel upp á Stellusjóðinn. Þó það nú
væri!
Á milli þess sem Stella telur pen-
inga og leysir mál brunar hún um á
silfurfáknum – minna má það ekki
vera fyrir lögmann af hennar gráðu
– og leikur sér við mann og konu
eftir þörfum. Henni er ekkert heil-
agt og hún gerir það sem hún vill
enda getur hún allt og er til í allt.
Stellubækurnar, sem nú eru
orðnar 12, eru misjafnar, en Stella
hefur þroskast með árunum og
húmorinn hefur lagast á kostnað
þvælu og er það vel. Hún er líka
markvissari í aðgerðum, kann
greinilega ýmislegt fyrir sér í lög-
fræðinni og hefur áfram ákveðinn
ímugust á lögreglunni eða prúðu-
piltunum, eins og hún kallar lag-
anna verði.
Morðið við Huldukletta er ágætis
dægrastytting. Fléttan tengist at-
burðum í raunheimi undanfarin ár
eins og til dæmis illri meðferð á
konum og undanskotum og Stella
er á heimavelli á báðum víg-
stöðvum, en þroskuð kona sem hún
er þarf ekki endalaust að agnúast
út í karla og gera lítið úr þeim.
Hún er á háum stalli og auðmýkt
kostar ekkert.
Morgunblaðið/Árni Sæberg
Hulduhöfundur Stella Blómkvist er skáldanafn ónefnds rithöfundar.
Enginn bilbugur
á Stellu Blómkvist
Glæpasaga
Morðið við Huldukletta bbbmn
Eftir Stellu Blómkvist (skáldanafn).
Kilja. 254 bls. Mál og menning 2021.
STEINÞÓR
GUÐBJARTSSON
BÆKUR
Samhljómur langspilsins og bar-
okksellósins er útgangspunktur
tónlistarhópsins Gadus Morhua sem
leikur á Sumartónleikum í Skálholti
í kvöld kl. 21. „Tónlistarsköpun
hópsins einkennist því af einhvers
konar þjóðlagausla, þar sem forn-
eskjulegur hljómur gamla baðstofu-
hljóðfærisins og þokkafullir megin-
landstónar barokksellósins skapa
einhvers konar baðstofubarokk,“
segir í tilkynningu.
Biskupar og bað-
stofur í Skálholti
Þríeyki Gadus Morhua leikur í kvöld.
Ljósmynd/Francisco J.J. Narváez
Sýning á verkum Erlu Þórarins-
dóttur verður opnuð á morgun, laug-
ardag, í Svavarssafni á Höfn í
Hornafirði. Í safninu má finna verk
eftir Svavar Guðnason listmálara og
hefur safnið staðið fyrir röð sýninga
á verkum yngri og eldri listamanna.
Sýning Erlu er sumarsýning
safnsins og er hún í samtali við verk
Svavars heitins sem fæddist og ólst
upp í Hornafirði. Erla sækir, líkt og
Svavar, liti sína í náttúruna og þá
bæði hina ytri og innri náttúru, „því
orkustöðvarnar í líkama okkar og
anda endurspegla birtuna í umhverf-
inu og alla litina sem þar teiknast
fram“, eins og segir í tilkynningu.
Í sýningarskrá skrifar Jón Proppé
sýningarstjóri um verk Erlu að þau
endurspegli ljósheiminn og líka hinn
innri heim og átök litanna endur-
spegli átökin sem eigi sér stað í sál
okkar og líkama. „Í okkur býr bæði
ljós og myrkur, andstæðir litir og
samstæðir, harka og mildi, fegurð og
ljótleiki. Það er svo ævistarf okkar
að reyna að koma öllu þessu í ein-
hvers konar jafnvægi án þess að
tapa við það orkunni, án þess að úr
verði tóm lognmolla. Orkustöðvar
líkama og sálar eru eins og litir í
málverki og það er jafn erfitt að
finna í þeim samhljóminn. Gott mál-
verk er eins og góð manneskja,“
skrifar Jón. Sýningin á verkum Erlu
og Svavars stendur yfir til 30. sept-
ember.
Ljósmynd/Sigurgeir Sigurjónsson
Hress Erla eldhress með verk eftir sig í baksýn í Svavarssafni.
„Orkustöðvar líkama og sálar
eru eins og litir í málverki“
Myndlistarverkefnið Staðir fer nú
fram í fjórða sinn á sunnanverðum
Vestfjörðum og að þessu sinni sýna
fjórir myndlistarmenn ný verk, þ.e.
Anna Júlía Friðbjörnsdóttir, Auður
Lóa Guðnadóttir, Eygló Harðar-
dóttir og Starkaður Sigurðarson.
Eru verk þeirra nú sýnd víða um
Arnarfjörð og sýningarstjórar eru
Becky Forsythe, Eva Ísleifs og Þor-
gerður Ólafsdóttir. Sýningarnar
munu standa yfir til loka ágúst.
Staðir, eða Places á ensku, er
myndlistarverkefni í umsjón lista-
manna og hóf það göngu sína árið
2014 og miðar að því að „skapa
tíma og rými fyrir listamenn til að
vinna að nýjum verkum, ýmist var-
anlegum eða tímabundnum, í návígi
við náttúruna eða sögulega og ein-
staka staði“, svo vitnað sé í tilkynn-
ingu. Listamennirnir hafa dvalið
fyrir vestan og búið til listaverk út
frá vinnudvöl og tíma sínum þar.
Upplýsingar um verkefnið, lista-
mennina og sýningarnar má finna á
heimasíðu Staða, stadir.is.
Fallegt Verk Auðar Lóu Guðnadóttur.
Staðir í fjórða sinn á Vestfjörðum