Fréttablaðið - 10.11.2021, Síða 11

Við höfum skýra sýn á
hvaða félög eru vel til
þess fallin að samein-
ast Marel og munum
halda aga þegar kemur
að yfirtökum. Við
munum ekki missa
okkur í þeim efnum.
FAXAFEN 11, 108 REYKJAVÍK, S: 534-0534
WWW.PARTYBUDIN.IS
Allt fyrir veisluna á einum stað
Skraut, borðbúnaður, búningar og tækjaleiga
FJÁRFESTING Í SJÓÐUM
ER GÓÐUR VALKOSTUR
TIL AÐ ÁVAXTA PENINGA TIL
SKEMMRI OG LENGRI TÍMA
Kynntu þér árangur og úrval
ÍV sjóða á WWW.IV.IS
Marel horfir í yfirtökum
almennt til vöruframboðs
fyrirtækjanna og hvernig
félagið passi við Marel.
„Almennt horfum við fremur
á góða tækni en tilteknar
heimsálfur,“ segir fram-
kvæmdastjóri hjá Marel.
helgivifill@frettabladid.is
Mikil samlegðaráhrif eru fólgin í
kaupum á fyrirtækjum sem geta
bætt þjónustu við viðskiptavini
Marels og aukið vöruframboð.
Jafnvel þótt eignaverð hafi hækkað
síðustu misseri í ljósi lægra vaxta-
stigs eru mikil tækifæri til að efla
hin keyptu fyrirtæki með því að
samnýta viðamikið sölu- og þjón-
ustunet Marels í yfir 30 löndum í
sex heimsálfum sem nær til við-
skiptavina í yfir 140 löndum, breitt
vöruúrval og þá stafrænu tækni sem
fyrirtækið býr yfir meðal annars
til að tengja saman vélar og safna
gögnum.
Þetta segir Árni Sigurðsson,
framkvæmdastjóri stefnumótunar
og stefnumarkandi rekstrareininga
hjá Marel, í viðtali við Markaðinn.
Fyrirtækið stendur fyrir fjórum
fjárfestadögum sem fara munu fram
á netinu frá næstkomandi fimmtu-
degi 11. nóvember til 9. desember
og eru öllum opnir á vef Marels.
Árið 2017 tilkynnti fyrirtækið að
það hygðist auka tekjurnar um tólf
prósent á ári á næstu tíu árum með
innri og ytri vexti. Á fimmtudaginn
verður fjallað um vöxt Marels, 18.
nóvember um alþjóðastarfsemi,
2. desember stafrænar lausnir og
9. desember sjálfbærni.
Árni segir að almennt í yfirtökum
sé horft til vöruframboðs fyrirtækj-
anna og hvernig það passi við Marel,
ekki síst varðandi gildi og sýn. Það
hafi þó komið fyrir að keypt hafi
verið fyrirtæki til að auka markaðs-
hlutdeild á ákveðnum mörkuðum,
til dæmis með kaupum á brasilíska
framleiðandanum Sulmaq árið
2017 sem hafði byggt upp sterk við-
skiptasambönd við kjötiðnaðinn í
Suður-Ameríku. „Almennt horfum
við fremur á góða tækni en tilteknar
heimsálfur,“ segir hann.
Mörg fyrirtæki í iðnaðinum velta
á bilinu 30 milljónum evra eða 4,5
milljörðum króna til 200 milljóna
evra, jafnvirði 30 milljarða króna.
„Listinn er langur,“ segir Árni
aðspurður. „Við höfum skýra sýn á
hvaða félög eru vel til þess fallin að
sameinast Marel og munum halda
aga þegar kemur að yfirtökum. Við
munum ekki missa okkur í þeim
efnum.“
Árni segir að helstu drifkraftar
innri vaxtar Marels séu að bjóða
viðskiptavinum upp á framúr-
skarandi þjónustu, vöruþróun og
nýsköpun ásamt jákvæðri vinnu-
staðamenningu. „Marel fjárfestir
sex prósent af tekjum í vöruþróun
árlega en þörfin fyrir hana fer
sívaxandi í ljósi þess að viðskipta-
vinir eiga æ erfiðara með að ráða
starfsfólk og neytendur gera æ rík-
ari kröfu til gæða matvæla, öryggis,
hagkvæmni, rekjanleika þeirra og
fjölbreytts vöruúrvals. Árið 2020
nam fjárfesting Marels í vöruþróun
69 milljónum evra, sem samsvarar
um 11 milljörðum íslenskra króna,
og skilaði 30 nýjum lausnum á
markað. Ein af nýju vörunum okkar
sem við teljum að njóta muni vin-
sælda er Marel Spectra sem leitar
í kjúklingi að mjúkum aðskota-
hlutum eins og plasti. Það er með
ólíkindum hvað getur leynst í mat-
vælavinnslum. Við horfum á að
bjóða upp á þessa sömu tækni fyrir
fisk og kjöt. Það eru mikil tækifæri
í að heimfæra tækni úr tilteknum
matvælaiðnaði, eins í kjúklingi í
þessu tilviki, yfir á önnur svið í því
skyni að stuðla að bættri arðsemi af
vöruþróun,“ segir hann.
Árni segir að Marel hafi góða
reynslu af því að yfirfæra tækni úr
einum iðnaði í annan en þar megi
til dæmis nefna SensorX-lausnina
sem hafi upprunalega verið þróuð
fyrir beinaleit í hvítfiski en tryggir
nú að kjöt- og kjúklingavörur eins
og hamborgarar séu beinlausar fyrir
neytendur um heim allan.
Að hans sögn eru auk þess mikil
tækifæri fólgin í að nýta stafræna
tækni og gögn til að minnka mat-
arsóun í virðiskeðjunni og auka
gæði, rekjanleika og sjálf bærni.
Slíkt kalli á mikla fjárfestingu og
þekkingu sem minni fyrirtæki hafi
oft ekki burði í og njóti því góðs af
því að tilheyra Marel. „Það að nýta
stafræna tækni í vaxandi mæli er
liður í aukinni sjálfbærni. Fyrir ein-
hverjum áratugum þurfti fjóra fiska
til að búa til sama magn af mat en
nú þarf þrjá. Við erum alltaf að nýta
matinn betur með hjálp tækninnar
og í því felast mikil tækifæri.“ n
Mikil samlegðaráhrif fylgja
yfirtökum fyrir Marel
Árni segir að listinn yfir áhugaverð fyrirtæki fyrir Marel til að taka yfir sé langur. MYND/BALDUR KRISTJÁNSSON
Covid-19 mun hafa góð áhrif á Marel
Til langs tíma mun Covid-19 hafa
góð áhrif á rekstur Marels, segir
Árni Sigurðsson, framkvæmda-
stjóri hjá fyrirtækinu. „Heims-
faraldurinn hefur skapað aukna
þörf fyrir sjálfvirknivæðingu og
viðskiptavinir eru mun reiðu-
búnari að leggja í þá vegferð en
áður,“ segir hann.
Til skamms tíma hefur Covid-
19 raskað virðis- og flutninga-
keðjum. Árni segir að til að mæta
þeim áskorunum hafi fyrirtækið
brugðið á það ráð að eiga mikið
af birgðum til að geta þjónustað
viðskiptavini og afhent vörur og
lausnir þegar þeir þurfi á þeim að
halda. „Marel er nánast óskuld-
sett og hefur því burði til að
byggja upp birgðir til skamms
tíma. Við erum óhrædd við að
fara þessa leið til að tryggja
góða, örugga þjónustu við við-
skiptavini,“ segir Árni.
FRÉTTABLAÐIÐ MARKAÐURINNFRÉTTABLAÐIÐMIÐVIKUDAGUR 10. nóvember 2021