Feykir - 08.01.2020, Blaðsíða 12

Árinu fagnað með glamúr
Glitský á himni víða um land
Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455
7176 og netfangið feykir@feykir.is
01
TBL
8 janúar 2020 40. árgangur
Frétta- og dægurmálablað á Norðurlandi vestra : Stofnað 1981
Séð fram Skagafjörð. MYND: HJALTI ÁRNA
HSN Sauðárkróki hefur
fengið nýtt símanúmer :
432 4200
Lyfjasími :
432 4203
Vaktlæknir utan dagvinnutíma :
1700
Ef um neyðartilfelli er að ræða hringið í :
112
Himinninn hélt skrautsýningar fyrir landann fyrstu
daga mánaðarins og mátti sjá fjölda mynda af
glæsilegum glitskýjum á samfélagsmiðlunum, víða
af landinu, um helgina er leið.
Á vef Veðurstofunnar segir að glitský sjáist helst um
miðjan vetur, um sólarlag eða sólaruppkomu. Litadýrð
þeirra sé mjög greinileg því þau eru böðuð sólskini, þótt
rökkvað sé eða jafnvel aldimmt við jörð. Þykir litadýrð
þeirra minna á litina sem sjá má í hvítu lagi sem er innan á
sumum skeljum og eru þau því nefnd perlumóðurský í
ýmsum tungumálum.
Þá segir í fróðlegri grein Trausta Jónssonar, veður-
fræðings, um glitský á vef Veðurstofunnar (Árstíðasveifla
glitskýja yfir Íslandi 1964-2002) að þau séu langalgengust í
desember og janúar en þegar líði á marsmánuð séu þau horfin
af sjónarsviðinu. Þetta er sá tími sem kaldastur er í heiðhvolfinu
og myndast skýin ekki nema hitastig fari að minnsta kosti
niður í 75° frost, helst 80°. Trausti segir að fari tíðni skýjanna
að aukast umtalsvert utan kjörtímans sé það nokkuð öruggt
merki um að loftslagsbreytingar séu að eiga sér stað.
„Til þess að skýin geti sést mega neðri ský ekki skyggja
á og því sjást þau einatt í landvindi, sunnanlands í
norðanátt, en í suðvestlægum og vestlægum áttum nyrðra
og eystra. Veðurskilyrði þau sem mynda skýin eru algengari
í suðlægum en norðlægum áttum,“ segir ennfremur í grein
Trausta. /FE
26. september
Hið fyrirskipaða jarða-
mat hófst seint í
Skagafirði sökum veik-
inda sýslumanns. ,,Ekki
er nú farið að meta
jarðirnar hér í sýslu, og
vona menn nú eftir á hverjum degi, því sýslumaður er
farinn að hressast, að sagt er.“ Hafizt var handa laust
fyrir miðjan október.
30. október
Flutningaskip brotnaði í lendingu í Höfðakróki, og
tapaðist mikið af farmi. Sama dag brotnaði bátur á
Lónkotsmöl; kom úr Málmey. Þar drukknaði Björn
Þorgeirsson vinnumaður á Bræðraá; öðrum var
bjargað nauðuglega. /PF
Skagfirskur annáll
Kristmundar Bjarnasonar 1847–1947
1849
Þrjár heppnar dregnar út
Jólakrossgáta Feykis
Ágætis þátttaka var í Jólakrossgátu Feykis að þessu sinni og
allar lausnir réttar sem sendar voru inn. En eins leiðinlegt
og það nú er var aðeins lofað þremur bókavinningum og
því þurfti að draga úr réttum lausnum.
Mikill kynjahalli varð í útdrættinum þar sem eingöngu
kvenmannsnöfn komu upp úr hattinum og öll í Skagafirði
og fá þær heppnu bækur að launum.
Fanney Stefánsdóttir á Sauðárkróki fær bókina um
Gústa guðsmann eftir Sigurð Ægisson, Þórey Helgadóttir
Tunguhálsi 2 fær Fákar og fólk – Svipmyndir úr hesta-
mennsku í 30 ár eftir Eirík Jónsson og Áshildur M. Öfjörð á
Sauðárkróki fær bókina Þar sem skömmin skellur eftir Önnu
Dóru Antonsdóttur.
Lausnarorðið er: Ég sá mömmu kyssa jólasvein.
Feykir þakkar öllum þeim sem tóku þátt og óskar
vinningshöfum til hamingju með bækurnar. /PF
Styrkur á Skagaströnd
Rannsóknarsetur HÍ
Samgöngu- og sveitarstjórnarráðherra staðfesti á dög-
unum tillögur valnefndar um verkefnastyrki vegna
fjarvinnslustöðva sem veittir eru á grundvelli stefnu-
mótandi byggðaáætlunar fyrir árin 2018-2024. Þrjú
verkefni hlutu styrk og var verkefni Rannsóknarseturs
Háskóla Íslands á Norðurlandi vestra, Gagnagrunnur
sáttanefndarbóka, eitt þeirra.
Að þessu sinni var 24 milljónum króna úthlutað til
þriggja verkefna fyrir árin 2019-2020. Þá hafa einnig verið
gefin fyrirheit um styrki að heildarupphæð 55 milljónir
króna til ársins 2023.
Verkefni rannsóknarseturs Háskóla Íslands á Norður-
landi vestra, Gagnagrunnur sáttanefndarbóka, í samstarfi
við Héraðsskjalasafn Skagfirðinga og Þjóðskjalasafn hlýtur
styrk að upphæð 9 m.kr. á ári í þrjú ár, árin 2020-2022, og
4,6 m.kr árið 2023, samtals 31,6 m.kr. /FE