Feykir - 23.09.2020, Blaðsíða 5

Reynir Sandgerði og
Tindastóll mættust á
föstudag í tíu marka trylli
suður með sjó í 17. umferð
3. deildar. Leikurinn var,
eins og tölurnar gefa til
kynna, alveg bráðfjörugur
og sviptingarnar miklar.
Stólarnir komust fljótt í
0-2 með mörkum frá Sewa
Marah og Konna en heima-
menn gerðu næstu fjögur
mörk. Jöfnuðu leikinn 2-2
fyrir hlé og gerðu síðan tvö
mörk snemma í síðari
hálfleik. Gestirnir gáfust
ekki upp, jöfnuðu leikinn
með mörkum frá Luke Rae
og Adda og héldu síðan að
þeir hefðu stolið öllum
stigunum með marki á 89.
mínútu en þá mætti Arnór
Guðjóns svellkaldur inn á
teig og skallaði boltann í
markið. En þetta var bara
þannig leikur að heimamenn
hlutu að jafna, sem þeir og
gerðu, og lokatölur 5-5.
Frábær skemmtun þó
eflaust hafi bæði lið verið
hálfsvekkt með að hafa ekki
hirt öll stigin. Til að stríða
aðeins toppliðum deildar-
innar þurftu Tindastólsmenn
að vinna þennan leik og þeir
voru greinilega gíraðir í það
– en jafntefli niðurstaðan.
Næsti leikur strákanna er á
Fylkisvelli gegn liði Elliða
nk. föstudag. /ÓAB
ÍÞRÓTTAFRÉTTIR F
3. deild karla | Reynir S. – Tindastóll 5–5
Tíu marka tryllir
Árlega fer fram Meistaramót
Golfklúbbs Skagafjarðar í
holukeppni sem byrjar um
miðjan júní og stendur í rúma
tvo mánuði en að þessu sinni
tóku 22 keppendur þátt.
Úrslitaleikurinn var á milli
Hildar Hebu Einarsdóttur og
Hjalta Árnasonar og var jafn
og spennandi. Bæði höfðu lagt
verðuga andstæðinga að velli
þegar í úrslitaleikinn var
komið en Hildur Heba hafði
borið sigur úr býtum á móti
Arnari Geir, Andra Þór og
Friðjóni.
Hildur átti gott annað högg
á sjöttu braut. „Hjalti var ný-
búinn að slá sitt högg og var
vel staðsettur á gríninu. Ég
var aðeins of stutt í upphafs-
högginu og var rétt fyrir utan
flöt. Átti kannski fimm metra
eftir og vippaði ofan í,“ segir
Heba og Hjalti tekur undir að
höggið hafi verið flott. „Við
fórum framúr Dóra dómara
og hollinu hans og á meðan
þeir horfðu á setti Hildur Heba
niður vipp fyrir fugli og þeir
litu samúðaraugum til mín,“
segir Hjalti.
Hildur Heba er því meistari
GSS í holukeppni árið 2020. /PF
Hildur Heba meistari
Golf | Meistaramót Golfklúbbs Skagafjarðar
Kvennalið Tindastóls fékk
Skagastúlkur í heimsókn í
Lengjudeildinni á laugardag.
Liði ÍA hefur ekki gengið vel í
sumar, vörn liðsins er ágæt en
þeim hefur gengið illa að skora
og eru fyrir vikið þriðju
neðstar. Stólastúlkur hafa aftur
á móti bæði varist vel og verið
skæðar í sókninni og því komu
úrslitin, 2-0, kannski ekkert á
óvart. Niðurstaðan var
sanngjörn og enn færist lið
Tindastóls nær hinum heilaga
gral – Pepsi Max-deildinni.
Bálhvasst var meðan á leik
stóð og tók það lið Tindastóls
smá tíma að ná áttum. Á 34.
mínútu tók Jackie hornspyrnu
frá vinstri og sendi háan og
hættulegan bolta inn að marki
ÍA. Aníta í markinu náði að
blaka boltanum frá en eftir
smá klafs barst boltinn á Láru
Mist sem skilaði boltanum í
markið af öryggi og gerði um
leið fyrsta mark sitt fyrir
Tindastól. Staðan 1-0 í hálfleik.
Lið Tindastóls fékk nokkur
góð færi til að gera út um
Sjöundi sigurleikurinn í röð!
Lengjudeild kvenna | Tindastóll – ÍA 2–0
leikinn fyrri hluta síðari
hálfleiks en boltinn féll ekki
nógu vel fyrir stelpurnar í
vindinum og ekki bætti úr
skák að það fór að rigna í
upphafi síðari hálfleiks og
síðan kom þessi fíni éljabakki
og sturtaði úr sér yfir völlinn í
10-15 mínútur. Áhorfendur
forðuðu sér í skjól en leik-
mennirnir bösluðu áfram. Öll
él styttir upp um síðir og sólin
braust fram á ný í þann mund
sem Jackie Altshculd bætti við
öðru marki Tindastóls. Hún
fékk boltann á auðum sjó á
fjærstöng eftir fína vinnu frá
Mur. Skagastúlkur náðu ekki
að ógna að ráði eftir þetta og
Stólastúlkur fögnuðu sjöunda
sigri sínum í röð.
Það er fátt sem kemur í veg
fyrir að Tindastólslið spili í
efstu deild íslenska fótboltans
að ári. Liðið spilar á Húsavík í
dag og með sigri þar væri sæti
í efstu deild tryggt. Það er
bara þannig! /ÓAB
Mur í baráttunni og éljunum gegn ÍA. Hún hefur skorað 21 mark í sumar. MYND: ÓAB
Fyrri leikur Kormáks/Hvatar og
KÁ í átta liða úrslitum 4. deildar
fór fram á Ásvöllum í Hafnar-
firði á laugardag. Húnvetning-
arnir byrjuðu með glæsibrag
og náðu tveggja marka forystu
í fyrri hálfleik. Heimamenn
minnkuðu muninn fyrir hlé og
jöfnuðu síðan í blálokin og því
er allt í járnum í rimmu liðanna.
Viktor Ingi Jónsson hefur
verið duglegur við að setja
boltann í mark andstæðinga
Kormáks/Hvatar að undan-
förnu og hann var snöggur að
setja mark sitt á leikinn, skor-
aði á 14. mínútu. Juan Carlos
Dominguez Requena bætti við
öðru marki gestanna á 25.
mínútu. Bjarki Þorsteinsson
minnkaði muninn á 37. mín-
útu og staðan því 1-2 í hálfleik.
Egill Örn Atlason gerði síðan
jöfnunarmark heimamanna á
90. mínútu og þar við sat.
Síðari leikur liðanna verður
á Blönduósvelli í dag og hefst
kl. 16:30. Með sigri kemst Kor-
mákur/Hvöt í undanúrslit. Í
öðrum leikjum úrslitakeppn-
innar vann Hamar 0-2 útisigur
gegn KH, ÍH sigraði Kríu 3-0
og KFR, sem var í B-riðli líkt
og Kormákur/Hvöt, bar sigur-
orð af lið KFS, 2-1. /ÓAB
Allt í járnum
4. deild karla | KÁ – Kormákur/Hvöt 2–2
Hildur Heba Einarsdóttir, holukeppnismeistari, einbeitt við púttið. AÐSEND MYND.
Sigur á Akureyringum
Körfubolti | Æfingaleikir karlaliðs Tindastóls
Lið Tindastóls og Þórs frá
Akureyri mættust í Síkinu sl.
mánudagskvöld. Nýr Kani
Tindastóls, Shawn Glover,
spilaði sínar fyrstu mínútur í
Tindastóls-búningnum og
sýndi ágæta spretti þó hann
hafi verið þungur á köflum,
enda ekki búinn að ná mörgum
æfingum með nýjum félögum.
Stólarnir áttu ekki í teljandi
vandræðum með lið gestanna
sem þó bitu frá sér og þá
sérstaklega í öðrum fjórðungi.
Lokatölur voru 100-76. Liðin
fóru rólega af stað en um
miðjan fyrsta leikhluta náðu
Stólarnir fínum kafla og leiddu
29-16 að honum loknum. Í
hálfleik var staðan 46-41 og
Tindastólsmenn voru fljótir að
að ná yfirhöndinni í byrjun
síðari hálfleiks og staðan 76-60
að loknum þriðja leikhluta.
Jaka Brodnik var frábær í
liði Tindastóls og endaði með
30 stig og sjö fráköst.
Tap í Garðabæ
Það fór ekki eins vel þegar
Stólarnir heimsóttu lið
Stjörnunnar sl. föstudag. Jafn-
ræði var með liðunum framan
af en í síðari hálfleik reyndust
heimamenn sterkari og unnu
öruggan sigur.
Höttur mætir á Krókinn á
fimmtudag kl. 19:15. /ÓAB
Hera Sigrún Ásbjarnar-
dóttir sem hefur spilað
síðastliðin tvö ár í 1. deild
kvenna með Tindastól
skrifaði nýverið undir
samning við KR sem leikur
komandi tímabil í
Dominos-deildinni.
Á síðunni karfan.is
sagði Francisco Garcia
þjálfari mfl. kvenna KR
þetta um Heru, „Hera er
góður skotmaður og liðs-
maður, hún mun hjálpa
okkur að vaxa sem lið.“
Hera Sigrún er fædd og
uppalin á Sauðárkróki og
eru foreldrar hennar þau
Ásbjörn S. Ásbjörnsson og
Sigríður Pálsdóttir. /ÓAB
Körfubolti
Hera Sigrún
farin í KR
Hera Sigrún. MYND: GG
36/2020 5