Strandapósturinn - 01.10.2001, Qupperneq 24

eyðilögðust á flatgryfju á Munaðarnesi í Árneshreppi í óveðrinu
í nóvemberbyijun. Vindhraði fór þá upp í 44 metra á sekúndu í
Litlu-Ávík, en fárviðri telst ef vindhraði fer yfir 32 metra. Einnig
fauk sviðaskemma sem stóð við sláturhúsið á Ospakseyri út á
Bitrufjörðinn.
Byggðamál
Veruleg fólksfækkun varð í héraðinu á árinu 2001, enn eitt
árið. Bráðabirgðatölur Hagstofu Islands sem eru yfirleitt nokkuð
ábyggilegar segja að þann 1. desember hafí íbúar Stranda verið
orðnir 840. Hefur þeim þá fækkað um 19 frá síðasta ári og 88 á
þremur árum, frá 1. des 1998. Hlutfallslega hefur fækkað mest í
Broddaneshreppi á þessum árum, þá Árneshreppi og síðan
Hólmavíkurhreppi. Það er einungis í Bæjarhreppi sem fjölgun
hefur orðið 2001 frá fyrra ári.
íbúaijöldi í einstökum hreppum síðustu árin:
Árnes- hreppur Kaldrana- neshr. Hólma- víkurhr. Kirkju- bólshr. Brodda- neshr. Bæjarhr. Strandir
1998 71 142 481 49 88 97 928
1999 67 144 451 44 84 93 883
2000 60 130 449 45 82 93 859
2001 59 132 427 45 70 107 840
Fólksfækkun í héraðinu er fyrir löngu orðin svo uggvænleg að
sveitarstjórnarmenn sem eru starfi sínu vaxnir og margir íbúar
svæðisins eru fyrir löngu farnir að spyrja sig og aðra alvarlegra
spurninga um hvað hægt sé að taka til bragðs til að snúa þróun-
inni við. Þó er engan veginn um almenna svartsýni að ræða á
Ströndum, því flestum virðist ljóst að mögulegt er að snúa þess-
ari þróun hægt og sígandi til betri vegar. Til þess þarf markvissa
áætlanagerð og aðgerðir og hlýtur sú vinna að snúa allt í senn
að ríkisvaldinu, sveitarfélögum á Ströndum, fýrirtækjum og
stofnunum.
22