Strandapósturinn - 01.10.2001, Síða 25

A bryggjuhátíð á Drangsnesi.
Árið 2000 var gefin út skýrsla sem bar titilinn Strandir í sókn
- Stefnumótun í atvinnumálum 2000-2005. Hún var unnin af sveit-
arfélögum um miðbik Strandasýslu, Broddaneshreppi, Kirkju-
bólshreppi, Hólmavíkurhreppi og Kaldrananeshreppi, í sam-
vinnu við Atvinnuþróunarfélag Vestfjarða og Iðntæknistofnun.
Þar var stefna sveitarstjórnanna í ýmsum málaflokkum sett fram
og gert ráð fýrir eftirfýlgni verkefnisstjórnar og markvissri vinnu
við að koma stefnunni í framkvæmd. Vonandi verður þeim áætl-
unum sem þarna voru settar fram fýlgt eftir af krafti á komandi
árum.
Einn bær á Ströndum fór í eyði á árinu 2001, Hvítahlíð í
Bitru, og búskap var hætt á Einfætingsgili og Klúku í Bjarnar-
firði. Er nú orðið heldur fámennt í Bitrufirði og meðalaldur
bænda allhár. Eitthvað var líka um að jarðir skiptu um eigendur
á árinu, t.d. var Hvalsá í Kirkjubólshreppi seld og hyggjast nýir
eigendur nota íbúðarhúsið til sumardvalar eins og þeir fýrri. Þá
þótti sala á Framnesi í Bjarnarfirði fréttnæm, að minnsta kosti er
það ekki oft sem jarðir á Ströndum kornast í glansmyndablaðið
Séð og heyrt. Ástæðan fýrir því var sú að í þeim hópi sem keypti
jörðina af ríkinu á tæpar 7 milljónir var leikkonan Edda
Heiðrún Bachman og maður hennar, Jón Axel Björnsson.
23