Strandapósturinn - 01.10.2001, Blaðsíða 27

Innan verkefnisins sem Landvernd stendur fyrir falla einnig
framkvæmdir við merkingu athyglisverðra staða í Arneshreppi
sem unnið var að á árinu. Fékkst til þeirrar vinnu styrkur frá er-
lendum umhverfíssjóði, The Seacology Foundation. Þá afhjúp-
aði Siv Friðleifsdóttir umhverfisráðherra útsýniskort við Reykja-
neshyrnu á Ströndum þann 11. ágúst, sem einnig er hluti af
vinnu Landverndar.
Atvinnulífið
Af nýsköpun í atvinnulífi á Ströndum má nefna að snemma
árs 2001 var allmikið rætt um laxeldi í Steingrímsfirði og hugs-
anlegan íyrirtækjarekstur í því sambandi. Landbúnaðarráðu-
neytið kom síðan í veg fýrir að þær hugmyndir yrðu að veruleika
með því að gefa út reglugerð þar sem dregin var lína þvert fyrir
firði og flóa víða um land og fýrir innan þær línur má enga kyn-
þroska laxfiska rækta. Húnaflói var eitt af þessum svæðum og
vakti uppátæki ráðherrans lítinn fögnuð Strandamanna. Síðan
hafa Strandamenn og fleiri aðilar frekar velt fýrir sér möguleik-
um á þorskeldi í Steingrímsfirði.
Á síðustu árum hefur fiskeldisstöðin Háafell ehf á Nauteyri
við ísafjarðardjúp framleitt bleikju, en stöðin var upphaflega
byggð til seiðaeldis. Frá því um haustið 2001 hefur stöðin einnig
séð um áframeldi á þorskseiðum fýrir Hraðfrystihúsið-Gunnvör
hf á ísafirði.
Kirkjubólshreppur stóð fýrir leit að heitu vatni á árinu og
fannst að lokum mikill jarðhiti á Gálmaströnd, á hlunndinda-
jörðinni Þorpum. Sá hiti er helst sambærilegur við það sem
þekkist í Reykjanesi við Djúp og á Reykhólum. Fjölmargar hita-
stigulsholur hafa verið boraðar víða um Tungusveit og ein ríf-
lega þúsund metra hola á Gálmaströndinni, en heita vatnið sjálft
hefur ekki fundist enn. Menn eru þó bjartsýnir, því jarðhitinn
bendir til að mikið heitt vatn sé á svæðinu. Vonast er til að hit-
inn sé slíkur að hægt sé að virkja hann til raforkuframleiðslu,
jafnframt því að leggja hitaveitu.
25