Strandapósturinn - 01.10.2001, Page 41

Leikfélag Hólmavíkur eftir sýningu í Trékyllisvík.
Hrútfirðingar fengu nýjan kórstjóra á árinu, Elínborgu Sigur-
geirsdóttur frá Bjargi.
Leikfélag Hólmavíkur sýndi á vordögum leikritið Karlinn í
kassanum, en hafði fyrr um veturinn unnið með leikdeild
Grunnskólans á Hólmavík við uppsetningu fóladagatalsins sem
sýnt var í lok árs 2000. Karlinn í kassanum er farsi af gamla skól-
anum, þar sem allt fer í hinn versta hnút áður en úr raknar að
lokum. Höfundar verksins eru þýsku kumpánarnir Arnold og
Bach, en Arnlín Oladóttir á Bakka í Bjarnarfirði leikstýrði.
Frumsýnt var á skírdag fýrir fullu húsi, en nokkur óvissa hafði
verið um hvort fresta þyrfti sýningum. Astæðan var sú að hæsta-
réttardómarinn í leikritinu var í rauninni veghefilstjórinn Sverr-
ir Guðbrandsson sem hafði verið veðurtepptur við snjómokstur
norður í Arneshrepp síðustu dagana fyrir sýningartörnina.
Karlinn í kassanum var sýndur í Sævangi og að venju var farið
í leikferðir á Drangsnes, í Króksfjarðarnes og Trékyllisvík. Mæt-
ing á sýningar Leikfélagsins var fádæma góð að þessu sinni og
staðan í kassa gjaldkera félagsins batnaði verulega. Þar hafði ver-
ið fullkomið tómahljóð og reyndar verra en það í upphafi ársins.
39