Strandapósturinn - 01.10.2001, Page 50

er hægt að segja annað en að flest séu þau mjög áhugasöm og
fróðleiksfús um fyrri tíma. Börn í skólabúðum eru nokkuð á
þriðja þúsund á ári.
Safninu bárustu áfram góðir munir á árinu og munu þeir
hafa verið nærri 50 árið 2001. Meðal þeirra má nefna vefstól frá
Kothvammi við Hvammstanga. Mannbrodda eftir Þórð Sæ-
mundsson á Hvammstanga og kornbyrðu frá Geitaskarði í
Langadal.
Mikil vinna var lögð á árinu í breytingar á sýningum safnsins.
Merkingar voru lagfærðar á hefðbundunum sýningum safnsins
en aðaláherslan var lögð í nýja sýningu í Ofeigsskála um hákarla-
veiðar við Húnaflóa og hákarlaskipið Ofeig. Að sýningunni vann
forstöðumaður og starfmenn safnsins ásamt Jóni Jónssyni þjóð-
fræðingi og starfsfólki Sögusmiðjunnar á Ströndum. A sýning-
unni er fjallað um hákarlaveiðar við Húnaflóa, sem voru miklar
allt fram á 20. öldina, í máli, myndum og með munum í eigu
safnsins. Einnig er ítarleg umfjöllun um hið merka hákarlaskip
Ofeig frá Ofeigsfirði. Ofeigur er eina varðveitta áraskip landsins
sem eingöngu var gert sérstaklega til hákarlaveiða. Stærð skips-
ins og smíði vekur líka undrun. Hann er allur unnin úr rekavið
og var smíðaður á einum vetri. Ofeigur er mjög þykkviðaður og
þéttbentur enda stóð hann vel af sér öldurnar og stendur enn
sem áður vel undir nafni. Hákarlasýningin var opnuð á safna-
daginn þann 8. júlí.
Þá var sett upp í sumar í Hillebrandtshúsi á Blönduósi sýning-
in Refsingar á Islandi - lögregluminjar. Þar mátti sjá muni frá
lögreglunni á Blönduósi og einnig lánaði Árbæjarsafn muni á
sýninguna úr safni Lögreglumannafélags Reykjavíkur. Þar á
meðal voru gasgrímur og táragashylki, handjárn og kylfur,
spennitreyja og rimlar sem brotist hafði verið út um. Byggða-
safnið, Blönduósbær, Arbæjarsafn og Lögreglumannafélag
Reykjavíkur stóðu að sýningunni, sem var opin fram í miðjan
ágúst.
Gott samstarf var á árinu við nýjan minjavörð sem er fyrir
Norðurland vestra og Strandasýslu. Hann heitir Þór Hjaltalín og
er sagnfræðingur. Helstu verkefni hans eru að hafa umsjón með
menningarminjum, skráningu og eftirliti fornleifa og gamalla
48