Strandapósturinn - 01.10.2001, Síða 53

Stöðugt er verið að leggja til hliðar muni sem ættu heima á safn-
inu, enda er söfnun enn í dag eitt af mikilvægustu verkefnun-
um. Safnið okkar á allt í senn að varðveita, rannsaka og sýna
muni sem forfeður okkar og við höfum látið eftir okkur. Safnið
getur eðlilega ekki tekið við öllu sem úreldist eða verður gamalt,
það verður að velja og hafna. Til þess hefur það samþykkta söfn-
unarstefnu. Safnið leitar sérstaklega eftir minjum sem tengjast
gamla bændasamfélaginu og gripum frá útræði og sjósókn. Þá
er lögð áhersla á söfnun muna sem tengjast hlunnindanýtingu -
selveiðum, nýtingu reka, dúntekju, lax- og silungsveiði, heiðar-
nytjum og fleiru slíku. Ef fólk veit af munum sem liggja undir
skemmdum, stendur til að henda eða það telur að eigi heima á
safninu er það eindregið hvatt til að hafa samband. Allar upplýs-
ingar um muni og ljósmyndir eru vel þegnar.
Vetrarstarf við safnið er í fullum gangi þessa dagana. I vetur
verður áfram unnið við breytingar á sýningum safnsins. Auknir
textar og upplýsingar verða settar upp og sýningarnar gerðar
fræðandi og skemmtilegar. Setja á upp nýja sölubúð fyrir minja-
gripi og söluvarning. Utisvæði verður lagfært og safnið gert sýni-
legra á allan hátt. Þá er áfram unnið að undirbúningi á stækkun
safnsins og sérhæfmgu. Stefnt er að því að á komandi árum
verði opnuð við safnið sérstök sýning er tengist hlunnindum og
hlunnindanýtingu á svæðinu. Og leitar safnið um þessar mund-
ir sérstaklega eftir munum, upplýsingum og myndum er tengjast
því efni.
Párað í byrjun góu árið 2002
51