Morgunblaðið - 23.08.2021, Page 2

Senn líður sumarið undir lok og kólna tekur í
veðri. Eru þetta gleðitíðindi fyrir berjaþyrsta Ís-
lendinga en berjalyng er nú loks tilbúið fyrir
tínslu. Unnur María Máney Bergsveinsdóttir
(t.h.) og Denny Quinn (t.v.) létu ekki á sér standa
og kíktu í berjamó í Ólafsfjarðarmúla. Uppskáru
þær ríkulega og að sögn Unnar voru þær alsælar
með afraksturinn. Ekki er vitað hvort sultugerð
er næsta verkefni þeirra.
Morgunblaðið/Þorgeir Baldursson
Myndarleg bláberjauppskera í Ólafsfjarðarmúla
2 FRÉTTIR
Innlent
MORGUNBLAÐIÐ MÁNUDAGUR 23. ÁGÚST 2021
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Unnur Freyja Víðisdóttir
unnurfreyja@mbl.is
Misbrestur var á framkvæmd skoð-
anakönnunar sem Reykjavíkurborg
sendi á starfsfólk og foreldra barna í
Fossvogsskóla á föstudaginn sl. þar
sem þeir voru beðnir um að kjósa um
tilhögun skólahalds 2.-4. bekkjar
næstu vikurnar en kennsla hefst
samkvæmt stundatöflu í dag. Þetta
herma heimildir Morgunblaðsins.
Mikil röskun hefur verið á skóla-
starfi í Fossvogsskóla vegna fram-
kvæmda sem enn standa yfir á hús-
næði skólans eftir að mygla fannst
þar árið 2017.
Í ofangreindri skoðanakönnun var
starfsfólki og foreldrum barna í 2.-4.
bekk í skólanum boðið að velja á milli
þriggja valkosta fyrir tilhögun skóla-
starfsins fyrstu vikur skólaársins.
Að mati fulltrúa foreldra barna í
skólanum barst könnunin þó bæði
seint og illa en hún var send út á
föstudaginn sl. og þátttakendur beðn-
ir að svara henni innan sólarhrings.
„Þessi könnun var ekki gerð í sam-
ráði við fulltrúa foreldra né starfs-
fólks skólans heldur var hún bara
keyrð í gegn og fólki ekki gefið neitt
svigrúm til að bregðast við henni,“
segir Karl Óskar Þráinsson, formað-
ur foreldrafélags Fossvogsskóla. Í of-
análag hafi ekki verið gerð grein fyrir
kostum og göllum þeirra kosta sem
um var að velja í könnuninni sem
gerði þátttakendum enn þá erfiðara
fyrir að taka upplýsta ákvörðun.
Þar að auki hafi engar upplýsingar
um persónuvernd verið að finna á ís-
lensku í könnuninni og heldur engin
krafa gerð um lágmarksþátttöku.
Það sem hefur þó verið einna mest
gagnrýnt við framkvæmd könnunar-
innar er sú staðreynd að hún var opin
öllum.
Á laugardaginn sendi Reykjavík-
urborg svo frá sér tilkynningu þar
sem segir að mikil þátttaka hafi verið
í könnuninni og að niðurstaðan hafi
verið skýr. Með tilkynningunni
fylgdu þó engar upplýsingar um það
hve margir svöruðu könnuninni.
Karl Óskar segir niðurstöður
könnunarinnar þó sem betur fer sam-
ræmast þeirri skoðun sem fulltrúar
foreldra og starfsfólks skólans höfðu
látið í ljós á skólaráðsfundi á fimmtu-
dag fyrir helgi, sem er að skólastarf
2.-4. bekkjar ætti að fara fram í nýju
húsnæði Hjálpræðishersins við Suð-
urlandsbraut.
Þrátt fyrir að vera ánægður með
niðurstöðurnar og að tímabundin
lausn hafi fundist á húsnæðisvanda
skólans segir Karl vinnubrögð borg-
arinnar ekki vera upp á marga fiska.
Misbrestur á framkvæmd könnunar-
innar hafi því ekki komið fólki á
óvart.
„Þetta er lýsandi fyrir það að sam-
ráð er valkvætt í huga borgaryfir-
valda og hvernig þau reyna komast
hjá því þar til þau eru komin upp að
vegg,“ segir hann.
Þá sé engin leið að vita hvenær
borgin muni koma færanlegum
kennslustofum í gagnið, sem upp-
runalega átti að vera tímabundin
lausn á húsnæðisvanda skólans, að
sögn Karls.
„Mér er stórlega til efs að það tak-
ist fyrir miðjan september þar sem
það er ekki er búið að stinga einni
skóflu niður.“
Samkvæmt upplýsingum Karls
höfðu einstaklingar í skólaráði og for-
eldrafélagi skólans komið efasemdum
sínum um lögmæti könnunarinnar á
framfæri við skólastjórnendur og
borgarfulltrúa í persónulegum sam-
tölum á föstudag, en ekki er vitað til
þess að brugðist hafi verið við þeim
efasemdum.
Draga lögmæti könnunarinnar í efa
- Fulltrúar foreldra barna í Fossvogsskóla segja alvarlegan misbrest hafa verið á framkvæmd skoð-
anakönnunar um tilhögun skólahalds næstu vikurnar - Vinnubrögð borgaryfirvalda komi ekki á óvart
Könnun Starfsfólk og foreldrar barna í Fossvogsskóla telja nýja húsnæði
Hjálpræðishersins við Suðurlandsbraut skásta valkostinn af þremur.
Þóra Birna Ingvarsdóttir
thorab@mbl.is
Íslensk fjölskylda var meðal þeirra
farþega sem komu til Danmerkur í
gær á leið sinni frá Afganistan.
Flugvélin kom frá Islamabad í
Pakistan með 131 farþega. Allir far-
þegarnir höfðu komið frá Afganist-
an.
Í fluginu voru bæði embættis-
menn og 90 flóttamenn frá Afganist-
an, þar á meðal þeir einstaklingar
sem dönsk yfirvöld hafa aðstoðað Ís-
land og Svíþjóð við að forða frá Afg-
anistan eftir valdatöku talíbana.
Utanríkisráðuneytið staðfesti í
samtali við mbl.is að Íslendingarnir
sem um ræddi væru hjón og börn
þeirra.
Ráðuneytið hefur verið í stöðugu
sambandi við þrjár íslenskar fjöl-
skyldur í Kabúl og nú er þá ein
þeirra komin til Danmerkur. Næsta
skref verður að koma þeim þaðan
heim til Íslands.
Veita skjól
Vitað var um tvo Íslendinga til
viðbótar í Kabúl, sem störfuðu fyrir
Atlantshafsbandalagið. Annar
þeirra hefur verið fluttur af vett-
vangi en hinn er enn staddur í Ka-
búl.
Bandalagið leggur nú kapp á að
flytja ríkisborgara bandalags- og
samstarfsríkja frá Afganistan. Þá
einnig afganska ríkisborgara sem
eru í sérstakri hættu, sérstaklega þá
sem starfað hafa fyrir bandalagið.
Íslensk fjölskylda meðal
farþega frá Afganistan
- Fólk á flótta undan talíbönum lenti í Danmörku í gær
AFP
Flótti Íslenska fjölskyldan kom til
Danmerkur með flugi í gær.
Helgi Hrafn Gunnarsson, fyrrver-
andi þingmaður Pírata, var kosinn í
framkvæmdastjórn flokksins á raf-
rænum aðalfundi Pírata sem fram
fór um helgina.
Helgi Hrafn hafði áður gefið út að
hann hygðist ekki bjóða sig fram í
komandi kosningum en snúa sér að
stefnumótun innan flokksins í þess
stað. „Ég er mjög spenntur fyrir því
að fara í praktískara hlutverk þar
sem spurningarnar eru meira prakt-
ískar en kannski minna af rökræð-
um,“ segir Helgi léttur.
Ásamt honum sitja í fram-
kvæmdastjórn þau Björn Þór Jó-
hannesson og Gamithra Marga, en
þau sátu áður í framkvæmdastjórn-
inni. Það var einungis kosið um eitt
sæti í ár þar sem stjórninni er aldrei
skipt út allri í einu, svo að stofn-
analega minnið glatist ekki, að sögn
Helga. Hann segir mikil tækifæri
felast í nýju skipulagi á starfinu:
„Við erum nýkomin með þetta
skipulag sem við erum með núna svo
það eru rosalega mörg tækifæri til
að prófa sig í umbótum á innra starf-
inu. Hlutverkin eru orðin dreifðari
og nákvæmari,“ segir hann.
Tekur sæti í
framkvæmda-
stjórn Pírata