Morgunblaðið - 25.08.2021, Qupperneq 1

M I Ð V I K U D A G U R 2 5. Á G Ú S T 2 0 2 1
.Stofnað 1913 . 198. tölublað . 109. árgangur .
MIKIL JÁKVÆÐNI
MÆLIST GAGN-
VART ÍSLANDI
SÁLFRÆÐI OG
POPPMENNING
Í POPPSÁLINNI
TRYMBILINN
CHARLIE WATTS
LÉST Í GÆR
HLAÐVARP 24 ROLLING STONES 11VIÐSKIPTAMOGGINN
Ólympíumót fatlaðra, öðru nafni
Paralympics, var sett við hátíðlega
afhöfn á Ólympíuleikvanginum í
Tókýó í gær. Mótið mun standa til
5. september.
Frjálsíþróttamaðurinn Patrekur
Andrés Axelsson og sundkonan
Thelma Björg Björnsdóttir voru
fánaberar Íslands en af sex ís-
lenskum keppendum hefur aðeins
Thelma áður keppt á Ólympíu-
móti.
Ólympíumót fatlaðra var fyrst
haldið árið 1960 í Róm en vetrar-
mótið var í fyrsta skipti árið 1976.
Mótið hefur verið haldið á sama
ári og Ólympíuleikarnir en ekki
alltaf verið í sömu borg. Síðustu
áratugina hefur það verið reglan
og síðustu mót hafa hafist fljótlega
eftir að Ólympíuleikunum lýkur.
Hefur þá verið notast við sömu
mannvirkin líkt og gert er í Tókýó
nú.
Ítarlega verður fjallað um Ól-
ympíumótið og íslensku keppend-
urna í Morgunblaðinu og á mbl.is.
Í blaðinu í dag er rætt við reynslu-
boltana Kristínu Guðmundsdóttur
og Kára Jónsson. »22, 23, 28
Patrekur
og Thelma
fánaberar
Ljósmynd/Torstein Bøe/NTB
Glæsileg setningarathöfn Ólympíumóts fatlaðra í Tókýó í gær
_ Réttur til
atvinnuleysis-
bóta hjá Vinnu-
málastofnun og
viðmið skattsins
um reiknað end-
urgjald vegna
sjálfstæðrar
starfsemi hefur
lengi valdið sjálf-
stæðum lista-
mönnum vandræðum, að sögn Er-
lings Jóhannessonar, forseta
Bandalags íslenskra listamanna.
Báðir þessir þættir hafi komið skýr-
ar í ljós í því tekjufalli sem margir
hafi orðið fyrir í kórónuveiru-
faraldrinum.
Listamaður sem starfar einn þarf
að reikna sér að lágmarki 582 þús-
und krónur í laun á mánuði, sama
hvað hann þénar. Erling segir að
þetta valdi vandræðum því verkefni
og tekjur séu óregluleg. »9
Vandinn kemur
skýrar í ljós í
faraldrinum
Erling Jóhannesson
_ Hitamet sem slegið var á Hall-
ormsstað í gær fær líklega ekki að
standa lengi, en búist er við því að
hitinn í dag verði enn hærri.
Hitinn fór upp í 29,3 gráður á
Hallormsstað í gær og er það hæsti
hiti sem mælst hefur í sumar. Hæsti
hiti sem mælst hefur á Íslandi er
30,5 gráður en það var árið 1939. »2
Búast við enn
hærri hita í dag
Stefán E. Stefánsson
ses@mbl.is
Starfsfólki Landspítalans hefur
fjölgað um tæpan fjórðung á áratug
og starfa nú 6.390 manns á vettvangi
hans. Stöðugildin eru mun færri eða
4.378 og skýrist mismunurinn á því
að tæp 60% starfsfólks eru í hluta-
starfi á spítalanum. Hefur það hlut-
fall farið hækkandi nær óslitið frá
árinu 2010. Framlög ríkissjóðs til
Landspítalans hafa aukist mjög að
raunvirði frá árinu 2010 eða um
26,8%. Var framlagið 75,5 milljarðar
króna í fyrra. Hefur það vaxið í hlut-
falli við útgjöld ríkissjóðs og nemur
framlagið um 9% af heildarútgjöld-
um ríkisins. Hlutdeild Landspítalans
í útgjöldum ríkissjóðs til heilbrigð-
ismála hefur haldist nær óbreytt frá
árinu 2010 og stendur í u.þ.b. 30%.
Hver höndin upp
á móti annarri
Mjög skiptar skoðanir eru innan
spítalans um það hvernig til hefur
tekist við rekstur hans og má líkja
stöðunni milli yfirstjórnar og yfir-
lækna við kalt stríð. Hafa læknarnir
oftar en einu sinni leitað ásjár Um-
boðsmanns Alþingis sem kveðið hef-
ur upp það álit sitt að skipurit og sú
ábyrgð sem lögð er á sístækkandi lag
millistjórnenda við spítalann stand-
ist vart lög um heilbrigðismál. Fag-
leg ábyrgð hljóti á endanum að vera
á höndum yfirlækna. Margir við-
mælendur Morgunblaðsins segja
skrifræðið hafa blásið út á síðustu
árum innan spítalans og að það sogi
til sín mikilvæga starfskrafta sem
betur myndu nýtast í beinni þjón-
ustu við sjúklinga. Skrifstofa spítal-
ans hefur tvöfaldast á áratug og
kostaði 4,2 milljarða króna í fyrra.
Skrifstofan blásið út
- Starfsfólki Landspítalans hefur fjölgað um 24% á áratug - Framlög til hans
hafa aukist um 26,8% á sama tíma - Starfsmönnum skrifstofu fjölgað um 115%
MViðskiptaMogginn
Morgunblaðið/Kristinn Magnússon
Landspítalinn Nýr spítali rís nú upp úr gríðarstórri holunni við Hringbraut. Framkvæmdin mun að áliti fjárveiting-
arvaldsins kosta tæpa 80 milljarða króna. Ekki eru öll kurl komin til grafar í þeim efnum og enn er langt í land.