Morgunblaðið - 25.08.2021, Page 2

2 FRÉTTIR
Innlent
MORGUNBLAÐIÐ MIÐVIKUDAGUR 25. ÁGÚST 2021
HURÐIR
Tunguháls 10, 110 Reykjavík, sími 567 3440, vagnar@vagnar.is, vagnar.is
• Stuttur afhendingartími
• Hágæða íslensk
framleiðsla
• Val um fjölda lita í
RAL-litakerfinu
• Vindstyrktar hurðir
Bílskúrs- og iðnaðarhurðir
Iðnaðarhurðir
Iðnaðarhurðir með gönguhurð
Bílskúrshurðir
Hurðir í trékarma
Tvískiptar hurðir
Smíðað eftir máli
Fyrsta flokks þjónusta og ráðgjöf
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Þrjár bandarískar sprengjuflugvélar af gerðinni Northrop
Grumman B-2 lentu á Keflavíkurflugvelli um klukkan 21 í
fyrrakvöld. Er um að ræða eina dýrustu flugvél heims og
kostar stykkið hátt í 100 milljarða króna. Flugvélar af þessari
gerð eru torséðar á ratsjám og sérstaklega hannaðar til að
bera kjarnavopn. Samkvæmt upplýsingum frá Landhelgis-
gæslu Íslands eru þær komnar hingað til lands til að taka þátt
í æfingum, en með þeim í för eru 200 liðsmenn flughersins.
Þetta er í annað skiptið sem sprengjuvélar af gerðinni B-2
sækja Ísland heim, gerðist fyrst árið 2019. Var þá um að ræða
eina flugvél og stoppaði hún stutt við. Þær vélar sem hér um
ræðir munu hafa tímabundið aðsetur á öryggissvæðinu á
Keflavíkurflugvelli. Komu þær hingað frá Whiteman-
herflugvellinum í Missouri í Bandaríkjunum.
Árin 1987 til 2000 var alls 21 B-2 framleidd og eru 20 þeirra
í þjónustu flughersins í dag en ein fórst í flugtaki frá Ander-
sen-herflugvelli á Gvam árið 2008. Bilun í tölvukerfi í kjölfar
rakavandamáls orsakaði slysið. khj@mbl.is
Sjaldséðar kjarnasprengjuvélar æfa við strendur Íslands
Ljósmynd/Bandaríski flugherinn
Hernaðarmáttur Á þessari mynd má sjá eina af þeim þremur sprengjuflugvélum Bandaríkjamanna sem nú æfa hér við land. Myndin er tekin á öryggissvæðinu á Keflavíkurflugvelli.
Hitamet var slegið í gær á Hall-
ormsstöðum á Austurlandi en sam-
kvæmt upplýsingum Veðurstof-
unnar skreið hitinn upp í 29,3
gráður. Er þetta hæsta hitastig sem
mælst hefur á landinu þetta árið en
hingað til var hlýjasta mælingin
27,5 gráður frá Akureyri þann 20.
júlí.
„Það er möguleiki á að þetta sé
það mesta sem hefur nokkurn tím-
ann mælst í ágústmánuði,“ segir
Teitur Arason, veðurfræðingur hjá
Veðurstofu Íslands. Metið mun þó
mögulega ekki fá að standa lengi en
búist er við því að hitinn í dag verði
enn meiri.
Hæsti hiti sem mælst hefur á Ís-
landi var árið 1939 þegar 30,5 gráð-
ur mældust á Teigarhorni í Beru-
firði. Að sögn Teits þykir ólíklegt að
það met verði slegið á næstunni.
„Það þarf allt að ganga upp til að
hitinn fari þangað.“ hmr@mbl.is
Hátt í 30 gráður á
Austurlandi í gær
- Hitametið líklegt til að falla í dag
Morgunblaðið/Sigurður Aðalsteinsson
Sól Mesti hiti ársins mældist í gær
þegar hann fór yfir 29 gráður.
Sigurður Bogi Sævarsson
sbs@mbl.is
„Frá fyrri verkefnum þekki ég að-
stæður á Haítí og veit því hverju má
búast við. Þetta er ögrandi verkefni,
þar sem ég tek því sem að höndum
ber,“ segir Ólafur Loftsson. Hann er
einn liðsmanna UNDAC, viðbragðs-
hóps Sameinuðu þjóðanna sem kalla
má út í kjölfar náttúruhamfara, hvar
sem er í veröldinni, til þess að leggja
línur um uppbyggingu og aðstoð eftir
fyrstu björgunaraðgerðir.
Haítí er nú í brennidepli. Nær 2.200
eru látnir og rúmlega 12 þúsund slas-
aðir eftir öflugan jarðskjálfta sem reið
yfir í landinu 14. ágúst sl. Upptök
skjálftans urðu um 160 km vestur af
höfuðborginni Port-au-Prince.
Skjálftinn mældist 7,2 að styrk, örlitlu
meira en skjálftinn sem reið yfir eyj-
una í byrjun árs 2010, en þá létust um
200 þúsund manns.
Ólafur var ræstur út í gærmorgun
og flaug utan í nótt. Hann hafði gær-
daginn til að taka saman föggur sínar
og nauðsynlegan búnað. Þá flaug
hann fyrst til Parísar, ætlar þaðan yf-
ir Atlantshafið til Santo Domingo í
Dóminíska lýðveldinu þaðan sem
stutt flug er til Port-au-Prince.
„Að vera á lista UNDAC þýðir að
ég hef undanfarin ár farið mjög reglu-
lega í þjálfun til að mæta hamförum
og óvæntum atburðum, sem lamað
geta samfélög og brotið innviði þess.
Þá var ég í íslensku alþjóðabjörgunar-
sveitinni sem fór til Haítí í ársbyrjun
2010, þá með nánast engum fyrirvara.
Við vorum komin héðan frá Íslandi til
þessa fátæka ríkis í Karabíska hafinu
um sólarhring eftir að skjálftinn reið
yfir,“ segir Ólafur og heldur áfram:
„Rústabjörgun á Haítí nú er að
mestu lokið, enda fara líkurnar á því
að finna fleiri á lífi þverrandi. Aðgerð-
ir hópsins sem ég starfa með ganga
því út á að meta ástandið og undirbúa
hjálparstarf sem alþjóðasamfélagið
mun væntanlega koma að. Í þessa
vinnu er fengið fólk sem hefur reynslu
af björgunarstörfum víða um veröld
og meðal annars er það skilyrði sett
að við getum hvert og eitt verið sjálf-
um okkur næg fyrstu 72 klukkustund-
irnar frá því lagt er upp. Ég á annars
ekki von á öðru en að allt gangi upp í
þessu úthaldi sem verður fram í miðj-
an september,“ segir Ólafur.
Meta ástand og frekara
hjálparstarf undirbúið
- Ólafur til Haítí - Skjálftaland - Alþjóðasamfélagið hjálpi
Morgunblaðið/Kristinn Magnússon
Ferðafær Ólafur Loftsson flaug utan í nótt, en í gær tók hann saman föggur sínar fyrir þriggja vikna úthald á Haítí.