Morgunblaðið - 25.08.2021, Side 10

10
MORGUNBLAÐIÐ MIÐVIKUDAGUR 25. ÁGÚST 2021
Smiðjuvegi 34
Gul gata Kópavogi
biljofur@biljofur.is
Viðgerðir // Bilanagreining // Varahlutir // Smurþjónusta
Rótgróið fyrirtæki, starfrækt frá 1992
Allar almennar BÍLAVIÐGERÐIR
544 5151tímapantanir
Bíljöfur – Varahlutir Smiðjuvegi 72
Þjónustuaðilar IB Selfossi
Hjá Bíljöfri starfa þaulreyndir bifvélavirkjar með áralanga reynslu að baki
og hafa yfir að ráða fullkomnum tölvum til að lesa og bilanagreina bílinn þinn
Förum yfir bifreiðar fyrir aðalskoðun/endur-
skoðun og förum með bifreiðina í skoðun
Kominn tími á aðalskoðun?Sérhæfð þjónusta fyrir
Bíljöfur ehf er stoltur aðili að kynna aðgerðir
ríkisstjórnarinnar ALLIR VINNA sem felur í sér
endurgreiðslu á VSK af vinnulið einkabifreiða
Andrés Magnússon
andres@mbl.is
Þrír frambjóðendur til Alþingis telja
ekki verulegan ágreining um megin-
línur í utanríkisstefnu Íslands, svo
sem fríverslunarstefnu, aðild að EES
og aðild að Atlantshafsbandalaginu,
þó flokkana greini að einhverju leyti
á um áherslur og leiðir. Hins vegar
var munur á afstöðu til útlendinga-
málanna svokölluðu, einkum hvað
varðar veitingu hælis.
Áslaug Arna Sigurbjörnsdóttir,
dómsmálaráðherra og þingmaður
Sjálfstæðisflokksins, Sigmundur
Davíð Gunnlaugsson, formaður Mið-
flokksins, og Rósa Björk Brynjólfs-
dóttir, þingmaður Samfylking-
arinnar, eru gestir Dagmála í dag,
streymi Morgunblaðsins sem opið er
áskrifendum.
Afganistan í brennidepli
Ógnarástandið í Afganistan var hið
fyrsta, sem rætt var í þættinum, og
þá sér í lagi í hverju skyldur Íslend-
inga við afganska starfsmenn vest-
rænna ríkja þar lægju. Áslaug Arna
gerði grein fyrir ákvörðun ríkis-
stjórnarinnar í gær um þau efni, en
sagði að fleira þyrfti að gera eftir því
sem málum yndi fram þar. Þar á
meðal væru frekari fjárútlát.
Dómsmálaráðherra tók undir að
valdatöku talíbana kynni að fylgja
aukin hryðjuverkaógn og staðfesti að
þau mál væru til athugunar í stjórn-
kerfinu, þar á meðal í þjóðaröryggis-
ráði.
Rósa Björk minnti á að gott starf
hefði unnist í Afganistan þótt svona
hefði farið og ný flóttamannabylgja
fram undan, en þaðan hefði einnig
komið fjöldi flóttamanna á liðnum ár-
um, um þrjár milljónir alls.
Sigmundur Davíð tók undir að Ís-
lendingar hefðu skyldur við Afgani,
en það væri ekki sama hvernig að því
væri staðið. Stefnan hefði verið óljós
og léleg, þar sem alveg hefði verið
látið vera að forgangsraða, svo
stjórnleysi blasti við.
Áslaug Arna hafnaði því með öllu
og sagði að mikið hefði miðað í út-
lendingamálum undanfarin ár, um
það væri tölfræðin óyggjandi.
Umræðan var fjörleg, en þegar
Rósa sagði stefnu Miðflokksins í út-
lendingamálum ekki hafa reynst
vera til vinsælda fallin, sagði Sig-
mundur Davíð hana tala eins og
Framsóknarmann, en sagði Mið-
flokkinn sækja útlendingastefnu
sína í smiðju danskra jafnaðar-
manna. Sú stefna yrði kynnt nánar á
fundi í dag.
Bandaríkin sem bandamenn
Ákvörðun Bandaríkjanna um
skyndilegt undanhald frá Afganistan
var nokkuð rædd, heimspólitísk áhrif
þess og hvort Ísland eða aðrir banda-
menn Bandaríkjanna gætu lengur
reitt sig á þau.
Áslaug Arna taldi svo vera, þó ekki
væri nema vegna þess að hagsmunir
ríkjanna á Norður-Atlantshafi færu
saman
Sigmundur Davíð taldi hins vegar
að Biden Bandaríkjaforseti hefði nið-
urlægt sig og Bandaríkjamenn, af því
hlytu allir bandamenn þeirra að hafa
ríkar áhyggjur, en ljóst væri að bæði
Kínverjar og Rússar gengju á lagið.
Rósa Björk var spurð um afstöðu
hennar til aðildarinnar að Atlants-
hafsbandalaginu (NATO). Hún svar-
aði því þó ekki með beinum hætti.
„Ég er þingmaður Samfylkingar og
aðild að NATO er yfirlýst stefna
Samfylkingarinnar, sem ég var með-
vituð um þegar ég gekk í þann flokk.“
Þegar eftir því var gengið sagði
Rósa Samfylkinguna enn stefna að
aðildarumsókn að Evrópusamband-
inu ef þjóðin vildi það, en féllst á að
sú umræða hefði ekki verið í for-
grunni.
Deilt um útlendinga en ekki útlönd
- Sammála um skyldur Íslendinga við Afgani - Hætta á aukinni hryðjuverkaógn til umfjöllunar
- Frambjóðendur ræða utanríkis- og útlendingamál í málefnaþætti Dagmála fyrir þingkosningar
Morgunblaðið/Hallur
Dagmál Áslaug Arna Sigurbjörnsdóttir dómsmálaráðherra, Sigmundur Davíð Gunnlaugsson, formaður Miðflokks-
ins, og Rósa Björk Brynjólfsdóttir, þingkona Samfylkingarinnar, ræða um utanríkismál og útlendingamál.
2021
2021 ALÞINGISKOSNINGAR