Morgunblaðið - 25.08.2021, Qupperneq 23

ÍÞRÓTTIR 23
MORGUNBLAÐIÐ MIÐVIKUDAGUR 25. ÁGÚST 2021
_ Róbert Orri Þorkelsson, leikmaður
Montreal í bandarísku MLS-deildinni í
knattspyrnu, verður frá næstu vikurnar
eftir að hafa gengist undir aðgerð á
dögunum. Þetta tilkynnti félagið á sam-
félagsmiðlum sínum. Róbert Orri, sem
er 19 ára gamall, gekk til liðs við félagið
frá Breiðabliki í júní á þessu ári en á enn
þá eftir að spila sinn fyrsta leik fyrir fé-
lagið. „Við vissum að Róbert væri að
glíma við meiðsli þegar hann kom fyrst
til okkar,“ segir m.a. í tilkynningu Mont-
real.
_
Aganefnd KSÍ kom saman í gær og var
einn leikmaður í efstu deild úrskurð-
aður í tveggja leikja bann. Þar er um að
ræða Nacho Heras hjá Keflavík sem
fékk brottvísun gegn FH á dögunum.
Viktor Örn Margeirsson og Alexander
Helgi Sigurðsson úr Breiðabliki, Guð-
mundur Kristjánsson úr FH og Orri
Hrafn Kjartansson úr Fylki fengu eins
leiks bann.
_
Sænska liðið Malmö verður með í riðla-
keppni Meistaradeildar karla í knatt-
spyrnu í vetur en liðið sló út Ludogorets
í umspili. Ludogorets vann þó seinni
leikinn 2:1 á heimavelli sínum í Razgrad
í Búlgaríu en eftir 2:0-sigur í Svíþjóð fer
Malmö áfram 3:2.
Benfica hafði betur gegn PSV Eind-
hoven 2:1 samtals en bæði þessi lið hafa
sigrað í keppninni. Svissneska liðið Yo-
ung Boys komst einnig í riðlakeppnina.
Liðin þrjú sem féllu út úr Meistaradeild-
inni í gær fara í staðinn í riðlakeppni
Evrópudeildarinnar.
_ Skoski bakvörðurinn Andy Robert-
son hefur framlengt samning sinn við
enska knattspyrnufélagið Liverpool. Ro-
bertson, sem er 27 ára gamall, gerði
samning til næstu fimm ára.
_ Knattspyrnumaðurinn Kristinn
Steindórsson hefur framlengt samning
sinn við Breiðablik. Samningurinn er til
næstu tveggja ára og gildir út tímabilið
2023 en Kristinn er 31 árs gamall og
uppalinn í Kópavoginum.
_ Írski landsliðsmaðurinn Jordan Blo-
unt er genginn til liðs við Þór frá Akur-
eyri og mun leika með liðinu í úrvals-
deild karla í körfuknattleik á komandi
keppnistímabili. Þetta tilkynnti félagið á
heimasíðu sinni í gær en Jordan er 24
ára gamall framherji og 203 sentímetr-
ar á hæð. Lék hann síðast með Aquim-
isa Carbajosa í spænsku C-deildinni þar
sem hann skilaði 10 stigum, sex frá-
köstum og tveimur stoðsendingum að
meðaltali.
_ Knattspyrnumaðurinn Sölvi Geir
Ottesen ætlar að leggja skóna á hilluna
eftir yfirstandandi tímabil. Þetta stað-
festi hann í samtali við Stöð 2 Sport.
Sölvi Geir, sem er 37 ára gamall, gekk til
liðs við uppeldisfélag sitt Víking úr
Reykjavík fyrir tímabilið
2018 eftir fjórtán ár í at-
vinnumennsku og er
fyrirliði liðsins.
Hann lék með Djurg-
ården í Svíþjóð, Sön-
derjyskE og Köben-
havn í Danmörku,
Ural í Rússlandi,
Jiangsu Sainty,
Wuhan Zall og
GGuangzhou í Kína,
ásamt Buriram United
í Taílandi á atvinnu-
mannsferli sínum.
Eitt
ogannað
Ljósmynd/ÍF
Frjálsíþróttir Kári Jónsson er hópstjóri íslenska frjálsíþróttafólksins á leik-
unum í Tókýó og er annar tveggja yfirmanna ÍF í landsliðsmálum.
Rós Hákonardóttir var valin „Lady
of the Games“ í Atlanta 1996, enda
vann hún þar til þrennra gull-
verðlauna, og þar var líka Pálmar
Guðmundsson sem setti heimsmet í
200 metra skriðsundi.
Fyrst núna að gera mér
grein fyrir árangri hennar
Kristín segir að það hafi verið afar
skemmtilegt að fylgja afrekskonunni
Kristínu Rós alla leið á hennar ferli.
„Já, ég var með henni frá 1992 og þar
til hún hætti en síðustu leikar hennar
voru 2004 í Aþenu. Ég er eiginlega
fyrst nú að gera mér grein fyrir þeim
árangri sem hún náði og er pínulítið
stolt af þessu. Hún átti heimsmet í
100 metra baksundi, 100 metra
bringusundi og 200 metra fjórsundi á
sínum tíma. Eins var Pálmar mjög
góður í Atlanta 1996 og á heims-
meistaramótinu tveimur árum síð-
ar.“
Kristín Rós var fyrirmyndar-
íþróttamaður
Kristín telur að afreksfólk þess
tíma, eins og Kristín og Pálmar, hafi
æft jafnvel og þeir keppendur sem
nú eru mættir til Tókýó fyrir Íslands
hönd.
„Kannski vorum við á Norður-
löndunum á undan öðrum þjóðum í
sundinu á þessum tíma og farin að
æfa jafnmikið og ófatlaðir gerðu. Það
hefur síðan breyst og aðrar og stærri
þjóðir komið sterkari inn á seinni ár-
Ljósmynd/ÍF
Sund Kristín Guðmundsdóttir er fyrrverandi landsliðsþjálfari fatlaðra í
sundi og er nú formaður sundnefndar Íþróttasambands fatlaðra.
um. Þær hafa svo mikinn fjölda til að
velja úr, öfugt við okkur. Nú er fram-
boðið svo miklu meira á heimsvísu.
Að æfa sund er ekkert einfalt, þú
verður að leggja þig 110 prósent
fram ef þú ætlar að ná árangri, og við
vorum með Kristínu sem var mikill
fyrirmyndaríþróttamaður. Ári fyrir
leikana var hún hætt að borða
nammi og drekka gos, hún tók þetta
alla leið. Hjá henni dugði ekki að
taka bara mataræðið í gegn korteri
fyrir leikana,“ sagði Kristín Guð-
mundsdóttir en nafna hennar vann
alls sex gullverðlaun á Ólympíu-
mótum fatlaðra, tvenn silfurverðlaun
og sex bronsverðlaun á árunum 1992
til 2004.
Bretar breyttu öllum
viðmiðum árið 2012
Kári mætti fyrst til leiks á Para-
lympics í Sydney árið 2000 og í hans
huga eru það leikarnir í London árið
2012 sem standa upp úr.
„Mér finnst alltaf London bera af
vegna þess hve vel heppnað mótið
var þar. Allar kynningar hjá Bret-
unum voru svo frábærar, hvernig
þeir nálguðust fötluðu íþróttamenn-
ina sína og annarra af mikilli virð-
ingu og jöfnuði og gerðu þeim hátt
undir höfði. Bretar náðu algjörlega
að breyta öllum viðmiðum á þessu
sviði. Hvernig þeir kynntu þátttöku
fatlaðra í íþróttum og sá árangur
sem þeir hafa náð í kjölfarið á því.
Mér finnst það standa langmest upp
úr,“ sagði Kári við Morgunblaðið í
gær.
Kristín og Jón Oddur
Hann sagði að það væri að sjálf-
sögðu alltaf sérlega minnisstætt þeg-
ar verðlaun ynnust á mótum sem
þessum.
„Já, það var mjög gaman að verða
vitni að því þegar Kristín Rós sópaði
inn verðlaununum í sundinu. Fyrir
mig sem þjálfara eru verðlaun Jóns
Odds Halldórssonar á hlaupabraut-
inni, þegar hann vann silfurverðlaun
í bæði 100 metra og 200 metra hlaupi
á leikunum í Aþenu árið 2004, eitt af
því sem stendur upp úr.“
Persónuleikar sem
yfirstíga allar hindranir
„En þegar maður lítur yfir ferilinn
á þessum vettvangi, sem hófst þegar
ég kom fyrst að afreksmálum fatl-
aðra árið 1998, er alltaf það sama
gegnumgangandi: Einstakir per-
sónuleikar sem rísa upp úr og láta
ekkert stoppa sig. Persónuleikar úr
röðum fatlaðra íþróttamanna sem yf-
irstíga allar hindranir og hafa kennt
manni ótrúlega mikið.
Eitt lítið dæmi um það er að þegar
maður leggur bílnum sínum einhvers
staðar á bílastæði hugsar maður ekki
um að komast sem næst dyrunum.
Maður er með fætur! Það er fullt af
svona litlum atriðum í daglegu lífi
sem hafa haft mikil áhrif,“ sagði Kári
Jónsson.
Gríðarleg reynsla í
íslenska fylgdarliðinu
- Kristín er mætt á áttunda Ólympíumót fatlaðra í röð og Kári á það sjötta
Í TÓKÝÓ
Víðir Sigurðsson
vs@mbl.is
Óhætt er að segja að gríðarleg
reynsla sé í fylgdarliði íslensku
keppendanna sex sem mættir eru á
Ólympíumót fatlaðra í Tókýó. Krist-
ín Guðmundsdóttir fyrrverandi
landsliðsþjálfari í sundi er komin á
sitt áttunda Ólympíumót í röð, Kári
Jónsson frjálsíþróttaþjálfari er á
sjötta mótinu í röð og formaður
Íþróttasambands fatlaðra, Þórður
Árni Hjaltested, sem jafnframt er
eiginmaður Kristínar, er mættur á
sitt sjötta mót frá árinu 1988.
Þau Kristín og Kári eru ekki beint
í þjálfarahlutverki hér í Tókýó.
Kristín er formaður sundnefndar ÍF
og Kári er hópstjóri íslenska frjáls-
íþróttafólksins á leikunum og er ann-
ar tveggja yfirmanna ÍF í landsliðs-
málum. En eins og Kristín sagði við
Morgunblaðið nýtist reynslan vel og
hún grípur inn í sem aðstoðarþjálfari
hjá sundfólkinu.
Kristín mætti fyrst á Paralympics
árið 1992, þegar mótið var tvískipt
og haldið í Madríd og Barcelona. „Ég
var í Barcelona og hef því fylgt þeim
hreyfihömluðu allan tímann. Við vor-
um með stóran keppnishóp á leik-
unum 1992 og 1996 og mjög öfluga
og góða keppendur, sem voru góðar
fyrirmyndir og gáfu fordæmi með
því að vinna til verðlauna. Kristín
Selfoss náði í mikilvæg stig í
Lengjudeild karla í knattspyrnu,
þeirri næstefstu, í gær þegar liðið
vann Aftureldingu 3:0 á Selfossi.
Selfyssingar fara þá upp í 18 stig
en liðið er í 10. sætinu. Þróttur, sem
er í 11. sæti, er með 11 stig og hefur
ekki gefist upp því liðið náði stigi
gegn toppliði Fram sem enn er tap-
laust í deildinni. Sam Hewson skor-
aði 2:2 jöfnunarmarkið fyrir Þrótt í
uppbótartíma. Ef til vill mun það
skipta máli þegar upp verður staðið
en Þróttarar eiga eftir leiki gegn
liðum í neðri hlutanum.
Selfyssingar
styrktu stöðuna
Ljósmynd/Sigfús Gunnar
Marksækinn Gary Martin skoraði
tvívegis fyrir Selfoss í gær.
Rúnar Alex Rúnarsson, landsliðs-
maður Íslands í knattspyrnu og
leikmaður Arsenal á Englandi, vill
komast burt frá félaginu sam-
kvæmt netmiðlinum kunna The
Athletic. Rúnar gekk til liðs við
Arsenal í september á síðasta ári
frá Dijon í Frakklandi og kom við
sögu í sex leikjum með Arsenal á
síðustu leiktíð.
Rúnar Alex var nálægt því að
ganga til liðs við tyrkneska félagið
Altay Spor fyrr í sumar en ekki
náðist samkomulag milli Arsenal og
tyrkneska félagsins. bjarnih@mbl.is
Hugur Rúnars
leitar annað
AFP
Arsenal Rúnar Alex Rúnarsson
gæti róið á önnur mið fljótlega.