Morgunblaðið - 09.08.2021, Side 4

4 FRÉTTIR
Innlent
MORGUNBLAÐIÐ MÁNUDAGUR 9. ÁGÚST 2021
Bi
rt
m
eð
fy
rir
va
ra
um
pr
en
tv
ill
ur
.H
ei
m
sf
er
ði
rá
sk
ilj
a
sé
rr
ét
tt
il
le
ið
ré
tti
ng
a
á
sl
ík
u.
At
h.
að
ve
rð
ge
tu
rb
re
ys
tá
n
fy
rir
va
ra
595 1000
Verð frá kr.
79.900
Krít
tu
rb
re
.
24. ágúst í 10 nætur
Verð frá kr.
89.900
Stökktu
Starfsfólk LSH taki of mörg skref
- Segir að auka megi framleiðni með stafrænum lausnum - Einsleitur hópur í framkvæmdastjórn
Ragnheiður H. Magnúsdóttir, vélaverkfræð-
ingur og formaður tækninefndar, en hlutverk
hennar er að undirbúa stefnu ríkisstjórnarinn-
ar er lýtur að tækniþróun og nýsköpun, kveðst
sannfærð um að auka mætti framleiðni Land-
spítalans með stafrænni umbreytingu. Það sé
skrýtið að enginn tæknimenntaður einstak-
lingur sé í framkvæmdastjórn spítalans. „Ég
held að það sé hægt að hagræða töluvert með
því að fjárfesta í stafrænum verkefnum.“
Ragnheiður telur að ákvarðanir um staf-
rænar lausnir þyrftu að koma frá fram-
kvæmdastjórn. Þjálfað fólk komi auðveldlega
auga á hve mikið sparast. Enginn í fram-
kvæmdastjórn Landspítalans búi yfir þessum
skilningi.
Hún bendir á að í einkageiranum sé mikið
lagt upp úr að fram-
kvæmdastjórnir séu ekki of
einsleitur hópur. Á Land-
spítalanum séu allir í
stjórninni ýmist læknar eða
hjúkrunarfræðingar, að
undanskildum einum við-
skiptafræðingi. Það sé ekki
kjörið að vera með svo
keimlíkan hóp fólks með
svipaðan bakgrunn.
„Stærri fyrirtæki og
opinberar stofnanir hafa lagt áherslu á staf-
ræna umbreytingu,“ segir Ragnheiður. Land-
spítalinn sé líklega með eitt flóknasta upplýs-
ingatækniumhverfi landsins.
„Það eru ótal hlutir að breytast í okkar
heimi en við erum enn þá eins og árið sé 1995 á
þessum spítala,“ segir Ragnheiður. Með því að
nýta stafrænar lausnir færðu hamingjusamara
starfsfólk og sjúklinga, að mati Ragnheiðar.
Stytta megi ferla, spara sporin og veita betri
þjónustu. „Ef þetta væri hátæknisjúkrahús þá
væri starfsfólk að flykkjast hingað.“
Ragnheiður bendir á að fólk vilji geta af-
greitt sig sjálft í auknum mæli. Hún tekur sem
dæmi að þegar sjúklingur liggur á sjúkrahúsi
og vantar verkjalyf fari í gang ferli sem gæti
verið töluvert einfaldara. Fyrst þurfi að kalla á
aðstoð og þá mæti sjúkraliði sem taki við
beiðninni og þurfi svo að fara og finna hjúkr-
unarfræðing. Hjúkrunarfræðingurinn komi þá
til þess að leggja mat á það hvort viðkomandi
þurfi verkjalyf, fari aftur í sérstaka ferð til
þess að sækja lyfin og færa þau sjúklingnum.
„Ég gæti tekið fleiri svona dæmi en þetta sýn-
ir að skrefin eru óþarflega mörg og álagið í
takt við það.“
Ragnheiður telur spítala annars staðar á
Norðurlöndunum komna lengra en Landspít-
alann í stafrænum lausnum og upplýsinga-
tækni. Þeir muni taka langt fram úr okkur á
næstu árum ef við gerum ekki neitt. Henni
þætti eðlilegt að bæta upplýsingatækni spít-
alans samhliða því að bætt verði úr mönnunar-
og húsnæðisvanda.
Velja þurfi lausnir sem munar virkilega um.
Best sé að ræða við starfsfólkið sjálft og fá
upplýsingar hjá því um hvar sóunin er mest.
„Byrjaðu þar sem starfsfólkið er æpandi á að-
stoð, þar er gullið.“ thorab@mbl.is
Ragnheiður H.
Magnúsdóttir
„Þetta hefur gengið fínt,“ segir
Ragnheiður Ósk Erlendsdóttir,
framkvæmdastjóri hjúkrunar hjá
Heilsugæslu höfuðborgarsvæðisins,
um stöðuna í bólusetningum. Í
þessari viku klárast bólusetning
kennara og skólastarfsmanna
ásamt bólusetningu um 400 starfs-
manna Landspítala sem fengu
Janssen-bóluefnið.
Þá hefur einnig verið opin lína á
Suðurlandsbraut þar sem bólusetn-
ingarnar fara nú fram þar sem fólk
hefur getað pantað bólusetningu í
gegnum heilsuveru.
„Með kennurunum erum við yfir-
leitt að bólusetja um þúsund manns
á dag,“ segir Ragnheiður.
Dagana 16. til 19. ágúst færast
bólusetningar aftur í Laugardals-
höll þar sem allir sem hafa fengið
Janssen-efnið fá örvunarskammt,
það eru um 32 þúsund manns á
þremur dögum.
„Þá verða allir
kallaðir út aftur
og við verðum
með stóra bólu-
setningardaga.
Þeir fá annað-
hvort Pfizer eða
Moderna. Við
tökum það jöfn-
um höndum eftir
því hvenær er
næsta fyrning á næsta bóluefni.“
Verði í fylgd með fullorðnum
Dagana 23. og 24. ágúst verður
börnum á aldrinum 12 til 15 ára
boðin bólusetning.
„Það miðast við afmælisdaginn
hvenær fólk á að mæta. Við erum
búin að tékka á öllum sveitarfélög-
unum og skólayfirvöldum varðandi
þessar dagsetningar og þau telja að
þær henti vel svo við munum keyra
á þær,“ segir Ragnheiður og nefnir
að allar upplýsingar um tímasetn-
ingu og annað sé að finna á vef
heilsugæslunnar.
„Þessir krakkar verða ekki boð-
aðir heldur verða foreldrar að kíkja
á tímasetninguna. Við tökum svo
ekki á móti neinum börnum nema í
fylgd með fullorðnum eða forráða-
manni. Við tökum það sem ígildi
samþykkis að foreldrar óski eftir
bólusetningu fyrir börnin sín með
því að koma með þeim,“ segir
Ragnheiður.
Þá er verið að undirbúa örvunar-
skammt til heimilismanna hjúkrun-
arheimilanna ásamt ónæmisbældum
og fleiri hópum sem eru viðkvæmir.
„Þetta er því svona alls konar bland
í poka hjá okkur og margt að huga
að.“
urdur@mbl.is
Stórir bólusetningardagar
fram undan í Laugardalshöll
- 32 þúsund manns fá örvunarskammt - Bólusetja börn
Ragnheiður Ósk
Erlendsdóttir
Ekkert bendir til þess að neðansjáv-
argos sé hafið vestur af Krýsuvíkur-
bergi. Hvorki skjálftar né órói hafa
mælst hjá Veðurstofu Íslands og
sagði Lovísa Mjöll Guðmunsdóttir,
náttúruvársérfræðingur hjá veður-
stofunni, að slíkt ætti að mælast ef
um neðansjávargos væri að ræða. Í
Surtseyjargosinu sem hófst árið 1963
sást órói stíga upp rétt fyrir gosið og
mætti því búast við álíka hegðun.
Landhelgisgæslunni barst um
helgina tilkynning um bólstra yfir
hafinu vestur af Krýsuvíkurbergi.
Áhöfnin á varðskipinu Þór varð
einskis vör þegar hún sigldi til að
kanna aðstæður. Veðurstofan hafði
samband við flugmann sem var á leið
í loftið þegar bólstrarnir sáust og sá
hann engin ummerki um mögulegt
gos. Ein hugsanleg skýring er að frá
Selvogsvita hafi bólstrarnir frá
Gunnuhver litið út fyrir að koma af
sjónum.
Engin
merki um
annað gos
- Tilkynning barst
um bólstra yfir hafi
Morgunblaðið/Sigurður Bogi
Bólstrar Tilkynning barst um
bólstra vestur af Krýsuvíkurbergi.
Kríurnar á Siglufirði eru í fínum málum eins og
aðrar kríur á landinu að sögn Jóhanns Óla Hilm-
arssonar fuglafræðings.
Þessar kríur sem náðust á mynd á Siglufirði
ættu því ekki að vera í vandæðum með að finna
sér æti, sem er auðfundið fyrir sjófugla á Norð-
urlandi um þessar mundir.
„Þetta lítur betur út en þegar krían var í nið-
ursveiflunni milli 2005 og 2015-18. Það var mikil
niðursveifla þegar sandsílið hrundi og síðan hef-
ur þetta litið óvenju vel út miðað við undanfarin
ár,“ segir Jóhann. Síðustu ungarnir fara að
verða fleygir á næstu dögum og fer krían þá
senn að huga að brottför til Suður-Íshafsins, sem
er lengsta farflug allra fugla í heiminum.
Fara senn að huga að ferð til Suður-Íshafsins
Morgunblaðið/Guðlaugur Albertsson
Krían stendur vel og mögru árin að baki