Morgunblaðið - 15.09.2021, Blaðsíða 8

8 FRÉTTIR
Innlent
MORGUNBLAÐIÐ MIÐVIKUDAGUR 15. SEPTEMBER 2021
Í kosningaþáttum Dagmála
Morgunblaðsins er fjallað um
málin af meiri dýpt en víðast hvar
og frambjóðendur
þráspurðir ef þeir
eru naumir á svör
og beðnir um rök-
stuðning ef þeir
kríta liðugt.
Gott dæmi er í
þætti með sósíal-
istaforingjanum
Gunnari Smára Eg-
ilssyni, sem talaði þungbrýnn um
að nýfrjálshyggjan skrældi fyrir-
tæki að innan til þess að greiða
gráðugum eigendum arð, svo þau
væru ófær um að standast áföll
eins og kórónukreppu.
- - -
En þegar hann var beðinn um
dæmi varð fátt um svör. „Er
hægt að flokka Wow þar?“ umlaði
leiðtoginn. Wow féll löngu fyrir
faraldur og greiddi aldrei túkall í
arð. Þetta er lýsandi dæmi um
málflutning pópúlista, sem segja
bara eitthvað en hafa minna en
ekkert fyrir sér.
- - -
Í sama þætti bar Gunnar Smári
af sér sakir um að hafa verið
kapítalisti. „Kapítalisti hlýtur að
þurfa að eiga kapítal. Ég átti ekki
kapítal.“ Hann var þá spurður um
hvort hann hefði ekki fengið val-
rétt á hlutafé. „Það er ekki að
vera kapítalisti, það er að vera
starfsmaður.“ Bætti við að lítið
hefði raunar orðið úr valréttinum.
- - -
Það rímar illa við tilkynningu
Gunnars Smára, þá forstjóra
Baugsfyrirtækisins Dagsbrúnar,
til Kauphallarinnar hinn 14.
febrúar 2006. Samkvæmt henni
átti hann liðlega 50 milljónir
hluta í Dagsbrún að verðmæti um
296 milljónir króna þá. Það er
jafnvirði ríflega 600 milljóna
króna í dag. En það kallar ör-
eigaforinginn sjálfsagt klink,
ekki kapítal.
Gunnar Smári
Egilsson
Starfsmaður,
ekki kapítalisti?
STAKSTEINAR
„Eftir reynslu síðustu missera er
fólk sér betur meðvitað en áður um
mikilvægi sóttvarna og bóluefna.
Mér kæmi því ekki á óvart að fleiri
kæmu í flensusprautu nú en stund-
um áður,“ segir Óskar Reykdalsson,
læknir og forstjóri Heilsugæslu höf-
uðborgarsvæðsins.
Byrjað verður að sprauta gegn
inflúensu í næsta mánuði. Bóluefnið
nú er Vaxigrip Tetra og verður tilbú-
ið til afhendingar 15. október. Til-
tækir verða alls 95 þúsund skammt-
ar, sbr. 84 þúsund í fyrra. Í ár verður
dreifingu forgangsraðað til heil-
brigðisstofnana og hjúkrunarheimila
í október. Til annarra fer bóluefnið
væntanlega í nóvember, þar með tal-
ið þeirra sem sinna bólusetningum í
skólum og úti í atvinnulífinu.
Mælst er til að fólk sextugt og
eldra, barnshafandi konur, starfsfólk
heilbrigðisstofnana og þau sem eru
með undirliggjandi sjúkdóma njóti
forgangs við bólusetningar.
„Margir koma í flensusprautur á
heilsugæsluna, svo eru einkafyrir-
tæki líka komin í þetta sem er besta
mál. Vegna sóttvarna og kórónuveir-
unnar hefur fólk verið minna en áður
á ferðinni síðustu misserin og því
færri smitast af flensu en oft áður.
Þó eru bólusetningar alltaf til bóta,“
segir Óskar. sbs@mbl.is
Margir mæta í flensusprautuna í ár
- Vaxigrip Tetra tilbúið í október
- 95 þúsund skammtar verða tiltækir nú
Morgunblaðið/Hari
Heilbrigði Óskar Reykdalsson,
læknir og forstjóri, sinnir sjúklingi.
Ágúst Ingi Jónsson
aij@mbl.is
Rúmur helmingur uppsjávarskip-
anna er byrjaður að veiða norsk-
íslenska síld fyrir austan land.
Hinn helmingurinn er á makríl í
Síldarsmugunni, en makrílvertíðin
er á lokametrunum. Samvæmt yfir-
liti á vef Fiskistofu er búið að landa
123 þúsund tonnum af makríl, en
heildarkvóti ársins er 157 þúsund
tonn. Af þessum afla hafa um 20
þúsund veiðst innan landhelgi, en
yfir 100 þúsund tonn í Síldarsmug-
unni.
„Þetta hefur verið erfitt og
sveiflukennt,“ segir Ingimundur
Ingimundarson, útgerðarstjóri upp-
sjávarskipa hjá Brimi hf., um
makrílvertíðina. Síðustu daga hafa
skip Brims verið að fá um 100 tonn
á sólarhring. Ingimundur segir að
lengst af hafi verið langt að sækja,
en lykillinn að þeim árangri sem
hefur náðst hafi verið samvinna
skipa einstakra útgerða eða fyrir-
tækja sem vinna saman. Þannig
hefur afla verið dælt um borð í eitt
skip sem sigldi með hann í land, en
hitt eða hin skipin hafa getað haldið
áfram veiðum. Þetta fyrirkomulag
kemur í veg fyrir að skipin séu að
sigla langan veg með lítinn afla og
eins tryggir það að aflinn berist
ávallt sem ferskastur að landi.
Það er víða öskrað á síld
Veiðar á norsk-íslenskri síld hafa
farið vel af stað, eins og greint var
frá á heimasíðu Síldarvinnslunnar á
mánudag, en skipin hafa m.a. verið
að veiðum á Glettinganesflaki,
Norðfjarðardýpi og Héraðsflóadýpi.
Þar kemur fram að vinnsla á síld
gangi vel í fiskiðjuveri Síldarvinnsl-
unnar. Haft er eftir Jóni Gunnari
Sigurjónssyni yfirverkstjóra að þar
séu unnin 700-800 tonn á sólar-
hring.
„Við erum að fá mjög góða síld
og erum að upplifa bullandi
síldarvertíð. Afköstin fara eftir því
hvað er verið að vinna. Stundum
heilfrystum við og stundum er flak-
að og stundum er hvort tveggja
gert. Þetta fer eftir því hvað mark-
aðurinn vill. Síldarmarkaðir eru
góðir núna. Það er víða öskrað á
síld,“ segir Jón Gunnar.
Á heimasíðu Norges sildesalgslag
kemur fram að Vilhelm Þorsteins-
son EA hafi landað rúmlega þús-
und tonnum af síld í Noregi.
Erfið og sveiflu-
kennd makrílvertíð
- Veiðar á norsk-íslenskri síld byrja vel
Bjarni fjallar um heilbrigðiskerfið á
opnum hádegisfundi eldri
sjálfstæðismanna á Hilton
Reykjavík Nordica kl. 12 í dag.
Sent út á xd.is
Fundur með
Bjarna Benediktssyni
Vilhjálmur Egilsson fyrrverandi
háskólarektor fjallar um uppstokkun á
lífeyriskerfinu. Allir velkomnir.
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/