Morgunblaðið - 19.10.2021, Page 2

2 FRÉTTIR
Innlent
MORGUNBLAÐIÐ ÞRIÐJUDAGUR 19. OKTÓBER 2021
Rafstilling ehf
Dugguvogi 23, 104 Reykjavík, sími 581 4991, rafstilling@rafstilling.is
Opið mán.-fim. kl. 8-17, fös. kl. 8-14
Hröð og góð þjónusta um allt land
Áratuga
reynsla
Startar bíllinn ekki?
Við hjá Rafstillingu leysum málið
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Kristín Heiða Kristinsdóttir
khk@mbl.is
„Við erum bæði Vestfirðingar, ég frá
Hnífsdal en hann frá Dýrafirði, og
þegar við vorum ung voru einstaka
sinnum böll í Hnífsdal. Þar hitti ég
Finnboga í fyrsta sinn, við fórum að
dansa saman og hann vildi endilega
hitta mig aftur. Síðan hefur þetta
haldist, hann hefur alltaf staðið fyrir
sínu,“ segir Sesselja E. Þorvalds-
dóttir, en hún og maður hennar,
Finnbogi Jónasson, fagna 75 ára
brúðkaupsafmæli í dag. Aðeins er vit-
að um fimm önnur íslensk hjón sem
hafa náð þeim áfanga. Finnbogi og
Sesselja voru gefin saman í hjóna-
band í Önundarfirði 19. október 1946
en þau höfðu trúlofað sig tveimur ár-
um áður, í maí 1944, þegar þau voru
bæði 19 ára. Finnbogi er orðinn 97
ára, en Sesselja er 96 ára. Þau hófu
sinn búskap á Flateyri og eignuðust
þar fyrstu tvö börnin sín, synina
Reyni og Þorvald. Litla fjölskyldan
fluttu suður í Kópavog árið 1953 og
þar bættist þriðja barnið við, dóttirin
María. Finnbogi lærði húsasmíði og
starfaði við sitt fag alla tíð og var m.a.
við byggingu Landspítalans. Sesselja
hefur verið við hin ýmsu störf í gegn-
um tíðina, en báðum auðnaðist heilsa
til að vera á vinnumarkaði þar til þau
urðu sjötug. Líkt og hjá öðrum hafa
skipst á skin og skúrir í lífi þeirra
hjóna, þeirra stærsti harmur var að
missa son sinn, frumburðinn Reyni
þegar hann var aðeins 29 ára, en
hann fékk krabbamein.
Þegar Sesselja er spurð að því
hvað henni finnist hafa skipt mestu
máli á þessari löngu göngu þeirra
Finnboga saman í hjónabandi, er hún
fljót til svars. „Að reyna að hlúa vel
að kunningsskapnum, að passa upp á
vináttuna á milli okkar. Auðvitað hef-
ur slest upp á vinskapinn hjá okkur,
við erum ekki alltaf sammála, en okk-
ur hefur alltaf tekist að sættast og
laga hlutina.“ María dóttir þeirra
segir foreldra sína alltaf hafa verið
mjög samtaka. „Þau eru hvorugt að
velta sér neitt of mikið upp úr smá-
munum, aðalatriðið er þörfin til að
bjarga sér,“ segir María og bætir við
að fararskjóti unga ástfangna fólks-
ins hafi forðum verið reiðhjól Finn-
boga.
„Þau eiga minningar frá tilhugalíf-
inu þar sem ungfrúin sat aftan á
bögglabera hjá kærastanum, en
Finnbogi hjólaði milli Ísafjarðar og
Hnífsdals til að hitta ástmey sína.
Minnisstætt er atvik þegar Finnbogi
datt af hjólinu og rann niður brekku
rétt við bæ Sesselju sem var stað-
settur niður við sjó. Buxurnar hans
urðu allar grasgrænar og þau hlæja
alltaf þegar þau rifja þetta upp.“
Afkomendur Finnboga og Sesselju
eru orðnir fimmtán, börn, barnabörn
og langömmu- og langafabörn.
„Sannarlega eru forréttindi að fá
að vera saman svona lengi, því oft
fellur annar makinn frá löngu á und-
an hinum, þegar fólk nær að komast
á tíræðisaldur eins og þau.“ Sesselja
er elst af níu systkinum og tvö þeirra
lifa enn auk hennar, en Finnbogi er
sá eini sem lifir úr sínum systkina-
hópi, en þau voru fimm.
Morgunblaðið/Eggert
Samhent hjón Sesselja og Finnbogi saman á Sólvangi í Hafnarfirði í gær, þar sem þau búa núna.
Sat á bögglaberanum
hjá honum á milli fjarða
- Hafa verið hjón í 75 ár - Vináttan skiptir mestu máli
Ung Finnbogi og Sesselja með frum-
burðinn Reyni, sem þau misstu.
Maður sem grunaður er um að hafa
framið vopnað rán í Apótekaranum í
Vallakór í gær var handtekinn upp
úr klukkan fjögur síðdegis í gær.
Verður hann í gæslu lögreglu að
minnsta kosti þar til í dag.
Maðurinn réðst inn í apótekið
vopnaður dúkahníf, með svarta húfu
og buff fyrir andlitinu. Engan sakaði
en starfsfólki og öðrum sjónarvott-
um brá við. Hann hafði flúið vett-
vang og haft á brott með sér lyf áður
en lögreglan mætti á svæðið.
„Er þetta rán?“
„Ég bara titraði og skalf þegar ég
kom út í bíl. Ég hef aldrei séð svona
áður. Ég fékk bara algjört sjokk,“
segir kona sem varð vitni að ráninu.
Sjónarvotturinn, en hún vill ekki
koma fram undir nafni, kveðst hafa
komið auga á ræningjann á leið sinni
úr apótekinu en hann var klæddur í
húfu og buff sem huldu andlit hans
þannig að einungis sást í augun.
„Hann er að labba þarna fram og til
baka og mér sýndist hann vera með
keðju í hendinni. Svo fór ég að hugsa
– er þetta rán?“
Hún labbaði út í bíl og var að fara
að setjast inn þegar hún snýr sér við
og sér hann gera atlögu að af-
greiðslufólkinu.
„Hann hljóp svona að borðinu og
ég fylgist með. Ég var smá smeyk
við hann þannig að ég bakkaði að
bílnum mínum og þá kemur hann
hlaupandi út með fullt fangið af lyfj-
um og klessir á mann og missir
þarna einhver lyf og hleypur síðan
áfram. Mér datt náttúrulega ekki í
hug að hlaupa á eftir honum, hann
var stórhættulegur.“
Handtekinn eft-
ir vopnað rán
- Flúði af vettvangi í Kópavogi með lyf
Morgunblaðið/Þorsteinn
Apótekarinn Maðurinn var hand-
tekinn síðdegis í gær eftir ránið.
Inga Þóra Pálsdóttir
ingathora@mbl.is
Veðurstofa Íslands fylgist grannt
með þróun mála í Öskju. Landris
hefur haldið áfram og ekki er hægt
að útiloka möguleika á eldgosi. Þetta
segir Benedikt Gunnar Ófeigsson,
sérfræðingur á sviði jarðskorpu-
hreyfinga, í samtali við blaðamann
Morgunblaðsins.
Landrisið frá byrjun ágúst nemur
nú 15 sentimetrum við eldstöðina
Öskju en fyrir mánuði síðan hafði
land risið um sjö sentimetra. „Land-
risið er tiltöluleg stöðugt en líklega
er að hægja á því. Það er þó meiri
óvissa á gögnunum á veturna,“segir
Benedikt.
Spurður hvort aukið landris geti
bent til mögulegs eldgoss á næstunni
segir Benedikt að ekki sé hægt að
útiloka eldgos. Of snemmt sé þó að
segja til um hvenær það gæti orðið ef
til þess kæmi.
„Það er allt of snemmt að segja
hvort við ættum að búast við eldgosi.
Þetta þýðir fyrst og fremst að það er
kvika að safnast fyrir líklega frekar
grunnt í jarðskorpunni – tveir til þrír
kílómetrar er okkar mat. Hvert það
leiðir á næstunni er ómögulegt að
segja til um en það getur vissulega
leitt til goss og jafnvel fljótlega. Það
er ekki hægt að útiloka það.“
Myndu sjá augljós merki goss
Benedikt segir að líklega myndu
sérfræðingarnir sjá augljós merki í
aðdraganda goss.
„Við myndum búast við áfram-
haldandi landrisi, meiri skjálfta-
virkni og við myndum sjá frekari
merki um jarðhita. Mjög líklega
myndum við sjá frekar sterka
skjálftavirkni í einhvern tíma áður
og við myndum sjá kviku hreyfast,
ekki bara söfnun á einum stað, með
tilheyrandi látum.“
Fylgjast grannt með Öskju
Sérfræðingar frá Veðurstofunni
fóru nýlega í tvo leiðangra í Öskju til
að setja upp nýjar GPS-stöðvar,
skjálftastöðvar og myndavélar. Þá
var einnig skjálftamæli, sem Cam-
bridge-háskóli rekur við Herðubreið,
komið í samband við umheiminn. Að
sögn Benedikts var fyrst og fremst
farið í leiðangrana til að geta haldið
áfram að vakta eldstöðina áfram í
vetur, en tryggt var að hægt væri að
vakta virkni í Öskju í rauntíma.
Ekki hægt að útiloka möguleika á gosi
- Land við Öskju risið um fimmtán sentimetra frá byrjun ágúst - Kvika byrjuð að safnast fyrir
grunnt í jarðskorpunni - Setja upp GPS-stöðvar, skjálftastöðvar, myndavélar og skjálftamæli
Ljósmynd/Benedikt Gunnar Ófeigsson
Askja Sérfræðingar frá Veðurstofunni fóru nýlega í tvo leiðangra í Öskju
til að koma upp ýmsum mælitækjum og myndavélum sem vakta eiga svæðið.