Morgunblaðið - 28.12.2021, Side 11

FRÉTTIR 11Innlent
MORGUNBLAÐIÐ ÞRIÐJUDAGUR 28. DESEMBER 2021
Snertifletir
sem draga
úr smitum
Kynntu þér nanoSeptic á hreint.is
Auðbrekka 8 s: 589 5000 hreint@hreint.is
Söfnum í jólasjóðinn hjá
Fjölskylduhjálp Íslands
fyrir þá fjölmörgu sem lægstu
framfærsluna hafa.
Þeim sem geta lagt
okkur lið er bent á
bankareikning
0546-26-6609,
kt. 660903-2590.
Fjölskylduhjálp Íslands, Iðufelli 14 Breiðholti
og Baldursgötu 14 í Reykjanesbæ.
Jólasöfnun
Guð blessi ykkur öll
Sigurður Bogi Sævarsson
sbs@mbl.is
„Þegar veiran er að baki mun ferða-
þjónustan koma efnahagslífinu aftur
af stað. Menning og skapandi greinar
skila sömuleiðis æ meiru til sam-
félagsins, sama hver mælikvarðinn
er. Hér helst allt í hendur,“ segir
Lilja Alfreðsdóttir, ráðherra ferða-
mála, viðskipta og menningar. Upp-
stokkun sú sem gerð var á skipan
ráðuneyta og verkefna þeirra þegar
ný ríkisstjórn tók við í lok nóvember
sl. segir hún að hafi verið löngu tíma-
bær. Þjóðfélagið þróist hratt og
stjórnsýslan verði að fylgja því.
Málaflokkar sem hugsanlega hafi
verið afskiptir að nokkru leyti fái nú
meira vægi og áhersluþunga.
Bókastyrkir hafa skilað sér
Menningar- og viðskiptaráðuneyti,
sem er með aðsetur á Skúlagötu 4 í
Reykjavík, tekur til starfa fljótlega á
nýju ári. Helstu viðfangsefnin þar
verða viðskiptamál, svo sem sam-
keppnismál, ríkisaðstoð, neytenda-
mál; einnig ferðamál, verslun og
þjónusta, fjölmiðlar, safnamál, listir,
hönnun, íslensk tunga og táknmál.
„Brýnt er að hvetja íslenska lista-
menn til dáða, svo vel gera þeir og
bera hróður Íslands svo víða,“ sagði
Lilja Alfreðsdóttir þegar Morgun-
blaðið ræddi við hana á dögunum.
Fyrir liggur plaggið Menningarsókn
– aðgerðaáætlun um listir og menn-
ingu, verkefnaskrá í 18 liðum sem
kynnt var í september sl. og var unn-
ið að frumkvæði Lilju sem mennta-
málaráðherra. Þar er að finna ýmsar
tillögur að sterkara starfsumhverfi
menningar í landinu, sem lögð er
áhersla á að allir – sérstaklega börn-
in – njóti.
„Alþjóðlegra áhrifa gætir sterkt í
menningu á Íslandi. Því þarf aðgerð-
ir sem efla íslenska tungu og
menningararfleifð. Veröldin er orðin
meira og minna stafræn, sem hefur
fært okkur nær hvert öðru, en líka
breytt heimsmyndinni,“ segir Lilja.
Hún getur þess að í sinni tíð í
menntamálaráðuneyti hafi rekstr-
arumhverfi bókaútgáfu í landinu ver-
ið bætt og nú fáist um fjórðungur
kostnaðar við útgáfu bóka end-
urgreiddur. Þetta hafi skilað sér. Út-
gáfa barna- og unglingabóka hafi
aukist mikið sem skipti miklu fyrir
lestrarhæfni ungs fólks.
„Og nú verður gert betur á fleiri
sviðum, svo sem með hækkun endur-
greiðslna við kvikmyndagerð og
stuðningi við tónlistarlífið,“ segir
Lilja. „Til stendur að setja á lagg-
irnar tónlistarmiðstöð, í samvinnu
við listafólk, sem starfa myndi með
líku lagi og til dæmis Kvikmynda-
miðstöð Íslands og Miðstöð íslenskra
bókmennta. Þegar hafa verið tryggð-
ir fjármunir til þessa.“
Rekstrarumhverfi
fjölmiðla verði bætt
Rekstur íslenskra fjölmiðla er
þungur. Bæði koma þar til þreng-
ingar sem kórónuveiran hefur skap-
að og breyttar aðstæður á markaði.
Tekjumódel fjölmiðla, sem byggðist
á sölu áskrifta og auglýsinga, er
hrunið. Því hafa útgáfufyrirtæki á
síðustu árum fengið rekstrarstyrki
frá ríkinu. Lilja segir ljóst að áfram
sé þörf á stuðningi við fjölmiðla, svo
mikilvægir séu þeir fyrir upplýsinga-
og fréttamiðlun, lýðræðislega um-
ræðu og ekki síst íslenska tungu.
„Framtíð fjölmiðla á Íslandi er í
húfi og ég mun því á næstu mánuðum
gera mjög ákveðna atlögu sem miðar
að því að bæta rekstrarumhverfi
þeirra. Eitt er að breyta leikreglum
þannig að Ríkisútvarpið gefi öðrum
miðlum meira rými á auglýsinga-
markaði. Verði umsvif RÚV þrengd
þarf vissulega að bæta stofnuninni
slíkt upp, en bilið sem brúa þarf verð-
ur samt ekki ýkja stórt,“ segir ráð-
herrann og heldur áfram:
„Í annan stað þarf að skapa jafn-
vægi í rekstrarumhverfi milli inn-
lendra fjölmiðla og félagsmiðla og er-
lendra streymisveitna, sem eru
umsvifamiklar á markaði hér. Skatt-
lagningu þarna þarf að breyta og þar
er valdið hjá fjármálaráðherra, sem
ég legg mikla áherslu á að bæti úr.
Fjölmiðlar eru aðgöngumiði okkar út
í samfélagið og lykill að tungumálinu.
Ef við drögum úr aðgengi ungs fólks
að vönduðu fjölmiðlaefni á okkar
móðurmáli veikist samkeppnishæfni
Íslands. Sköpunarkraftur minnkar
og við verðum ekki lengur þjóð.
Þetta er mitt hjartans mál og ég
kalla eftir liðstyrk.“
Hlustað sé á raddir borgarbúa
Nú á fyrstu vikum sínum í nýju
embætti hefur Lilja átt samtöl við
fulltrúa til dæmis listafólks, ferða-
þjónustu, viðskiptalífsins og fleiri.
Kynnst þannig viðhorfum og hags-
munum, sem stjórnvöldum sé í mun
að mæta. Sér þyki stjórnmálin afar
spennandi, hvort heldur er landsmál
eða borgarpólitíkin. Á vettvangi
Framsóknarflokks sé undirbúningur
vegna borgarstjórnarkosninga í vor
kominn á fullt. Verið er að móta
stefnu og uppstilltur framboðslisti
ætti að liggja fyrir í lok febrúar
næstkomandi. Markmiðið er að
koma flokknum í oddaaðstöðu í
borgarstjórn, segir Lilja.
„Ég vil borg þar sem hlustað er á
raddir íbúa og farið að vilja þeirra.
Þétting byggðar getur átt rétt á sér,
en í Fossvogi, þar sem ég bý, finnst
mér gengið fulldjarft fram eins og ég
kom á framfæri á hverfisfundi með
borgarstjóra á dögunum. Andstaða
við byggingu háhýsa nærri versl-
unarmiðstöðinni í Grímsbæ er mikil
og almenn í hverfinu. Þar þarf hins
vegar að styrkja svæðin og byggja
sundlaug eins og lengi hefur staðið
til. Einnig þarf að bæta umferðar-
öryggi,“ segir Lilja og að lokum:
„Við í Framsóknarflokknum sögð-
um fyrir alþingiskosningarnar að
framtíðin réðist á miðjunni og eins og
kom á daginn. Þá var áherslumál
okkar að fjárfesta í fólki og sér í lagi
huga að börnum í veikri félagslegri
stöðu. Þessa hugsun í velferðar-
málum þarf að útfæra á fleiri sviðum
og á þeim grunni mun minn flokkur
berjast í borginni.“
Menning í staf-
rænni veröld
- Ferðaþjónusta aftur af stað - Fram-
sókn nær oddaaðstöðu í borgarmálum
Morgunblaðið/Eggert
Fjölmiðlar eru aðgöngumiði okkar út í samfélagið og lykill að tungumálinu. Ef við drögum úr aðgengi ungs fólks að
vönduðu fjölmiðlaefni á okkar móðurmáli veikist samkeppnishæfni Íslands, segir Lilja meðal annars í viðtalinu.
Morgunblaðið/Kristinn Magnússon
Túristar Ferðaþjónustan kemur efnahagslífinu aftur af stað, segir ráðherra.
Almannavarnir og lögreglustjórinn
á Suðurlandi hafa ákveðið að virkja
sms-skilaboð sem verða send til
fólks sem fer inn á fyrirfram-
skilgreint svæði umhverfis Heklu.
Þetta er gert til þess að upplýsa
ferðafólk um að það sé komið inn á
svæði nálægt Heklu þar sem lítill
fyrirvari er til þess að bregðast við
ef eldgos hefst. Tekið er fram að
engir fyrirboðar séu um að Hekla
sé nær því að gjósa nú en áður.
Telja almannavarnir rétt að nýta
þessa tækni til þess að upplýsa fólk
sem fer á þetta svæði um hættuna.
Gripið var til sama ráðs um jólin við
Fagradalsfjall, vegna aukinnar
skjálftavirkni þar.
Smáskilaboð virkjuð við rætur Heklu