Klifur : fréttablað Sjálfsbjargar, landssambands fatlaðra - 15.05.1995, Page 1

Fréttablað
Sjálfsbjargar,
landssambands
fatlaðra.
MAÍ 1995
6. ÁRGANGUR 2. TBL
Meðal efnis:
0 Þrándur í götu nr. 2
0 Stjórnmálaflokkarnir svara
0 Fréttir frá Bolungarvík
0 Námskeið fyrir fatlaða
0 Listsköpun í Finnlandi
ORÐ í BELG..
Kæru lesendur Klifurs,
Það er kannski kominn tími til að rödd okkar á skrifstofu Sjálfsbjargar, landssambands fatlaðra, heyrist í Klifri. Það
er nú einu sinni hér í Hátúni 12, að efni þessa blaðs verður til, að meira eða minna leyti, án þess þó að starfsfólk
landssambandsins hafí sjálft mikið verið að láta ljós sitt skína.
Vel á minnst - Sjálfsbjörg, landssamband fatlaðra - ósköp er þetta langt heiti á samtökum. Er ekki bara hægt að
segja "Sjálfsbjörg". Jú vissulega er það hægt og er það á sinn hátt réttnefni. Hins ber að gæta, að landssambandið er
heildarsamtök 16 félaga, sem öll heita "Sjálfsbjörg"; Sjálfsbjörg í Reykjavík, Sjálfsbjörg á Bolungarvík, Sjálfsbjörg á
Neskaupstað o.s.frv. Sum þessara félaga, eins og t.d. Sjálfsbjörg í Reykjavík, Sjálfsbjörg á Akureyri o.fl. gefa út sitt
eigið fréttabréf, en þetta blað er gefið út af landssambandinu.
Nóg um þessa útskýringu, en örfá orð um hvað hæst hefur borið á góma hjá okkur undanfarið í réttindabaráttu
hreyfíhamlaðra:
Töluverður tími hefur farið í það, sérstaklega hjá félagsmálafulltrúanum okkar, Lilju Þorgeirsdóttur, að athuga
hvemig húsaleigubætumar koma út fyrir örorkulífeyrisþega. Því miður virðist þar margt vanhugsað af hálfú hins
opinbera, eins og raunar mátti lesa í grein Lilju í Morgunblaðinu í byrjun apríl.
Nýlega var haldinn fundur hér í Sjálfsbjargarhúsinu, með fulltrúum nokkurra helstu félaga hreyfihamlaðra.
Tilgangurinn var að heyra þeirra reynslu af úthlutun hjálpartækja frá Tryggingastofnun ríkisins, en mörgum
Sjálfsbjargarfélögum fínnst þeir hafa verið rangindum beittir undanfarið í þessum málum. Ákveðið var að fylgja þessu
fast eftir, og boða til fundar með fúlltrúum Tiyggingastofnunar fljótlega.
I kjölfar nýgerðra kjarasamninga við ASI-félögin, var ákveðin hækkun á almannatryggingabætur. Þegar
Sjálfsbjargarfélagar á Akureyri fóm að athuga þessa hækkun, kom í ljós að þeim þótti hún ekki vera í fullu samræmi
við hina nýju kjarasamninga. Nú hefur verið ákveðið að fá reikningsglöggan mann til að fara yfír þetta mál og kreijast
þess í framhaldinu að örorkuþegar verði ekki snuðaðir, með villandi útreikningum.
Svona gæti ég auðvitað haldið áfram í það endalausa, enda verkefnin mörg og margvísleg, en nú segir ritstjórinn
mér að ég fái ekki meira pláss í blaðinu og því verð ég að hlíta. En síðar gefst vonandi tækifæri á að leggja fleiri orð í
belg.
Sigurður Einarsson, framkvæmdastjóri Sjálfsbjargar, landssambands fatlaðra.