Sjálfsbjörg - 01.07.1986, Blaðsíða 36

NAMSKEIÐ
Aðstandendum fatlaðra barna boðið upp á
frœðslu og ráðgjöf
Fyrir tveimur árum tókst samstarf með
Sjálfsbjörg, Þroskahjálp og Styrktarfélögum
vangefinna og lamaðra og fatlaðra um
námskeiðahald fyrir aðstandendur fatlaðra
barna. Að sögn Guðrúnar Ögmundsdóttur
fyrrverandi starfsmanns Sjálfsbjargar hafa
síðan verið haldin allmörg námskeið bæði í
Reykjavík og á landsbyggðinni. „Við erum
búin að fara næstum allan hringinn, eigum
Sauðárkrók og Vestmannaeyjar eftir en
þangað verður farið eftir áramót."
Óskir um námskeið af þessu tagi komu
upphaflega frá svæðisstjórnum um málefni
fatlaðra og foreldrasamtökum og segir Guð-
rún að mikil ánægja hafi verið með nám-
skeiðin. Hér er um að ræða helgarnámskeið
og er séð fyrir barnagæslu enda ætlunin að
öll fjölskyldan geti tekið þátt. Sérfræðingar
mæta og halda erindi um ýmsa þætti sem
snerta líf fatlaðra, svo sem starf svæðis-
stjórna, lagalegan rétt fatlaðra og aðstand-
enda þeirra, hvað fötlun er og hvernig hún
er greind. Sálfræðingar ræða um kreppu-
kenningar og það sem gerist hjá foreldrum
sem eignast fatlað barn og þroskaþjálfi
ræðir um þroska barna, leiki og hjálpartæki.
I lok dagskrár hvorn dag gafst þátttakend-
um kostur á að ræða einslega við sérfræð-
ingana sem haldið höfðu fyrirlestra og gripu
margir það tækifæri.
Að sögn Guðrúnar er áhugi á því að efna
til framhaldsnámskeiða og er nú verið að
móta þau. „Vonandi verður hafður sá háttur
Öll fjölskyldan er velkomin á námskeiðin og
margir foreldrar taka börnin með sér, enda er
séð um að hafa ofanaf fyrir þeim meðan foreldr-
arnir hlýða á fyrirlestra. Hér er Vaka litla sem er 7
ára gömul að spreyta sig með tússið.
á að mynduð verði fjögurra manna teymi,
td. sálfræðingur, læknir, félagsráðgjafi og
sjúkra- eða iðjuþjálfi, sem vinna að þessu
námskeiðahaldi með fulltrúum foreldrafé-
laganna," sagði hún. Hún bætti því við að
fyrirhugað væri að halda annað námskeið í
Reykjavík í haust og vonandi yrði svo hægt
að hefja aðra hringferð um landið fljótlega.
„Við bindum fjölda þátttakenda við 24 í
hvert skipti og hingað til hefur alltaf verið
fullt, reyndar margir á biðlista hér í
Reykjavík."
Tíðindamaður Sjálfsbjargarblaðsins
ræddi við foreldra sem þátt hafa tekið í
námskeiðunum og innti þá eftir því hvað
þeim fyndist um þau. Fara þau viðtöl hér á
eftir. -ÞH
34 SJÁLFSBJÖRG