Sjálfsbjörg - 01.07.1986, Blaðsíða 23

Fatlaðir hafa löngum átt erf-
itt uppdráttar á vinnumark-
aði. Hvað er gert til að bæta
úr því? Er rétt að fjölga
vernduðum vinnustöðum?
Atvinnumál
„Eitt af því sem gefur lífinu er gildi er vinnan.
Mönnum er nauðsynlegt að hafa starf við
hæfi og afla sér tekna. í vinnunni kynnast
menn mörgu fólki og eru þátttakendur í
atvinnulífinu. Atvinnulífið er fjölbreytt og kall-
ar á marga til starfa. Það er nær víst að til er
starf sem hentar hverjum og einum. En
hvað viljum við sjálf? Það er mikilvægt að
gera sér grein fyrir því, og leita að starfi með
tilliti til þess. En við þurfum einnig að vera
óhrædd að reyna eitthvað nýtt. Takast á við
störf sem við höfum ekki unnið áður, en
okkur kann að líka þegar á reynir."
Þessi orð er að finna á forsíðu bæklings
sem ber heitið Út að vinna - leiðbeiningar
fyrir fatlaða sem ætla út að vinna. Þessi
bæklingur er gefinn út af Samráðsnefnd um
málefni fatlaðra sem starfar á vegum félags-
málaráðuneytisins. í honum er að finna ýms-
ar gagnlegar ábendingar og leiðbeiningar
fyrir þá sem vilja reyna fyrir sér á vinnumark-
aðnum, svo sem um ferðaþjónustu fatlaðra,
réttindi og skyldur fólks á vinnumarkaði,
öryrkjavinnu, laun og bætur, verndaða
vinnustaði og síðast en ekki síst hvert fatlað-
ir eiga að snúa sér hyggist þeir reyna fyrir
sér á vinnumarkaðnum.
Sjálfsbjargarblaðið ætlar að leggja sitt til
málanna með viðtölum við nokkra þeirra
sem afskipti hafa af atvinnumálum fatlaðra.
Víðir Þorsteinsson er einn þeirra sem hafa
hagnýtt sér þá möguleika sem tölvutæknin
veitir fötluðum. Ásta B. Schram veitir for-
stöðu sérstakri öryrkjadeild sem starfrækt
er á Ráðningarskrifstofu Reykjavíkurborgar.
Andri Örn Clausen segir frá athyglisverðri
tilraun sem gerð var í sumar hjá Vinnuskóla
Kópavogs og einnig er rætt við forstöðu-
menn á vinnustöðum Öryrkjabandalagsins í
Hátúni.
SJÁLFSBJÖRG 21