Fréttablaðið - 08.02.2022, Page 28

odduraevar@frettabladid.is
Ragna
Sigurðardóttir
borgarfulltrúi
„Þáttaáhorfið
er almennt ekki
mikið hjá mér
en ég fagnaði
nýlega próf­
lokum með
því að horfa á
ítölsku myndina Quattro metà,
eða Fjögur í mat, á Netflix. Hún
er bæði skemmtileg og heilalaus
þótt mér hafi þótt erfitt að fylgja
söguþræðinum á köflum en ég
held að það skrifist á ítölskukunn­
áttu mína frekar en söguþráðinn
sjálfan.
Í Covid­einangrun minni í vetur
horfði ég síðan á sænsku þættina
Young Royals sem ég mæli ein­
dregið með,“ segir Ragna og slær
þann varnagla að öruggast sé að
horfa án maskara fyrir þau sem
nota svoleiðis. ■
Próflokum
fagnað á ítölsku
■ Á skjánum
odduraevar@frettabladid.is
Arnar
Kjartansson
viðskiptafræði-
nemi
„Ég er eins og er
að horfa á þætt­
ina Newsroom
á HBO í svona
tíunda skipti.
Ég gjörsam­
lega elska þá eins og flest annað
sem Aaron Sorkin gerir og skrifar.
Þættirnir fjalla um hvernig bitlaus
fréttastofa með vinsælan frétta­
þul tekur u­beygju yfir í að taka
mál líðandi stundar í Bandaríkj­
unum föstum tökum,“ segir Arnar
og heldur áfram:
„Jeff Daniels fer með aðalhlut­
verkið og gerir það fullkomlega og
ég mæli sérstaklega með að horfa
á upphafsatriði fyrsta þáttar á
YouTube.
Er svo að horfa á einn og einn
þátt af Dopesick á Hulu sem eru
leiknir þættir um hvernig Oxy­
Contin byrjaði ópíóíðafaraldurinn
í Bandaríkjunum. Micheal Keaton
og Peter Saarsgard fara þar á
kostum.“ ■
Newsroom í
tíunda skipti
odduraevar@frettabladid.is
Íslenskir aðdáendur áströlsku sápu-
óperunnar Nágranna eru í áfalli eftir
að þau tíðindi bárust frá Ástralíu að
óvíst sé hvort áfram verði haldið
með framleiðslu þáttanna. Aðdá-
andinn Bjarney Halldórsdóttir segir
ekkert geta komið í staðinn.
Þættirnir hafa verið vinsælir um
árabil hér á landi og þekkja margir
með nafni til persóna sem sést hafa
á skjáum landsmanna á Stöð 2 og
búa í Erinsborough, líkt og Susan,
Karl og Kartan sjálf svo einhverjir
séu nefndir.
Þættirnir hófu göngu sína í ástr-
ölsku sjónvarpi árið 1985 og hafa
verið sýndir í Bretlandi og Ástralíu.
Samningar milli Fremantle Media
í Ástralíu og Channel 5 í Bretlandi
hafa ekki náðst og því líkur á að hætt
verði að framleiða þættina í sumar.
„Ég held að ég sé búin að fylgjast
með þáttunum í tæp þrjátíu ár,“
segir Bjarney sem fylgist með þátt-
unum í áströlskum rauntíma, enda
þættirnir á Stöð 2 gjarnan nokkuð
langt á eftir.
„Ég er búin að vera að melta þessi
tíðindi síðan ég sá þetta í gær og
búin að vera í öngum mínum,“ segir
Bjarney sem er búin að skrifa nafn
sitt undir alla þá undirskriftalista
sem hún hefur fundið, þar sem kall-
að er eftir því að Fremantle Media
endurskoði málið.
„Covid hefur leikið þættina nokk-
uð grátt,“ segir Bjarney aðspurð um
hvað valdi hiki bresku stöðvarinnar
við að endurnýja samninga. Erfið-
ara hafi verið að blanda saman leik-
urum en áður.
„Ég hef alltaf verið opin með
þetta, að ég hor f i enn þá á
Nágranna. Þetta eru svona 20 mín-
útur á dag, sem ég sé aldrei eftir,“
segir Bjarney.
„Þetta er uppeldisstöð ástralskra
Hollywood-leikara,“ segir Bjarney
og segir það til marks um mikilvægi
þáttanna þar sem leikarar eins og
Kylie Minogue og Russell Crowe
hafa slitið barnsskónum.
Aðspurð hvort hún myndi þá
horfa á hina bandarísku sápuóperu
Glæstar vonir ef til þess kemur að
Nágrannar hætti, segir Bjarney:
„Nei, alls ekki. Það er bara alls, alls
ekki hægt.“ ■
Myndi aldrei taka Glæstar vonir fram yfir Nágranna
Bjarney var
einungis sjö ára
gömul þegar
hún byrjaði að
horfa á þættina.
MYND/AÐSEND
Jackie Wood­
burne og Alan
Fletcher hafa
birst lands­
mönnum á
skjánum sem
Susan og Karl
Kennedy um
árabil.
MYND/CHANNEL 5
Ársæll Sigurlaugar Níelsson,
sonur Níels Ársælssonar sem
má telja meðal þekktustu
andstæðinga kvótakerfisins,
lék forseta Fiskiþings í síðasta
Verbúðarþætti í því sem Helgi
Seljan kallar besta hlutverka-
val sögunnar.
odduraevar@frettabladid.is
„Ég þekki þessa menn, þá Gísla og
Hlyn, og þau í Vesturporti,“ segir
leikarinn og kvikmyndaframleið-
andinn Ársæll Sigurlaugar Níelsson
þegar hann er spurður hvernig hafi
komið til að hann fór með hlutverk
forseta Fiskiþings í síðasta þætti af
Verbúðinni.
Svo skemmtilega vill nefnilega
til að Ársæll er sonur Níels heitins
Ársælssonar, eins frægasta kvóta-
andstæðings Íslandssögunnar, sem
vakti landsathygli um margra ára
skeið fyrir baráttu sína gegn kerf-
inu sem gengur sem rauður þráður
í gegnum Verbúðina.
Þar fer Ársæll með hlutverk for-
seta Fiskiþings sem samþykkir
framsalsheimild hins nýja kvóta-
kerfis í nýju fiskveiðifrumvarpi.
„Það að sonur Níels heitins Ársæls-
sonar hafi leikið forseta Fiskiþings
í Verbúðinni er eitt lúmskasta en
jafnframt besta „cast“ íslenskrar
kvikmyndasögu,“ sagði Helgi Seljan
á Twitter.
Lagðist ekki í djúpar pælingar
„Þetta var ekki alveg svona djúp-
stætt held ég,“ segir Ársæll hlæjandi
og bætir við að hann hafi ekkert
þurft að leggjast undir feld. „Ég
hugsaði sko ekkert: „Hvað myndi
pabbi segja?“ segir Ársæll og bendir
á að þarna hafi aðallega verið um
vinargreiða að ræða.
„En ég glotti auðvitað smá þegar
þau báðu mig um að leika þennan
formann Fiskiþings en leiddi
kannski ekki hugann að því hvort
þetta væri eitthvert „cast“ aldar-
innar,“ segir Ársæll.
„En, jújú, mamma spurði mig ein-
hverjum mánuðum seinna að því
hvað ég hefði leikið. Jú, formann
Fiskiþings, svaraði ég og hún bara:
Já, ókei, það er dálítið sérstakt. En ég
eiginlega verð að viðurkenna að ég
leiddi hugann ekkert sérstaklega að
því,“ segir leikarinn.
Fann nasaþef af verbúð
„Kallinn var náttúrulega harður
andstæðingur þess sem þarna átti
sér stað. Hann fékk ekki að taka
þátt og var svona útlagi sem barðist
alla tíð gegn kerfinu og var þekktur
fyrir það,“ segir Ársæll sem sjálfur er
hæstánægður með þættina.
„Mér finnst þetta mjög skemmti-
Lúmskt leikaraval ekkert svo lúmskt
Magnús Þór Hafsteinsson og Níels Ársælsson pæla í fiski. MYND/BÆJARINS BESTA
legt, hafandi búið á Suðureyri og
alist upp í þorpi sem er ekkert
ósvipað, vestur á fjörðum – Tálkna-
firði. Maður lifði náttúrulega sjálfur
og hrærðist í þessu.
Þótt ég sjái þetta kannski ekki
sömu augum og fólkið sem var í
brúnni eða vinnslunni á þessum
tíma, enda er ég það ungur. Þetta
er hins vegar umhverfið sem fylgdi
mér fram á fullorðinsár,“ segir
Ársæll sem segist rétt svo hafa náð
í skottið á verbúðarlífinu.
„Ég byrjaði að vinna þegar aðal-
verbúðin lokaði og hætti að vera
í frystihúsinu sjálfu og mann-
skapnum var dreift á þrjú eða
fjögur einbýlishús. Þannig að ég
rétt náði í skottið á þessu, þótt það
hafi kannski verið aðeins öðruvísi
stemning.“
Ársæll segist mikið vera í því að
benda á skjáinn yfir þáttunum og
atburðum sem hann rekur minni til.
„Maður er svona: Já, heyrðu! Einmitt
akkúrat ’86, það er akkúrat þegar
þau komu þarna frá Suður-Afríku
og Ástralíu.“
Það eru allir að tala um þessa
þætti.
„Já, það er mjög skemmtilegt.
Vegna þess að í gegnum árin hafa
ansi margir fengið leið á þessu,
kvótakerfinu og því. Og bara á fiski
og fiskvinnslunni og margir hafa
einfaldlega viljað gera eitthvað
annað,“ segir Ársæll.
„Fyrir Vestfirðinga sem kannski
hafa pirrað sig á sérfræðingum að
sunnan sem alltaf segja okkur að
gera eitthvað annað, þá sýna þessir
þættir rosalega vel hvað þetta skipt-
ir miklu máli. Þú lætur ekkert heilt
samfélag bara allt í einu gera eitt-
hvað annað. En það er náttúrulega
pólitík í þessu og fólk lítur á þetta
mismunandi augum.“ ■
Ársæll í hlutverki sínu sem forseti Fiskiþings.
Sonur hins harða kvótaandstæðings lét sig ekki muna um að stíga yfir á myrku hliðina í Verbúð. FRÉTTABLAÐIÐ/VALLI
Framsalið samþykkt. Þá eru það bara veitingarnar.
16 Lífið 8. febrúar 2022 ÞRIÐJUDAGURFRÉTTABLAÐIÐLÍFIÐ FRÉTTABLAÐIÐ 8. febrúar 2022 ÞRIÐJUDAGUR