Fréttablaðið - 24.03.2022, Qupperneq 2
Guðrún
Helgadóttir látin
Gult og blátt var
ekkert svona vinsælt
áður og við finnum
alveg fyrir vinsæld-
unum.
Katrín Rán Bjarnadóttir hjá Vogue
Mikil vinna að setja upp Verk og vit
Sýningin Verk og vit hefst í dag í Íþrótta- og sýningarhöllinni í Laugardal. Sýningin stendur fram á sunnudag. Mikill metnaður er lagður í sýningarsvæðin en
unnið var hörðum höndum að því að klára þau í gær. Alls munu um hundrað fyrirtæki og stofnanir kynna vörur sínar og þjónustu. FRÉTTABLAÐIÐ/EYÞÓR
Viltu láta sumar húsið
vinna fyrir þig?
Kynntu þér málið á viator.is/eigendur
Við sjáum um öll samskipti við gesti
Öflug markaðssetning á erlendum mörkuðum
Það kostar ekkert að vera á skrá
Yfir 20 ára reynsla
Grensásvegur 5, 108 Reykjavík info@viator.isViator 544 8990
Í Vogue í Síðumúla rúllar út
blátt og gult í metravís. Svo
mikið fer af metravörunni að
eftir er tekið. Þeir sem setjast
við saumavélina hafa gert
hettupeysur, húfur og nánast
allt sem hugurinn girnist úr
efninu.
benediktboas@frettabladid.is
SAMFÉLAG „Þetta er efni sem fólk er
að kaupa og búa sér til fána, hettu-
peysur, húfur og ýmislegt f leira,“
segir Katrín Rán Bjarnadóttir hjá
Vogue í Síðumúla en þar er ein vin-
sælasta álnavaran í bláum og gulum
litum sem viðskiptavinir sauma úr
allt milli himins og jarðar í úkra-
ínsku fánalitunum.
Fréttablaðið leit við í Síðumúl-
anum þar sem margt var um mann-
inn og ýmislegt rauk út en þó var
töluvert keypt af bláum og gulum.
Einn viðskiptavinurinn ætlaði að
gera hettupeysu fyrir frænku sína í
framhaldsskóla.
Íslendingar hafa verið duglegir að
styðja við Úkraínu síðan innrásin
hófst þar í landi. Samstöðutónleikar
Sinfóníuhljómsveitar Íslands með
Úkraínu verða í Hörpu í kvöld þar
sem allur ágóði af miðasölu rennur
óskiptur til neyðarsöfnunar Þroska-
hjálpar fyrir fatlað fólk í Úkraínu.
„Eins og aðrir Íslendingar höfum
við tekið fréttir af innrásinni í
Úkraínu afar nærri okkur. Við
störfum í alþjóðlegu umhverfi og
stríðið í Úkraínu snertir marga í
hljómsveitinni með beinum eða
óbeinum hætti,“ segir Lára Sóley
Jóhannsdóttir, framkvæmdastjóri
Sinfóníuhljómsveitar Íslands. Allur
ágóði af veitingasölu í Hörpu á tón-
leikakvöldi mun einnig renna til
hjálparstarfsins.
Þá er Fella- og Hólakirkja með
samstöðu- og söfnunarmessu fyrir
Úkraínu á sunnudag klukkan ell-
efu. Þar koma meðal annars fram
Diddú og Lay Low, Alexandra
Chernyshova sópran og kór kirkj-
unnar sem mun bera barmmerki í
úkraínsku fánalitunum, ásamt Arn-
hildi, organista kirkjunnar. Í lokin
verður fluttur þjóðsöngur Úkraínu.
Mannúðarástand í Úkraínu er
mjög alvarlegt, þegar er orðinn
mikill skortur á matvælum víða
í landinu og vopnuð átök hindra
bæði að almennir borgarar geti
f lúið á örugga staði sem og birgða-
flutninga víða. Rauði krossinn gerir
sitt besta til að greiða fyrir öruggum
flutningi fólks þaðan og koma þang-
að vistum.
„Hugur okkar er hjá þeim sem
þjást vegna átakanna,“ segir Árni
Oddur Þórðarson, forstjóri Marels,
en fyrirtækið hefur ákveðið að veita
um 35 milljónir króna til mannúð-
arstarfs Rauða krossins í Úkraínu.
Venjulegt fólk getur ekki stutt
mannúðarstarf um marga tugi
milljóna en það getur lýst stuðn-
ingi sínum með heimasaumuðum
fötum. „Þetta er tekið mikið og
mun meira en áður. Gult og blátt
var ekkert svona vinsælt áður og við
finnum alveg fyrir vinsældunum,“
segir Katrín í Vogue. ■
Fánalitir Úkraínu orðnir
ein vinsælasta álnavaran
Katrín Rán Bjarnadóttir og Íris Kristjánsdóttir með vinsælustu álnavöruna í
Vogue. FRÉTTABLAÐIÐ/ANTON BRINK
bth@frettabladid.is
LÖGREGLUMÁL „Það er enn nokkur
stund í að það verði farið í þessa
aðgerð, það er farið að losna um
ísinn norðanvert en of snemmt að
segja hvenær aðstæður leyfa að við
hefjumst handa,“ segir Oddur Árna-
son, yfirlögregluþjónn á Suðurlandi.
Enn á eftir að ná flaki f lugvélar-
innar TF-ABB af botni Ölfusvatns-
víkur í Þingvallavatni. Eins og
Oddur nefnir hefur tíðarfar allt um
það að segja hvenær hægt verður að
ná flakinu upp.
Viðbragðsaðilum tókst að koma
líkum þeirra fjögurra sem létust,
íslensks f lugmanns og þriggja
erlendra ferðamanna, af botni
vatnsins nokkrum dögum eftir
slysið. Þótti það mikið afrek.
„Við erum alveg rólegir, eftir
að við náðum fólkinu upp,“ segir
Oddur.
„Vélin ætti ekki að brotna neitt
meira þarna í vatninu þótt líði smá
tími,“ bætir Oddur við. ■
Bíða eftir því að ísinn bráðni ofan af
Þingvallavatni til að ná í flugvélina
Það þótti mikið afrek að ná fólkinu
upp úr vatninu eftir flugslysið.
FRÉTTABLAÐIÐ/ANTON BRINK
ritstjorn@frettabladid.is
ANDLÁT Guð rún
Helga dóttir,
rithöfundur
og fyrrverandi
alþingismaður,
lést í gær 86 ára
að aldri.
Guð rún fædd-
ist í Hafnar firði
þann 7. septem-
ber 1935. Fyrsta
skáldsaga hennar, Jón Oddur
og Jón Bjarni, kom út árið 1974
en alls komu út eftir hana 25
bækur. Sam hliða rit störfum
tók Guð rún sæti í borgar-
stjórn fyrir Alþýðubanda-
lagið árin 1978 til 1983. Í fram-
haldinu settist hún á þing og
var alþingismaður árin 1979
til 1995 og varaþingmaður til
ársins 1998.
Guðrún var forseti Alþingis
árin 1988 til 1991 og varð fyrst
kvenna til að gegna því emb-
ætti á sameinuðu þingi. Hún
flutti margar eftirminnilegar
ræður á Alþingi og meðal
hennar helstu baráttumála
voru réttindi barna og eldri
borgara.
Guðrún lætur eftir sig
fjögur uppkomin börn og
fjölda annarra afkomenda.
Fjöldi fólks minntist hennar
á samfélagsmiðlum í gær. ■
Guðrún
Helgadóttir
2 Fréttir 24. mars 2022 FIMMTUDAGURFRÉTTABLAÐIÐ