Morgunblaðið - 03.01.2022, Page 11

FRÉTTIR 11Innlent
MORGUNBLAÐIÐ MÁNUDAGUR 3. JANÚAR 2022
Fjölskylduhjálp Íslands, Iðufelli 14 Breiðholti
og Baldursgötu 14 í Reykjanesbæ.
Guð blessi ykkur öll
Fjölskylduhjálp Íslands hefur aðstoðað 2400 heimili
með matvæli og fl. í desember 2021 og er enn
að með ómetanlegum stuðningi landsmanna og
fyrirtækja í landinu. Stuðningur Kaupfélags
Skagfirðinga gerði gæfumuninn annað árið í röð.
Við þökkum ykkur af heilum hug
fyrir hönd samferðafólks okkar sem
minna mega sín í okkar þjóðfélagi.
Með kærleikskveðjum,
Stjórn og sjálfboðaliðar
Fjölskylduhjálpar Íslands
2400 heimili fengu mataraðstoð
í desember 2021
Skoðið // hjahrafnhildi.is
ÚTSALAN
er hafin
30-50%
afsláttur
Sendum um
allt land!
Engjateigi 5 // 581 2141 // hjahrafnhildi.is
Sigurður Bogi Sævarsson
sbs@mbl.is
„Umræða um meint brot og
óæskilega hegðan áberandi
knattspyrnumanna hefur verið
íþróttahreyfingunni erfið, en
jafnframt holl og nauðsynleg,“
segir Andri Stefánsson sem á
dögunum tók við starfi fram-
kvæmdastjóra Íþrótta- og ólymp-
íusambands Íslands. – Mikilvægt
er að draga lærdóm af atburða-
rás síðustu mánaða og breyta
samkvæmt því. Raunar er starf
hreyfingarinnar í sífelldri þróun
og verkefnin fram undan fjöl-
breytt. Vetrarólympíuleikarnir í
Peking verða nú í febrúar, og
þangað fara fulltrúar Íslands, og
eins á Ólympíuhátíð Evrópuæsk-
unnar, það er vetrarhátíð í Finn-
landi í mars og sumarhátíð í Slóv-
akíu í júlí. Alls taka um 110
þúsund iðkendur virkan þátt í æf-
ingum og keppni á vegum
íþróttafélaga, en alls eru um 220
þúsund manns í félögum innan
ÍSÍ.
Samfélagið endurspeglast
í íþróttastarfinu
„Ætla má að um 95% barna á
grunnskólaaldri taki einhvern
tímann þátt í skipulögðum íþrótt-
um. Nánast allt sem gerist í ís-
lensku samfélagi endurspeglast
með einhverju móti í íþróttastarf-
inu, enda tengjast flestar fjöl-
skyldur því með einhverju móti.
Áherslur félaga áður fyrr sneru
mest að íþróttunum sjálfum – iðk-
un, keppni og árangri. Í dag eru
fleiri þættir ofarlega á blaði, svo
sem félagsmótun, samskipti og
fleira. Inntak starfsins er mun
umfangsmeira en áður,“ segir
Andri.
Hvað varðar baráttuna gegn
ofbeldi, kynferðisbrotum og slíku
segir Andri að íþróttahreyfingin
hafi sett sér siðareglur og viðmið
um hegðun og framgöngu þátt-
takenda. Innan ÍSÍ sé jafnframt
verið að skilgreina ramma og
heimildir sem þurfi að vera fyrir
hendi svo hægt sé að bregðast
rétt við þegar upp koma flókin og
erfið verkefni. Þarna þurfi að
gæta hófs og vanda til verka.
Erfiðara að komast á Ól-
ympíuleika
Hraðar, hærra, sterkar og
saman eru kjörorð Alþjóðaólymp-
íunefndarinnar. Þátttaka í ÓL
hefur jafnan verið þjóðarstolt Ís-
lendinga og góður árangur landa
okkar þar hefur jákvæð og smit-
andi áhrif í þjóðfélaginu. Vegna
aðstæðna í heimsfaraldri voru Ól-
ympíuleikarnir í Tókyo á síðast-
liðnu ári lágstemmdari en oft áð-
ur. Þá voru keppendur fyrir
Íslands hönd aðeins fjórir og hafa
sjaldan verið færri. Ekki er langt
síðan að frá Íslandi fóru á þriðja
tug keppenda, þá að meðtöldu
karlalandsliðinu í handknattleik.
Skýringuna á því að færri
fara nú segir Andri að æ erfiðara
sé í seinni tíð að ná lágmörkum
sem gilda um þátttöku á ÓL; búið
sé að hækka lágmörk og herða
aðgangskröfur. Aðrar þjóðir séu
einnig að gefa í varðandi stuðn-
ing, undirbúning og þátttöku. Því
þurfi að gera enn betur í stuðn-
ingi við íslenskt afreksíþrótta-
fólk, sem þar keppir við heimsins
fremsta fólk, hvað í sinni íþrótta-
grein.
„Fólk í einstaklingsgreinum
íþrótta hér á landi þarf mun meiri
stuðning en nú býðst svo það geti
einbeitt sér til betri árangurs. Í
fæstum tilvikum fær íslenskt af-
reksíþróttafólk stóra styrktar-
eða auglýsingasamninga, eins og
bjóðast víða erlendis. Því þarf að
hugsa hlutina hér á landi á annan
veg,“ segir Andri. Hann vekur at-
hygli á því að á síðasta starfsvetri
Alþingis var samþykkt tillaga
sem fjallaði um laun til afreks-
íþróttafólks og er nú unnið að út-
færslu hennar í menntamála-
ráðuneytinu. Íslenskt afreks-
íþróttafólk hafi kallað eftir
auknum stuðningi og þá þurfi að
horfa til lýðréttinda þess hvað
varðar heilbrigðiskerfi, sveigj-
anleika gagnvart námi og fleira.
Erfitt sé að áætla hversu margir
gætu fallið undir þessa merkingu,
en byrja mætti með 10 til 20
manns.
Félagsandinn er að breytast
„Fjárhagslega standa
íþróttafélögin í landinu mjög mis-
jafnlega. Raunar gengi starf
þeirra aldrei upp nema vegna
þess að margir eru tilbúnir að
leggja starfinu lið með sjálfboða-
liðastarfi. Ekki er hægt annað en
dást að þeim krafti sem er innan
íþróttahreyfingarinnar og því
fólki sem þar starfar. Hve lengi
sá sterki félagsandi varir kann þó
að breytast. Foreldrar barna sem
æfa íþróttir líta sumir hverjir svo
á í dag að þeir séu að kaupa þjón-
ustu fyrir börnin en vilja síður
taka þátt í félagsstarfi. Þetta er
þróun sem þarf að fylgjast með
og við þurfum að tryggja að sem
flestir verði virkir í starfi,“ segir
Andri og heldur áfram:
Íþróttaaðstaðan hjarta
hverfis og bæjar
„Mikilvægi íþróttastarfs er
hvarvetna viðurkennt. Þetta sést
til dæmis vel hér á höfuðborgar-
svæðinu þar sem íþróttamann-
virkin og skólarnir eru gjarnan
miðsvæðis í hverfunum. Ég get til
dæmis nefnt hérna í Reykjavík
Smáíbúðahverfið, samkvæmt
upphaflegu skipulagi, og Efra-
Breiðholt. Þannig varð og verður
til hjarta hverfis og bæja. Góð að-
staða fyrir íþróttir er líka mikil-
vægur þáttur í því að styrkja
byggðir úti á landi, íþróttahús,
sundlaug eða annað,“ tiltekur
Andri. Á stærri vettvangi segir
hann jafnframt mikilvægt að taka
á næstu misserum mikilvæg skref
varðandi byggingu þjóðar-
leikvanga. Mikil umræða hefur
verið um slík mannvirki fyrir
frjálsíþróttir, inniíþróttir og svo
knattspyrnu, þar sem tryggja
þurfi að hægt sé að leika lands-
leiki fleiri mánuði á ári en nú er.
Jafnframt þurfi að tryggja sér-
samböndum innan ÍSÍ aðstöðu
fyrir æfingar og undirbúning
landsliða fyrir alþjóðleg verkefni.
Vissulega kosti þessar fram-
kvæmdir talsvert fé. Mikilvægt sé
þó að Ísland geti staðið jafnfætis
öðrum þjóðum þegar stórmót og
landsleikir eru annars vegar.
Ómögulegt sé fyrir Íslendinga að
leika heimaleiki landsliðs í öðrum
löndum.
„Við þurfum sem allra fyrst
að taka ákvarðanir um þessar
framkvæmdir. Búið er að leggja í
töluverða vinnu við að greina
þarfir íþróttahreyfingarinnar og
móta tillögur. Nú þarf að finna
lausnir til að koma málum
áfram,“ segir Andri að síðustu.
Afreksfólkið þarf meiri stuðning, segir nýr framkvæmdastjóri ÍSÍ
Morgunblaðið/Sigurður Bogi
Mannlíf Nánast allt sem gerist í íslensku samfélagi endurspeglast í
íþróttastarfi, sem flestar fjölskyldur tengjast, segir Andri í viðtalinu.
Aðdáunarverður kraftur
- Andri Stefánsson fæddist
1972 og er íþróttakennari frá
Laugarvatni að mennt. Nam
íþróttafræði og -stjórnun í
Kaupmannahafnarháskóla og
tók seinna meistaragráðu í
íþróttastjórnun í Lyon í Frakk-
landi. Stundaði knattspyrnu og
badminton með Víkingi og
sinnti ýmsum félagsstörfum
m.a. fyrir badmintonfólk.
- Hefur lengi starfað hjá ÍSÍ,
sl. 15 ár sem sviðsstjóri afreks-
og ólympíusviðs ÍSÍ. Aðal-
fararstjóri Íslands á Ólympíu-
leikum samfellt frá 2008.
Hver er hann?
Morgunblaðið/Sigurður Bogi
Boltastrákar Um 95% barna á grunnskólaaldri eru einhvern tímann í
íþróttastarfi, sem miklar félagslegar kröfur eru gerðar til.
Líney Sigurðardóttir
Þórshöfn
Grænlenska loðnuveiðiskipið Tasilaq
kom til hafnar á Þórshöfn að kvöldi
nýársdags með 400 tonn af loðnu.
Bræla er á miðunum og ekkert veiði-
veður svo skipið heldur ekki á veiðar
fyrr en eftir einn eða tvo daga þegar
veður skánar en það var á veiðum
norðaustur af landinu. Allur aflinn fer
í bræðslu en ekki liggur á að landa
fyrr en í dag, mánudag, þar sem Tasi-
laq bíður af sér veðrið í höfn.
Fyrsta loðnan á nýársdag
Morgunblaðið/Líney Sigurðardóttir
Loðna Tasilaq í höfn með fyrsta loðnufarm ársins á Þórshöfn.