Morgunblaðið - 28.02.2022, Page 10

10 FRÉTTIR
Innlent
MORGUNBLAÐIÐ MÁNUDAGUR 28. FEBRÚAR 2022
Rafstilling ehf
Dugguvogi 23, 104 Reykjavík, sími 581 4991, rafstilling@rafstilling.is
Opið mán.-fim. kl. 8-17, fös. kl. 8-14
Hröð og góð þjónusta um allt land
Áratuga
reynsla
Startar bíllinn ekki?
Við hjá Rafstillingu leysum málið
Sigurður Bogi Sævarsson
sbs@mbl.is
„Að sinna stjórnmálum er þjónusta
og inntakið er samskipti við fólk.
Að boða stefnu og lausnir er mik-
ilvægt en svo þarf líka að taka erf-
iðar spurningar og svara þeim. Því
finnst mér mikilvægt að funda;
heyra viðhorf fólks; sjónarmið
þess og óskir,“ segir Kristrún
Frostadóttir, þingmaður Samfylk-
ingar. Að undanförnu hefur Krist-
rún farið víða og fundað með kjós-
endum. Fór fyrst um Vestfirði og
Norðurland vestra og var nú um
helgina austur á landi.
Tala um Verbúðina vestra
„Vestur á fjörðum töluðu
margir líka um sjávarútvegsmál,
mikilvægi strandveiða og byggða-
kvóta og vísa meðal annars í Ver-
búðina. Rökræðan um sjávar-
útvegsmálin er áhugaverð,“ segir
Kristrún og heldur áfram:
„Viðhorfin eru annars ólík á
milli byggðarlaga, jafnvel þótt
stutt sé á milli staða. Umræðan er
líka allt öðruvísi nú en var fyrir
kosningarnar í haust. Andrúms-
loftið afslappaðra. Þetta hef ég oft
fundið þar sem er verið yfir nótt í
heimagistingu og morgunkaffið
tekið með gestgjöfum. Samtöl við
þá skapa persónuleg sambönd.
Margir úti á landi tala um að gera
þurfi betur í samgöngum, mennt-
un, heilbrigðismálum og atvinnu-
tækifærum svo aðstæður séu sam-
bærilegar því sem gerist í
þéttbýlinu. Eðlilega sárnar fólki,
sem leggur mikið til samfélagsins,
að talað sé um slíkt sem kjör-
dæmapot og ölmusu.“
Þúsund milljarðar
á nokkrum dögum
Kristrún Frostadóttir, sem er
þingmaður í Reykjavíkurkjör-
dæmi suður, tók sæti á Alþingi nú í
haust og er fulltrúi Samfylkingar í
fjárlaganefnd. Þegar þingið kom
saman var nefndarinnar að ganga
frá fjárlögum og hún hafði til þess
um þrjár vikur.
„Þó meginlínur fjárlagafrum-
varpsins hafi legið fyrir er mikil
vinna og ábyrgð sem fylgir því að
samþykkja 1.000 milljarða króna
pakka á nokkrum dögum. Próf-
steinn á áherslur stjórnvalda eru
fjárlög, sem byggjast svo á fjár-
málaáætlun sem er til nokkurra
ára í senn. Nú kemur í ljós að milli
þessara tveggja grundvallar-
plagga er misræmi. Áherslumál í
stjórnarsáttmála hafa bersýnilega
ekki verið fjármögnuð. Þó á margt
sannarlega að efla, bæta og
styrkja, segir ríkisstjórnin. Meðal
annars er talað um endurbætur á
almannatryggingakerfinu, svo
stöðvuð verði kjaragliðnum milli
örorkulífeyrisþega og launafólks,
10. árið í röð. Þarna vantar inn
stórar upphæðir, sem hvergi er
nefnt hvaðan koma skuli,“ tiltekur
Kristrún og heldur áfram:
Hagstjórn er samvinna
„Stefnu og félagslegum
áherslum verða að fylgja fjár-
munir svo fyrirætlanir gangi upp.
Ríkisreksturinn er hins vegar á
öðru róli; með skattastefnu hefur
tekjuhliðin verið veikt sem nemur
tugum milljarða króna á ári
hverju. Útkoman verður kerfis-
bundin vanfjármögnun á mikil-
vægum kerfum. Slíkt verður ekki
heldur bætt upp með neyslu-
sköttum, sem snerta lágtekjuhópa
alltaf mest.“
Kristrún bendir á að í mörg-
um löndum Norður-Evrópu, ríkj-
um sem við Íslendingar eigum oft
samleið með, byggist hagstjórn á
samvinnu ríkis, sveitarfélaga,
samtaka launafólks og fyrirtækja.
Slíkt sé góð leið til að skapa jafn-
vægi og stundum þurfi inngrip í
markaðinn.
„Í dag er húsnæðismarkaður
á Íslandi í ójafnvægi og ein af af-
leiðingum þess er að verð eigna
rýkur upp. Afborganir af lánum
hækka svo víxlverkanir fara af
stað. Við þessar aðstæður þyrfti
ríkið að stíga inn,“ segir Kristún.
„Fyrir slíku hefur verið lítill
hljómgrunnur og aðgerðaleysi
gæti orðið dýrkeypt fyrir ríkið
þegar kjarasamningar losna á
næsta ári. Því þarf félagslegar
áherslur í húsnæðismálum. Nú
virðist mér að slík viðhorf séu að
skapast. Bendi þar á orð viðskipta-
ráðherra á dögunum um að sann-
gjarnt sé að bankarnir komi til
móts við almenning, nú þegar
vextir hækka og verðbólga eykst.
Úthlutun lóða til óhagnaðardrif-
inna íbúðafélaga, eins og Reykja-
víkurborg hefur gert, hefur líka
verið mikilvæg aðgerð í húsnæðis-
málum.“
Fundaferð er ekki
formannsframboð
Þingflokkur Samfylkingar
var í fundaferð meðal annars á
Suðurnesjum, fyrir austan fjall og
austur á landi meðan Kristrún var
á sinni yfireið á Vestfjörðum og
Norðurlandi. Í þetta segir Krist-
rún að ekki eigi að lesa neitt sér-
stakt, svo sem um hugsanlegt
framboð til formennsku í flokkn-
um. Hún hafi ekki tekið neina
ákvörðun um slíkt. Verandi með
lítið barn heima hafi hins vegar
hentað sér vel að taka snarpa
fundalotu úti á landi nú þegar
svigrúm í fáeina daga skapaðist.
„Inntak stjórnmálanna er að
taka ákvaðanir um málefni
fjöldans. Til slíks þarf traust sem
byggist meðal annars á því að fólk
þekkist og eigi í góðum sam-
skiptum. Mér finnst því mikilvægt
að hitta fólk og svara spurningum.
Stundum eru þær meðal annars
um uppruna minn og ættir, sem
eru meðal annars úr Lýtingsstaða-
hreppi í Skagafirði. En fyrst og
síðast rætt um stjórnmál. Þar
segja sumir Samfylkinguna hafa
fjarlægst uppruna sinn. Sé komin
ýmist of langt til vinstri eða hægri.
Skoðanir á flokknum og stefnu
hans eru sterkar og ólíkar sem er
gott. Stjórnmálaflokkur þarf að
rúma allskonar viðhorf. Raunar
trúi ég því að margir – mun fleiri
en kjósi Samfykinguna – geti á
einhvern hátt tengt sig við hana.
Stóra verkefnið nú er því að fá
fleiri til liðs við okkur og koma
flokknum til meiri áhrifa.“
Félagslegum áherslum fylgi fé, segir Kristrún Frostadóttir þingmaður
Morgunblaðið/Sigurður Bogi
Pólitík Raunar trúi ég því að margir – mun fleiri en kjósi Samfykinguna
– geti á einhvern hátt tengt sig við flokkinn, segir Kristrún Frostadóttir.
Mikilvægt er að svara
erfiðum spurningum
- Kristrún Frostadóttir er
fædd 1988 og er hagfræðingur
að mennt. Lauk meistaragráðu
í alþjóðafræði með áherslu á
hagstjórn og alþjóðafjármál frá
Yale í Bandaríkjunum árið
2016. Á að baki fjölbreyttan
feril sem hagfræðingur, m.a.
hjá Arion banka, Morgan Stan-
ley í New York og Lundúnum,
Viðskiptaráði Íslands og síðast
hjá Kviku-banka.
- Kom inn á svið stjórnmál-
anna á síðasta ári og var kjörin
alþingismaður Samfylkingar í
september á síðasta ári. Er á
þingi helsti talsmaður flokks-
ins í efnhagsmálum.
Hver er hún?
Fundur Viðhorfin eru annars ólík á milli byggðarlaga, jafnvel þótt stutt
sé á milli staða, segir Kristrún, hér á skrafi á Patreksfirði.
Sigurður Bogi Sævarsson
sbs@mbl.is
Lagt er til að allir skólar Reykjavík-
urborgar, frístundaheimili og félags-
miðstöðvar setji sér áfallaáætlun
sem tengist verkefninu Betri borg
fyrir börn. Fólk í leiðandi hlutverk-
um sæki námskeið um börn, áföll og
sorg – fræðslu sem öllu starfsfólki
skóla- og frístundasviðs standi einn-
ig til boða. Þetta er inntak tillögu
Diljár Ámundadóttur Zoega, fulltrúa
Viðreisnar, sem samþykkt var sam-
hljóða í skóla- og frístundaráði
Reykjavíkur nú í vikunni.
Í greinargerð með tillögunni segir
að nú þegar séu áfallaáætlanir víða
við lýði á vettvangi Reykjavíkur-
borgar, stefna sem sé mikilvægt að
endurskoða. Sífellt fleiri rannsóknir
sýni sterk tengsl milli fjölda áfalla í
æsku og geðheilsuvanda, heilsu-
brests og skertrar getu á fullorðins-
árum. Það er því mikilvægt að styðja
við börnin, en talið sé að 60% barna
upplifi áfall í einhverri mynd; eitt eða
fleiri. Það sem þarna sé um að ræða
geti verið andlát, alvarleg veikindi,
skilnaður foreldra og erfið sam-
skipti, kynferðisofbeldi, einelti í
skóla. Þá geti börn oft upplifað
dauða eða slys hjá
gæludýri sem
áfall.
„Áföll sem
börn verða fyrir
geta leitt til
heilsubrests síðar
á ævinni og því er
mikilvægt að
grípa inn í ferlið
sem fyrst. Slíkt
getur sparað
samfélaginu mikla fjármuni til lengri
tíma litið,“ sagði Diljá við Morgun-
blaðið.
Þjónustan sé efld
Viðvarandi andlegt álag, sorg og
áföll sem mörg börn glíma við segir
Diljá að sé kennurum og starfsfólki
skóla og annarra slíkra stofnana vel
þekkt vandamál. Hins vegar vanti á
stundum verkfæri eða þekkingu til
þess að geta mætt aðstæðunum. Nú
eigi að bregðast við slíku með nýjum
ráðum, reynslu og þekkingu. „Mér
er hjartans mál að þessi mikilvæga
þjónusta sé efld. Slíkt hefur mér orð-
ið ljóst eftir þátttöku í stjórnmálum
og nám í sálgæslufræðum við Há-
skóla Íslands,“ segir Diljá um málið.
Börnum í áfalli
sé betur mætt
- Reykjavíkurborg samþykkir áætlun
Diljá Ámunda-
dóttir Zoega
Dóra Björt Guðjónsdóttir mun
áfram leiða lista Pírata í Reykjavík-
urborg fyrir borgarstjórnarkosning-
arnar í vor.
Dóra varð hlutskörpust í rafrænu
prófkjöri flokksins í Reykjavík um
helgina en hún leiddi sömuleiðs
listann fyrir síðustu kosningar.
Alexandra Briem, borgarfulltrúi
Pírata, verður í öðru sæti listans og
hafnaði Magnús Norðdal lögfræð-
ingur í þriðja sæti prófkjörsins.
í síðustu borgarstjórnarkosn-
ingum hlutu Píratar tvo fulltrúa í
borgarstjórn og hafa starfað í meiri-
hluta á yfirstandandi kjörtímabili.
Sigurbjörg Erla Egilsdóttir, odd-
viti Pírata í Kópavogi, heldur einnig
oddvitasæti sínu eftir prófjör.
Í öðru sæti prófkjörsins hafnaði
Indriði Ingi Stefánsson og í því
þriðja Eva Sjöfn Helgadóttir. At-
hygli vekur að eiginmaður Evu
Sjafnar, Matthías Hjartarson, er
næsti maður á eftir henni á lista.
Píratar fengu síðast einn mann
kjörinn í bæjarstjórn Kópavogs og
hafa starfað í minnihluta á yfirstand-
andi kjörtímabili.
Hafa Píratar efnt til prófkjörs í
fjórum sveitarfélögum til viðbótar;
Akureyri, Árborg, Hafnarfirði og
Reykjanesbæ.
Dóra og Sigur-
björg leiða áfram
- Úrslit í tveimur prófkjörum Pírata
Sigurbjörg Erla
Egilsdóttir
Dóra Björt
Guðjónsdóttir