Fréttabréf Siglfirðingafélagsins í Reykjavík og nágrenni - Oct 2021, Page 16

Siglfirðingablaðið Siglfirðingablaðið30 31
Pál Jónsson; Palla á Höfninni þekkja flestir Siglfirðingar sem
það muna er dansinn dunaði á Hótel Höfn og Gautarnir
léku oftast fyrir dansi. Birgitta Pálsdóttir og maður hennar
ráku lengi Hótel Hvanneyri sem gistiheimili.
Mynd af Palla sem Ragnar Páll málaði fyrir um 60 árum og
verið hafði í eigu fjölskyldunnar hafði verið á Hvanneyri
þegar nýir eigendur tóku við. Fyrir algjöra tilviljun ráku
kunnugir auga í myndina þar sem hún lá efst á rusli sem
var á leið á haugana. Þeim rann blóðið til skyldunnar og
fengu að hirða myndina og Ragnar Páll beðinn að lagfæra
skemmdir sem orðið höfðu.
Árshátíðin
Ragnar brást vel við og rifjaði upp að fyrir 60 árum kom Palli
að máli við hann vegna þess að hótelhaldarinn vildi gleðja
starfsfólkið sitt og fastagesti með því að halda þeim árshátíð
eða skemmtikvöld. Gamla myndin hafði verið máluð með
Hörpusilki á mahonyplötu frá Skúla Jónassyni!
Meðal skemmtiatriða var að Jón neta sem var fasta­
matargestur á hóteli Palla hafði farið til Reykjavíkur og
á revíu hjá Leikfélagi Reykjavíkur sem Haraldur Á. Sigurðs­
son, Alfreð Alfreðsson, Lárus Ingólfsson og fleiri kunnir
leikarar settu upp og lifa í minningunni. Jón hafði heyrst
dásama þess revíu og raulaði oft lög fyrir munni sér á
netaverkstæðinu. Tóti Gauti var fenginn til að spila undir.
Tóta sagðist svo frá að hann hefði ekki lent í því erfiðara.
Jóni var fyrirmunað að byrja í réttum dúr og sjaldan á
réttum stöðum. Líður nú að kvöldi árshátíðar og Ragnar
búinn að mála þessa fínu mynd af Palla þar sem hann rær
á bikini í potti, glaðhlakkalegur á svip.
Revíulagið eða gamanvísurnar sem Jón ákvað að syngja
eftir þrotlausar æfingar með Tóta var um atvik í Reykjavík
þar sem gas hafði komist í mjólkurvörur.
Gasmjólkin hét það víst. Stuttur spilaður inngangur var að
laginu og er Tóti rétt byrjaður þegar Jón allsóvanur að koma
fram og syngja opinberlega hefur upp raust sína: GA GA
GA Gasmjólkin!! Fólkið í salnum brast í skellihlátur og Jón
var að vonum ánægður því að þetta voru jú gamanvísur!!
Þegar Ragnar hóf að gera við myndina af Palla, bárust
honum oft athugasemdir um að slaufuna vantaði. Ragnar
varð samstundis við þessari ósk og endurmálaði Palla með
slaufuna.
Myndin er engin smásmíði, 165x80 cm. Þegar Palli með
slaufuna kom í klúbbinn vaknaði spurning hjá Guðbirni:
­Málaðarðu hana aftur?
­Já sagði listamaðurinn, hún var máluð á mahony með
Hörpusilki, sem enginn vissi hvað entist, enda var í raun
tjaldað til einnar nætur.
Hin er máluð með akrýlitum sem endast amk. í 100 ár.
Ég gat ekki gert Páli vini mínum Jónssyni eða ættingjum
hans þann grikk að hann hyrfi bara eina nóttina, þó
prakkarinn sá hefði eflaust kunnað að meta það!
Myndinni af Palla á Höfninni
bjargað frá öskuhaugunum
-Sextíu ára gömul mynd af hótelstjóranum
endurmáluð og þverslaufan ógleymanlega hnýtt
Páll Ágúst Jónsson, hótelstjóri (1921­1995) er fæddur
á Kambi í Deildardal Skagafirði. Þegar Palli er 18 ára
ákveður hann að hleypa heimdraganum og halda á vit
ævintýranna á Sigló þar sem dansinn dunaði og ævintýra­
legar sögur fóru af launum og þénustu.
Mótorskipið Þengill var
með áætlunarferð frá
Hofsósi til Siglufjarðar
vegna bilunar í Mjölni
Skafta á Nöf. Palli er
vaknaður við dagmál
seinnipart nætur og er eins
og segir í þjóðsögunum
með nesti og nýja skó
albúinn að ná Þengli til
Siglufjarðar. Þegar hann
er kominn á mitt túnið
heyrir hann kallað: “Páll!”
Hann hugsar með sér: nú þarf einhver að koma á mig
pakka eða láta mig gera sér greiða inná Sigló.
Hann snýr við en kemst á að því sér til undrunar að allir
á bænum eru í fastasvefni. Hann hugsar með sér að hann
hafi bara ekki verið vel vaknaður og heyrt ofheyrnir. Þegar
hann er kominn aftur að girðingunni við túnið heyrir hann
aftur kallað “Páll! Þetta er mjög greinilegt og hann snýr
aftur við en kemst þá að því að enn eru allir í fastasvefni.
Hann tekur því á stökk og hleypur eins og hann getur í
áttina til Hofsóss.
Þegar hann er kominn á Brúnirnar svokölluðu sér hann
mikinn mannfjölda á bryggjunni og tekur á rás eins og
mest hann má, Hann heyrir að nokkrir kalla frá bryggjunni
að þarna sé maður að koma hlaupandi sem ætli að fá far.
En skipstjórinn svarar því til að hann sé of seinn. Hér verði
ekki beðið eftir neinum!
Skemmst er frá því að segja
að Þengill fórst með manni
og mús við Sauðanes þenn­
an morgun í maí.
Páll Jónsson
varaður við
Frændurnir Páll Jónsson, Hótelstjóri og Halli Hjálmars,
kjötgerðarmaður og skáld stinga saman nefjum.