Fréttablaðið - 17.05.2022, Side 4

FÁRÁNLEGA LÁGT VERÐ
Við bjóðum upp á takmarkað magn af hjólbörðum og felgum fyrir fólksbíla, minni
jeppa, stærri jeppa og pallbíla. Ný og ónotuð dekk á ótrúlegu lágu verði.
Gott úrval af dekkjum og felgum.
Hér fyrir neðan má sjá verðdæmi um dekk og felgur í boði:
Dekkja- og felgugangar:
32” 255/75R17 - 199.000 kr.
33,5” 285/60R20 - 199.000 kr.
33” 275/70R18 - 179.000 kr.
Dekkjagangur:
32” 255/75R17 - 69.960 kr.
30,5” 285/60R20 - 79.600 kr.
33” 275/70R18 - 79.600 kr.
ALLAR NÁNARI UPPLÝSINGAR Á ISBAND.IS, DEKK@ISBAND.IS OG Í SÍMA 590 2323
FYRSTIR KOMA - FYRSTIR FÁ
ÍSLENSK-BANDARÍSKA EHF • VERKSTÆÐI OG VARAHLUTAVERSLUN • SMIÐSHÖFÐA 5 • 110 REYKJAVÍK
SÍMI 590 2323 • THJONUSTA@ISBAND.IS • WWW.ISBAND.IS • OPIÐ VIRKA DAGA 07:45 - 17:00
Fleiri stærðir í boði. Uppgefið verð er heill umgangur eða 4 stk með vsk.
tsh@frettabladid.is
EVRÓPUMÁL Svíar hafa formlega
staðfest fyrirætlanir sínar um að
sækja um aðild að Atlantshafs-
bandalaginu. Magdalena Anders-
son, forsætisráðherra Svíþjóðar,
tilkynnti þetta á blaðamannafundi
í Stokkhólmi í gær. Svíar feta þar
með í fótspor Finna, sem tilkynntu
á sunnudag að þeir hyggist sækja
um í NATO.
„Það er mikill meirihluti innan
sænska þingsins um inngöngu
í NATO. Þetta er það besta fyrir
þjóðaröryggi Svíþjóðar. Við munum
tilkynna NATO að við viljum gerast
meðlimur í bandalaginu,“ sagði
Magdalena Andersson.
Að sögn forsætisráðherrans verð-
ur Svíþjóð í „viðkvæmri stöðu“ á
meðan umsókn þeirra verður tekin
fyrir í NATO en hún telji mikinn
stuðning vera við málið á meðal
Svía.
Ákvörðun Finna og Svía um að
ganga í NATO og snúa þar með baki
við áratugalangri veru sinni utan
hernaðarbandalaga hefur vakið
upp hörð viðbrögð Rússa sem segja
Norðurlandaþjóðirnar tvær gera
alvarleg mistök sem muni hafa víð-
tækar afleiðingar.
„Þeir ættu ekki að gefa sér þá tál-
sýn að við munum bara sætta okkur
við þetta,“ sagði aðstoðarutanríkis-
ráðherra Rússlands, Sergej Ríjabkov,
í viðtali við rússneska fjölmiðla. n
Svíar sækja um
aðild að NATO
Magdalena
Andersson, for-
sætisráðherra
Svíþjóðar
sbt@frettabladid.is
SKÓLAMÁL Útskriftarefni úr Mennta-
skólanum í Reykjavík (MR) þurfa að
veita samþykki fyrir að lesa megi
upp nafn þeirra við skólaslit, að
þeirra sé getið sem verðlaunahafa og
að nafn þeirra sé á lista brautskráðra
frá skólanum.
Rektor skólans segir persónu-
verndarlög kveða á um þetta. For-
stjóri Persónuverndar er þó ekki á
sama máli.
Nemendur MR fengu tölvupóst
frá stjórnendum skólans þar sem
upplýst var um að nemarnir þyrftu
að veita samþykki fyrir þessu. Elísa-
bet Siemsen, rektor MR, segir í sam-
tali við Fréttablaðið að skólinn sé að
uppfylla fyrirmæli frá Persónuvernd.
„Þetta gengur líka út á að við erum
að senda lista og segja hverjir voru
efstir og það hefur farið í blöðin og
við þurfum að fá samþykki fyrir
þessu,“ segir Elísabet.
Helga Þórisdóttir, forstjóri Per-
sónuverndar, segir Persónuvernd
ekki hafa gert athugasemd við fram-
kvæmd útskrifta og sér ekki ástæðu
til þess.
„Þetta hefur verið gert alla tíð og
aldrei nokkurn tímann hefur verið
gerð athugasemd við það. Þetta er,
að því er virðist, of þröng túlkun á
persónuverndarlögum,“ segir Helga.
Hún segir misskilning á lögunum
hafa verið algengan frá því að nýju
persónuverndarlögin tóku gildi árið
2018. n
Persónuvernd segir MR biðja um samþykki að ástæðulausu
Útskriftarnemar í MR dimmitera. FRÉTTABLAÐIÐ/SIGTRYGGUR ARI
Í greiningu Eflingar segir að
almannatryggingakerfið og
tekjuskattskerfið streitist
gegn því að öryrkjar geti bætt
afkomu sína með atvinnu-
þátttöku.
jonthor@frettabladid.is
KJARAMÁL Öryrkjar sem vilja bæta
hag sinn með atvinnuþátttöku sam-
hliða lífeyristöku eiga þrátt fyrir
það erfitt með að ná endum saman.
Þetta eru niðurstöður Kjara frétta
Eflingar, en þar segir að of lágur líf-
eyrir almannatrygginga, of miklar
skerðingar og of háir skattar á
lágar tekjur lífeyrisþega festi allt of
marga örorkulífeyrisþega í fjötrum
fátæktar.
„Ég hef nú rannsakað þessi mál
lengi og því ekki mikið sem kemur
mér á óvart í þessu,“ segir Stefán
Ólafsson, prófessor í félagsfræði og
ábyrgðarmaður Kjarafrétta, í sam-
tali við Fréttablaðið. Hann nefnir
þó dæmi um niðurstöður sem komu
honum í opna skjöldu.
„Örorkulífeyrisþegi sem af lar
sér allt að 200 þúsund króna með
atvinnuþátttöku. Það kemur mér á
óvart hvað það bætir hag hans lítið.
Þó að það saxi á hallareksturinn þá
dugar það samt ekki til,“ segir hann
og bætir við að þetta sé dæmi um
ofurskerðingar.
Þar vísar hann í dæmi úr grein-
ingu sinnu. Þar er skoðaður öryrki
sem býr einn í sextíu fermetra
leiguíbúð í Reykjavík. Miðað er
við örorku við fjörutíu ára aldur,
og þrjár mismunandi leiðir skoð-
aðar: þar sem einstaklingurinn er
ekki með neinar aðrar tekjur en
frá lífeyrinum, þar sem hann fær
100 þúsund krónur aukalega úr
atvinnuþátttöku og síðan þar sem
hann fær 200 þúsund krónur auka-
lega, líka úr atvinnuþátttöku.
Niðurstaðan er sú að allir þrír
einstaklingarnir koma út með halla
mánaðarlega. Sá sem er með engar
tekjur aukalega endar í tæplega 45
þúsund króna halla, sá sem er með
100 þúsund króna tekjur endar í
tæplega 23 þúsund króna halla og
að lokum endar sá sem er með 200
þúsund króna tekjur í rúmlega tvö
þúsund króna halla.
Í greiningunni segir að megin-
lexían af þessum reiknidæmum sé
sú, að almannatryggingakerfið og
tekjuskattskerfið streitist gegn því
að öryrkjar geti bætt afkomu sína
með atvinnuþátttöku. Svipuð dæmi
eru tekin þar sem aukatekjurnar
komu frá lífeyrissjóðum og eru
niðurstöðurnar svipaðar. Í grein-
ingunni er fullyrt að kerfið sé með
þessu að festa fólk í fátæktargildru.
„Þetta er eins vitlaust og getur
verið í lífeyriskerfi,“ segir Stefán,
sem telur þetta fyrirkomulag vinnu-
letjandi. Þá gagnrýnir hann vel-
ferðarkerfið yfir höfuð og segir það
órökrétt og ósanngjarnt á marga
vegu.
Í Kjarafréttum Ef lingar segir
síðan að velferðarkerfið ætti að
styðja betur við afkomu þeirra sem
þurfa á því að halda og hvetja jafn-
framt til sjálfsbjargar með atvinnu-
þátttöku. Því er síðan haldið fram
að í stað þess að gera það leggi
kerfið stóra steina í götu fólks sem
vill vinna með örorkulífeyrinum. n
Tvö hundruð þúsund króna tekjur
bæti kjör öryrkja afskaplega lítið
Þetta er eins vitlaust og
getur verið í lífeyris-
kerfi.
Stefán Ólafsson, prófessor í
félagsfræði og ábyrgðarmaður
Kjarafrétta Eflingar
Öryrki sem
getur unnið
og aflað sér
aukatekna nær
samt ekki að ná
endum saman,
samkvæmt
reikningum
Kjara frétta
Eflingar.
FRÉTTABLAÐIÐ/
VALLI
4 Fréttir 17. maí 2022 ÞRIÐJUDAGURFRÉTTABLAÐIÐ