Fréttabréf Siglfirðingafélagsins í Reykjavík og nágrenni - Oct 2019, Page 14

Siglfirðingablaðið14
tekin upp í þessari upptökulotu
og fimmtán þeirra enduðu á
plötunni. Á umslagi plötunnar
segir að „Hljómsveit Vísis“ leiki á
henni, en mun um að ræða með­
limi úr danshljómsveitinni Gaut­
um, Tómas Sveinbjarnarson og
félaga úr Sinfóníuhljómsveit Ís­
lands. Laust textablað fylgdi með
breiðskífunni en slíkt var nýmæli
á þeim tíma. Eftir þessa hápunkta
fór heldur að fjara undan Karla­
kórnum Vísi í útgáfumálum, en
kórinn fór áfram í stór söngferða­
lög um landið. Stundum voru
Gautar í för og jafnvel félagar úr
Sinfóníuhljómsveit Íslands, en
eftir að Geirharður hætti störfum
1974 fór gæðum kórsins að hraka
samhliða þreytu og áhugaleysis
sem fylgdi eðlilega í kjölfarið.
Stjórnendur stöldruðu styttra við
og starfið lagðist jafnvel niður á
löngum köflum.
Hér við íshaf.
Það var svo árið 1988
að út kom tvöföld
vinylplata sem bar
titilinn “Hér við íshaf”, en hún
hafði að geyma úrval upptaka af
fyrri plötum kórsins. Reyndar
kom einnig út kassetta með sama
efni og veit ég ekki til þess að
nein önnur tónlist með Vísi hafi
komið út á því formi. Lítið hafði
þá heyrst frá kórnum sjálfum í all­
nokkurn tíma. Þarna voru í bland
elstu og yngstu upptökurnar og
allt þar á milli. Einnig lag eins
og “Vor í dal” sem hafði aldrei
komið formlega út.
Siglufjörður.
Árið 2003 hafði Björn
Jónasson sem síðast
hafði verið kosinn
formaður á formlegum aðalfundi
kórsins, samband við þann sem
þetta ritar og fór þess á leit að
ég héldi utan um það verkefni
að koma öllu því efni Vísis sem
hafði komið út áður í stafrænt
form til að gefa það út á tvöföld­
um geisladisk. Ég gerði mér ekki
alveg grein fyrir hve verkefnið
var viðamikið og sagði bara já
eins og skot. Það tók einhvern
tíma að leita uppi sæmilega góð
vinyleintök sem voru ekki risp­
uð svo mikið að lagið hinum
megin heyrðist í gegn og reyndar
tókst það ekki alveg fullkomlega.
Þá fékk ég Þóri Úlfarsson til
að suðhreinsa og klippa verstu
smellina úr nokkrum laganna en
síðan tók mikil og lítt spennandi
skriffinnskuvinna við, en STEF
(Samtök tónskálda og eigenda
flutningsréttar) heldur utan um
höfundarréttargjöld og skráningu
á allri útgefinni tónlist. Þegar
þarna var komið sögu giltu aðrar
og mun strangari reglur varðandi
útgáfu á t.d. erlendu efni, en
þegar tónlist Vísis var upphaflega
gefin út. Ekki fékkst t.d. leyfi til
útgáfu ef höfundur var ókunnur
og allt varð að vera rétt skráð, en
nokkuð vantaði upp á það í frum­
útgáfum margra verkanna. Þegar
að lokum sást fyrir endann á þeim
kaflanum, var farið að huga að
kápu og því ritmáli sem skyldi
fylgja, en Gunnar Steinþórsson
sem er grafískur hönnuður tók að
sér að vinna þann hluta verksins.
Allt var ferlið á eftir áætlun eins
og oft er, og ekki vildi betur til
í flýtinum en að meinleg ritvilla
slæddist inn á versta stað. Sjálfur
titillinn varð því SIGLUFJÖRUR
en ekki SIGLUFJÖRÐUR eins
og til stóð. Reyndar hef ég grun
um að færri hafi tekið eftir þessu
klúðri en margur hefur haldið, en
ég veit að í það minnsta var Birni
Jónassyni ekki hlátur í hug vegna
þessa.
Ciribiribin
Árið 2011 var svo gefinn út
einfaldur geisladiskur í minningu
söngstjórans, trompetleikarans
og útsetjarans Gerhards Schmidt