Fréttablaðið - 21.06.2022, Síða 8
n Halldór
n Frá degi til dags
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Jón Þórisson RITSTJÓRI: Sigmundur Ernir Rúnarsson ser@frettabladid.is, FRÉTTASTJÓRAR: Aðalheiður Ámundadóttir adalheidur@
frettabladid.is , Garðar Örn Úlfarsson gar@frettabladid.is . Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni.
Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is
VEFSTJÓRI: Einar Þór Sigurðsson einarthor@frettabladid.is, MARKAÐURINN: Guðmundur Gunnarsson ggunnars@frettabladid.is, HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir
kolbrunb@frettabladid.is ÍÞRÓTTIR: Hörður Snævar Jónsson hoddi@frettabladid.is LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Það getur
verið
flókið að
komast að
sameigin-
legri niður-
stöðu í
ríkisstjórn
ólíkra
flokka.
Undir
forsætis-
nefnd er
málaflokk-
unum sýnd
virðing
auk þess
sem við
gætum
ráðdeildar
með því
að nýta
innviði og
kerfi.
Fyrir borgarstjórn í dag liggur tillaga meirihlutans um
að málaflokkur atvinnumála, nýsköpunar og ferða-
þjónustu muni tilheyra forsætisnefnd borgarinnar.
Forsætisnefnd hefur nú þegar með höndum nokkur
aðskilin verkefni og hefur áður verið falið að annast
aðra málaflokka. Það eru því ekki nýmæli að for-
sætisnefnd fjalli um meira og annað en næsta fund
borgarstjórnar.
Síðustu ár hafa þessir málaflokkar ekki átt fastan
stað í borgarskipulaginu. Með því að vista þá í for-
sætisnefnd er því verið að lyfta þeim hærra en áður
og viðurkenna mikilvægi þeirra fyrir Reykjavíkur-
borg. Við fundum fyrir miklum áhuga og þörf fyrir
þessu við undirbúning atvinnu- og nýsköpunar-
stefnu sem við samþykktum í vor. Ekki síst þar sem
stefnunni fylgdu tillögur að aðgerðaáætlun, sem
fylgja þarf fast eftir. Undir forsætisnefnd er mála-
f lokkunum sýnd virðing auk þess sem við gætum
ráðdeildar með því að nýta innviði og kerfi í stað
þess að stofna nýtt ráð.
Reykjavík hefur alla burði til að bjóða upp á
alþjóðlega samkeppnishæft umhverfi fyrir skapandi
atvinnulíf, menningu og nýsköpun. En við þurfum
að draga fram kostina og verða enn sveigjanlegri. Í
aðgerðaáætlun atvinnu- og nýsköpunarstefnu er lagt
til að útbúa rafrænan samskiptavettvang fyrir fyrir-
tæki, til að einfalda stjórnsýsluna og fækka flækju-
stigum. Þar lögðum við líka til að efla atvinnulíf í
hverfum og endurskoða innkaup borginnar til að efla
samkeppni og auka fjölbreytni. Ekki síst er mikilvægt
að bæta samtalið við atvinnulífið til að byggja saman
upp enn blómlegra atvinnulíf.
Þá er ferðaþjónustan að koma aftur af fullum krafti.
Á síðasta kjörtímabili samþykktum við ferðamála-
stefnu sem stefnir að Reykjavík sem vinsælum áfanga-
stað, í góðri sátt við borgarbúa. Eitt mikilvægt skref
til að svo verði er að á höfuðborgarsvæðinu verði til
áfangastaðastofa sem sinni því hlutverki að markaðs-
setja höfuðborgarsvæðið í góðu samstarfi sveitar-
félaga og ferðaþjónustunnar sjálfrar. Tækifærin hér
eru óteljandi. ■
Atvinnumál í öndvegi
Þórdís Lóa
Þórhallsdóttir
oddviti Viðreisnar
og forseti borgar-
stjórnar
NÚ AÐEINS Í APPI
OG Á DOMINOS.IS
ALLAR PIZZUR AF MATSEÐLI,
EF ÞÚ SÆKIR
ser@frettabladid.is
Frestur
Það kemur ekki á óvart að skýrslu
Ríkisendurskoðunar um Íslands-
bankasöluna hafi seinkað, en
hún átti að birtast Bjarna Bene-
diktssyni og öðrum landsmönn-
um fyrir lok júní. Nú hefur ný
tímasetning verið ákveðin, altso
fyrir lok júlí, en einhver óútskýrð
tilfinning læðist samt að þjóð-
inni um að birtingin eigi eftir
að dragast enn á langinn. Nógu
erfitt er að reka á eftir svörum
stofnana og sérfræðinga þeirra
á venjulegum vetrarmánuðum,
en svo til vonlaust er það yfir
sumartímann þegar í besta falli
jakkinn hangir á stólbakinu á
ríkisreknum kontórum landsins.
Lempað
En til þessa voru refirnir nú
skornir. Ríkjandi landsstjórn
vissi auðvitað upp á sína tíu
fingur að svona færi þetta, eftir
að hún vísaði málinu til endur-
skoðunar ríkisins – og lempaði
með því hatursfulla umræðu
sem risið hafði meðal almenn-
ings sem gat ekki á heilum sér
tekið eftir umdeilda söluna – og
hefur sá hinn sami almenningur
þurft að hrista hausinn æði oft og
iðulega af ástæðum sem rekja má
til íslenskrar pólitíkur. Ofan í allt
það kaupið má ætla að skýrslan,
þegar hún loksins kemur, verði
jafn litlaus og hún reynist bit-
laus. Sum sé, svona drepa menn
málunum á dreif. ■
Guðmundur
Gunnarsson
ggunnars@
frettabladid.is
Þeir eru tvö hundruð og níu talsins.
Vinnuhóparnir, fagráðin, þing-
mannanefndirnar, aðgerðahóparnir,
viðbragðsteymin, verkefnastjórn-
irnar og valnefndirnar sem sinna
tímabundnum verkefnum fyrir ríkisstjórnina.
Í þeim situr slíkur fjöldi fulltrúa að mann-
hafið færi létt með að fylla stúku í væntan-
legri þjóðarhöll. Sem er ekki risin. Því hún er í
nefnd.
En sem sagt, ríkisstjórnin er með einn starfs-
hóp á hverja sautján hundruð Íslendinga. Sem
hlýtur að vera enn eitt höfðatölumetið. Utan
um tímabundin verkefni sem virðast ekki lúta
neinum lögmálum tímans. Ef mið er tekið af
því hversu seint og illa gengur að kreista út úr
þeim niðurstöður.
Eflaust er þetta til marks um að ríkisstjórnin
láti verkin tala. Tvö hundruð og níu mál í
vinnslu áður en mikilvægar ákvarðanir eru
teknar. Það kann að vera rétt. Upp að vissu
marki.
Önnur skýring er þó líklegri.
Það getur verið f lókið að komast að sameig-
inlegri niðurstöðu í ríkisstjórn ólíkra f lokka.
Þetta þekkir forystufólk í pólitík. Það hefur
vissulega sína kosti að æðsta stjórn landsins
spanni litrófið, en það hefur líka sína ókosti.
Þegar áherslugjáin er breiðari en svo að
brúin nái yfir hana getur verið nauðsynlegt að
kaupa sér tíma og skipa nefnd. Helst fram yfir
kosningar.
Að vissu leyti er þetta bráðsnjallt því þann-
ig fá allir á tilfinninguna að ríkisstjórnin sé
að gera eitthvað. Án þess að hún geri nokkuð.
Nema drepa óþægilegum málum á dreif og
stofna til kostnaðar. Þvert á kröfu um aðhald í
ríkisrekstri á tímum hækkandi verðbólgu.
Það kostar sitt að brúa djúpa gjá. Tala nú
ekki um þegar gjárnar skipta hundruðum.
Á dögunum var svo stofnuð harla óvenju-
leg nefnd. Sem hristi upp í annars daufum
nefnda kúltúr. Svokallaður spretthópur. Með
gamlan kúreka að norðan í fararbroddi. Sá
gekk svo vasklega til verks að forseti Alþingis
var enn með gleraugun á nefinu þegar sprett-
gengið hafði skilað af sér og kúrekinn riðið inn
í sólarlagið.
Það var hressandi. Aðallega vegna þess að
hópurinn stóð undir nafni. Öfugt við alla
starfshópana sem starfa ekki, samráðshópana
sem funda ekki og aðgerðahópana sem leggja
ekki til neinar aðgerðir.
Ríkisstjórnin ætti því að stofna f leiri sprett-
hópa. Sá næsti gæti heitið Spretthópur um
fækkun starfshópa. ■
Spretthópar
SKOÐUN FRÉTTABLAÐIÐ 21. júní 2022 ÞRIÐJUDAGUR