Breiðholtsblaðið - 01.05.2022, Blaðsíða 5

5BreiðholtsblaðiðMAÍ 2022
sími
Óskar R. Harðarson og Jason Guðmundsson
hdl. og löggiltir fasteignasalar
Þröstur Þórhallsson
lögg. fasteignasali
Sími: 897 0634
Ragnheiður Pétursdóttir
hdl. og löggiltur
fasteignasali
Ólafur Finnbogason
lögg. fasteignasali
Sími: 822 2307
Jórunn Skúladóttir
lögg. fasteignasali
Sími: 845 8958
Harpa Rún Glad
hdl. og löggiltur
fasteignasali
Svan G. Guðlaugsson
lögg. fasteignasali
Sími: 697 9300
Þórunn Pálsdóttir
lögg. fasteignasali
Sími: 773 6000
Gunnar S. Jónsson
lögg. fasteignasali
Sími: 899 5856
Hilmar Jónasson
lögg. fasteignasali
Sími: 695 9500
Helgi Jónsson
aðstm. fasteignasala
Sími: 780 2700
Gunnar Helgi Einarsson
lögg. fasteignasali
Sími: 615 6181
Jón Rafn Valdimarsson
lögg. fasteignasali
Sími: 695 5520
Atli S. Sigvarðsson
lögg. fasteignasali
Sími: 899 1178
Axel Axelsson
lögg. fasteignasali
Sími: 778 7272
Bryndís Alfreðsdóttir
lögg. fasteignasali
Sími: 569 7024
Páll Þórólfsson
aðstm. fasteignasala
Sími: 893 9929
Jason Ólafsson
lögg. fasteignasali
Sími: 775 1515
Ásgrímur Ásmundsson
hdl. og lögg. fasteignasali
Sími: 865 4120
Fasteignasalan
Miklaborg
Lágmúla 4
108 Reykjavík

569 7000
www.miklaborg.is
Með þér alla leið

, lögg. fasteignasali
gh@miklaborg.is sími: 615 6181

, lögg. fasteignasali
sími: 775 1515
Verð :
Fasteignasalan
Miklaborg
Lágmúla 4 • 108 Reykjavík • Sími 569 7000
www.miklaborg.is
Ekkert val um loftslagavána
Hvernig framtíðarborg viljum við fyrir
börnin okkar spyr Sara sjálfa sig „Ég tel
að fólk eigi að hafa val um fjölbreytta
samgöngumáta og það er okkar í
stjórnmálum að skapa það val en við höfum
ekkert val með loftslagsvánna. Þar verðum
við að horfast í augu við staðreyndir þess
vegna er uppbygging innan hverfanna svo
misvæg. Skapa umgjörð til að íbúar geti
nálgast nauðsynjar daglegs líf í nágrenninu.
Ég held að mikilvægt sé að ná þjónustunni
til baka. Að fólk geti valið um að skilja bílinn
eftir heima og ganga eða hjóla eftir því
sem vantar. Bíllinn verður alltaf til staðar
en ég hygg að fólk fari að nota hann með
öðrum hætti. Minna verði um að hann verið
notaður til þess að fara til vinnu og með
vaxandi samtengingu skóla, frístundastarfs
og íþrótta megi draga úr skutli og styttri
ferðum með börnin á milli staða eftir skóla.“
Reykjavík á réttri leið
Sara segir samgöngukostnað heimila
vera næstan á eftir húsnæðiskostnaði. „Það
munar miklu hvort fólk er með einn bíl á
heimili, tvo eða vill lifa bíllausum lífstíl.
Með vali um fjölbreytta ferðamáta geta
fjölskyldur dregið úr samgöngukostnaði í
heimilisbókhaldinu. Þetta hangir saman við
þéttingu byggðar. Með þéttingu byggðar
skapast ný tækifæri fyrir fjárfestingar í
hverfunum okkar. Fólksfækkun er snúið
við með því að fá inn nýjar íbúðir, fleiri
íbúa ­ fjölbreytt fólk og fjölskyldur. Hópa
sem nýta innviði sem fyrir eru innan
hverfanna en á sama tíma skapa grundvöll
fyrir frekari þjónustu í blandaðri byggð.
Íbúar halda uppi þjónustu, atvinnulíf dafnar
og dregur að sér enn þá meiri fjárfestingu.
Forsendur skapast fyr i r hágæða
almennings samgöngur eins og Borgarlínu.
Þetta helst í hendur, íbúar, þjónusta og
vistvænir fjölbreyttir ferðamátar. Byggðin
var þanin út eftir 1960 og því fylgja ýmsir
ókostir. Ekki síst í samgöngum. Hugmyndir
um stóraukna útþenslu og dreifingu
byggðar í Reykjavík ganga gegn þessari
hugmyndafræði. Íbúar í Reykjavík þurfa að
vita að ekki er hægt að setja tug milljarða
í gróin hverfi samhliða því að leggja tug
milljarða í ný hverfi frá grunni. Það eru
ekki til neinar „ódýrar lóðir“ eins og sumir
tala um. Lóðir í nýjum hverfum í útjaðri
borgarinnar auka kostnað allra sem búa
í borginni. Þær nýta ekki fyrirliggjandi
innviði og eru mun dýrari, bæði til lengri og
skemmri tíma. Mér finnst Reykjavík vera á
réttri leið.“
Hækkum frístundakortið í 75
þúsund – Jöfnum tækifæri barna
Við stoppuðum aðeins við f jöl ­
menninguna sem hefur verið að þróast
í Breiðholti. Sara segir eftir að hafa
búið í þremur löndum hafi áhugi sinn á
ólíkri menningu vaxið. Hún segir að
fjölbreytileikinn í Breiðholti skipti miklu
máli. „Við búum hér við mikinn mannauð
en þurfum líka að hlú að þessum
margbreytilega hóp sem hefur valið að búa
hér. Samfylkingin leiddi á kjörtímabilinu
þriggja ára tilraunaverkefni sem gengur út
á að hækka frístundakortið um 30 þúsund
krónur fyrir krakka í fyrsta og öðrum bekk.
Nú fer fram markviss kynning á íþrótta­
og frístundastarfi sem er sameiginlegt
verkefni Þjónustumiðstöðvar Breiðholts,
grunnskólanna og íþrótta­ og frístundaaðila
í hverfinu í náinni samvinnu við samtök
íbúa af erlendum uppruna. Þessu var ýtt
til að ná til sem flestra, sérstaklega þeirra
sem eru ekki virk í frístundastarfi en um
200 börn hafa fengið stuðning í þessu
mikilvæga verkefni.“ Samfylkingin vill
betri borg fyrir börn. Við ætlum að hækka
frístundarstyrkinn í 75 þúsund krónur og
100 þúsund fyrir tekjulægri fjölskyldur.
Þannig jöfnum við tækifærin fyrir börnin í
borginni enn betur. Hærri frístundastyrkur
er ein leið í því. Nýr stuðnings­ og
styrktarsjóður, sem við í Samfylkingunni
viljum koma á fyrir öll hverfi borgarinnar,
mun fá vannýtt fé frístundarkortsins
með að markmiði að auka tækifæri
og möguleika fleiri barna og fjölskyldna
þeirra innan hverfanna.
Ríkistjórnin hunsar börn
af erlendum uppruna
„Í þessu sambandi get ég ekki látið
hjá líða að minnast á Jöfnunarsjóð
sveitarfélaga. Það vita ekki allir borgarbúar
að Reykjavíkurborg er eina sveitarfélagið
í landinu þar sem skólabörn og börn af
erlendum uppruna fá núll krónur í framlag
frá Jöfnunarsjóði sveitarfélaga. Þetta
er sorgleg staðreynd og mikið ójafnrétti
sem felst í þessari mismunun á börnum
á grundvelli búsetu og uppruna sem er
ábyrgð stjórnmálamanna sem fara fyrir
málefnum barna og sveitarstjórnarmála
á landinu. Þetta er látið viðhafa þrátt
fyrir að reykvískir launþegar borgi lang
mest í sjóðinn, bæði með útsvari sínu
og tekjuskatti en í sjóðinn rennur hluti
útsvarstekna sveitarfélaga auk mótframlags
úr ríkissjóði.“ Sara segir að í greinargerð
með fjárhagsáætlun borgarinnar 2021
komi fram að Reykjavíkurborg muni
greiða rúmlega 50 milljarða í Jöfnunarsjóð
sveitarfélaga á næsta kjörtímabili í formi
útsvars. „Á sama tímabili fær borgin tæpa
27 milljarða úr sjóðnum en langstærsti
hluti er framlag vegna sérþarfa fatlaðra
nemenda. Greiðsla Reykjavíkurborgar
inn í sjóðinn umfram framlög eru tæplega
24 milljarðar og munar það mestu um að
borgin fær ekki framlag til grunnskólanna.
Það er staðreynd að börnum með annað
móðurmál en íslensku hefur línulega fjölgað
í leik­ og grunnskólum borgarinnar síðustu
sex árin. Hvergi á Íslandi er fjölbreyttari
samsetning íbúa en í hverfinu okkar,
Breiðholti. Þegar horft er á fjölgun barna
yfir síðasta kjörtímabil í grunnskólum
borgarinnar hefur þeim fjölgað úr rúmlega
2.200 yfir í tæplega 3.000 börn á árinu 2021.“
Verða af 390 milljónum
fyrir árið 2021
Sara heldur áfram að ræða um Jöfnunar­
sjóð. Þegar tölurnar eru reiknaðar
upp þá greiðir Jöfnunarsjóður um
130 þúsund krónur með börnum allra
annarra sveitarfélaga en Reykjavík og því
verða börn af erlendum uppruna búsett
í Reykjavík af tæplega 390 milljónum
króna bara fyrir árið 2021. Umreiknað á
heilt kjörtímabil erum við að tala um
rúmlega 1,4 milljarð króna sem börn af
erlendum uppruna hafa verið sniðgengin
um og fjölmennasti hópurinn býr í
hverfinu okkar ­ Breiðholti. Svimandi
háar fjárhæðir sem hefðu gagnast við
íslenskukennslu, margvíslegum stuðningi í
leik­ og grunnskólum sem og frístundastarfi
þessara barna. Það er algerlega ótækt
að stjórnmálaflokkar mismuni börnum á
grundvelli búsetu og uppruna eins og gert
er í dag.“
Framlög til íslenskukennslu
hækkuð um tæpan helming
„Við í Samfylkingunni settum í kosninga­
stefnu okkar árið 2018 aðgerðaáætlun í
málefnum barna með annað móðurmál en
íslensku og hún er komin í framkvæmd.
Með henni var lögð rík áhersla á að jafna
tækifæri þessara barna og jafnaldra þeirra
til menntunar enda er íslensku færni
grund vallaratriði varðandi lýðræðis lega
þátttöku, jafnrétti í skóla­ og frístunda­
starfi og samfélaginu öllu. Framlög til
íslenskukennslu voru hækkuð um tæpan
helming eða 143 milljónir á ári eða 429
milljónir króna alls. Samfylkingin mismunar
ekki börnum út frá uppruna og búsetu
eins og Framsóknarflokkurinn gerir.
Fáum við skýrt umboð frá borgarbúum í
kosningunum 14. maí n.k. munum við áfram
forgangsraða í þágu barna með annað
móðurmál en íslensku enda ekkert eins
mikilvægara og að tryggja börnum jöfn
tækifæri til menntunar.“
Breiðholt framtíðar
„Ég er stolt af því að tilheyra því frábæra
samfélagi sem er í Breiðholti og mögnuðum
félagsauð sem finnst í hverfinu okkar.
Uppbygging síðustu ára mun ekki bara
styrkja hverfið enn frekar, heldur skapa
Breiðholt framtíðar fyrir komandi kynslóðir.
Reykjavík er á réttri leið,“ segir Sara Björg
Sigurðardóttir að lokum.