Skessuhorn - 23.02.2022, Side 6

MIÐVIKUDAGUR 23. FEBRÚAR 20226
Snjóflóð lokaði
Klofningsvegi
DALIR: Stórt snjóflóð féll á
mánudagsmorgun við Heina­
berg á Skarðsströnd og lok­
aði Klofningsvegi. Flóðið var
um 150 metra breitt á vegi og
um 2,2 metrar þar sem það var
dýpst. -arg
Rafrænar um-
sóknir á Íbúagátt
HVALFJ.SVEIT: Sveitarfé­
lagið hefur tekið í notkun On­
eLand Robot rafrænt umsókn­
ar­ og afgreiðslukerfi fyrir um­
sóknir um byggingaráform og
byggingarleyfi. Hönnuðir eða
eigendur geta nú með auðveld­
um hætti sent inn rafrænar um­
sóknir, tilnefnt byggingarstjóra
og iðnmeistara og þeir hin­
ir sömu staðfest sig á verk. Allt
ferlið er rafrænt þar sem all­
ar aðgerðir eru staðfestar með
rafrænum skilríkjum í farsíma.
-vaks
Á sjöunda hund-
rað með Covid
VESTURLAND: Lögreglan á
Vesturlandi birti á mánudaginn
tölur um fjölda fólks í einangr­
un með Covid­19 í landshlutan­
um. Töluvert hafði fjölgað síð­
an fyrir helgi, eða um 70 manns,
voru 616. Á Akranesi eru nú
353 með Covid­19, í Borgar­
byggð 100, í Stykkishólmi 57,
í Snæfellsbæ 40, í Grundarfirði
36 og 30 í Dalabyggð. -mm
Aukaferðir
Baldurs
STYKKISH: Að beiðni Vest­
urbyggðar og Tálknafjarð­
ar hafa verið settar á aukaferð­
ir nokkra daga, frá Stykkis­
hólmi kl. 9:00 og frá Brjáns­
læk kl. 12:00. Næstu aukaferðir
verða miðvikudaginn 23. febr­
úar, fimmtudaginn 24. febrúar,
sunnudaginn 27. febrúar, mið­
vikudaginn 2. mars og fimmtu­
daginn 3. mars. Seinni ferð
ofan greinda daga er samkvæmt
áætlun kl. 15:00 frá Stykkis­
hólmi og kl. 18:00 frá Brjáns­
læk. -mm
Fjöliðjan fær
bifreið með lyftu
AKRANES: Á fundi bæjarráðs
Akraness í síðustu viku var tek­
ið fyrir erindi sviðsstjóra vel­
ferðar­ og mannréttindasviðs
og forstöðumanns Fjöliðjunn­
ar varðandi heimild til kaupa
eða til leigu á bifreið með
lyftu fyrir hjólastóla fyrir starf­
semi Fjöliðjunnar. Bifreiðarn­
ar sem eru til staðar í dag anna
ekki verkefnum og möguleg
staðgengilsbifreið sem er með
rampi en ekki lyftu er ekki nýt­
anleg öllum þjónustuþegum þar
sem sumir hjólastólarnir eru
einfaldlega of þungir til að ýta
upp hjólastólarampinn. Bæjar­
ráð samþykkti að ráðist verði
í að leigja sérútbúna bifreið
með lyftu fyrir hjólastóla fyrir
starfsemi Fjöliðjunnar en mál­
ið mun koma að nýju til bæjar­
ráðs þegar fyrir liggur mögulegt
leiguverð. -vaks
Vetrarhátíð um
miðjan mars
AKRANES: Á fundi menn­
ingar­ og safnanefndar Akra­
neskaupstaðar síðastliðinn
fimmtudag var ákveðið að
standa fyrir Vetrarhátíð dag­
ana 17. til og með 20. mars
næstkomandi. Stofnanir Akra­
neskaupstaðar og fyrirtæki
verða virkjuð til sjálfsprottinn­
ar þátttöku og að glæða bæj­
arbraginn lífi, segir í fundar­
gerðinni. Þá fagnar menn­
ingar­ og safnanefnd frum­
kvæði samtakanna Hinseg­
in Vesturlands á síðasta ári og
mun mælast til að stofnanir
bæjarins og fyrirtæki á Akra­
nesi taki þátt í viðburði sam­
takanna á komandi sumri með
sýnilegum hætti. -vaks
Lítið eitt minni
loðnukvóti en
upphaflega var
gefinn út
LANDIÐ: Hafrann­
sóknastofnun lagði á föstu­
daginn til að loðnuafli á ver­
tíðinni verði ekki meiri en
869.600 tonn. Það þýð­
ir 34.600 tonna lækkun ráð­
gjafar frá þeirri sem gefin var
út 1. október 2021. Ráðgjöf­
in byggir á samteknum niður­
stöðum á mælingum á stærð
veiðistofns í haustleiðangri
og leiðöngrum sem fóru fram
frá 19. janúar til 14. febrúar.
Útgerðarfyrirtækin og aðrir
hagsmunaaðilar munu vænt­
anlega getað andað léttar við
þessu tíðindi, þar sem allt eins
var búist við meiri skerðingu í
endanlegri úthlutun heimilda.
-mm
Mánudaginn 7. febrúar, þegar
óveður gekk yfir landið, voru
Grundfirðingar án læknis og
þurftu að treysta á að komast yfir
í nærliggjandi sveitarfélög til að
sækja heilbrigðisþjónustu. Þenn­
an dag vildi svo illa til að nokkur
óhöpp eða vinnuslys urðu í bæn­
um, þar af þurfti að flytja einn suð­
ur með sjúkrabíl.
„Það sem við vorum sérstaklega
óhress með þennan dag var að alls­
staðar voru björgunaraðilar, stofn­
anir og fyrirtæki að undirbúa sig
fyrir rauða og appelsínugula við­
vörun en læknir var þó ekki kominn
til okkar á mánudegi. Ég er fyrst og
fremst vonsvikin því það var vitað
af þessu óveðri með góðum fyr­
irvara,“ segir Björg Ágústsdóttir
bæjar stjóri í Grundarfirði í samtali
við Skessuhorn.
Í Grundarfirði koma vaktlækn­
ar á mánudögum og fara á föstu­
dögum og um helgar þurfa bæjar­
búar að treysta á læknavakt í Ólafs­
vík. „Það er ekki fastur læknir hér
og það fylgja þessu fyrirkomulagi
margvísleg óþægindi. Fyrirkomu­
lagið þýðir að við erum alltaf að
skipta um lækna, sem er ekki gott.
Sama fyrirkomulag er á öðrum
stöðum á Snæfellsnesi; í Ólafsvík
og að hluta til í Stykkishólmi. Að
stóla á læknaferðir á milli staða er
ekki alveg einfalt, því hér á okkar
svæði geta veður orðið mjög slæm,
eins og í Búlandshöfða og ekki alltaf
fært fyrir alla bíla hér á milli. Það
eiga heldur ekki allir bíla og það
eru ekki almenningssamgöngur á
þessu svæði. Þetta snýst ekki bara
um þann tíma sem fer í keyrslu á
milli bæjarfélaga, sem er ekki lang­
ur við bestu aðstæður, heldur þá
staðreynd að stundum er bara ekki
hægt að fara á milli,“ segir Björg og
bætir því við að vegna óveðurs og
lokunar á Kjalarnesi viku seinna,
mánudaginn 14. febrúar, var einnig
læknislaust í Grundarfirði þann
dag. „Því er öryggi okkar að mínu
mati alls ekki nógu vel tryggt,“ seg­
ir Björg. „Hér á Snæfellsnesi höf­
um við sveitarstjórnarfólk átt fundi
og samtöl við Heilbrigðisstofnun
Vesturlands, reglulega allt þetta
kjörtímabil um lausnir og tækifæri
til breytinga á þessu. Engin lausn sé
enn í sjónmáli,“ segir Björg.
arg
Í rokinu á mánudagskvöld losnaði
og fauk þakdúkur af húsi Héraðs­
skólans í Reykholti, af þeim hluta
sem nú hýsir varaeintakasafn
Landsbókasafns Íslands. Að sögn
heimamanna er ekki talin hætta á
að regnvatn komist inn í húsið, en
undir dúknum er timbur og steypt
þakplata. Gengið verður í lagfær­
ingar strax og veður gengur niður.
mm/ Ljósm. bhs
Grundfirðingar án
læknis í óveðrum
Þakdúkur fauk af gamla héraðsskólahúsinu