Skessuhorn - 23.02.2022, Qupperneq 8

MIÐVIKUDAGUR 23. FEBRÚAR 20228
Molakaffi og
meðlæti
GRUNDARFJ: „Molakaffi og
meðlæti“ er yfirskrift samveru­
stunda á miðvikudögum í Sögu­
miðstöðinni. Dagskrá er á milli
klukkan 14 og 16 en húsið opn­
ar klukkan 13. Þar er mikið
spjallað og dagskrá getur verið
breytileg. Tónlistarskólanem­
endur koma annað slagið, lista­
menn líta við en fastur punkt­
ur á hverjum hittingi eru ljós­
myndir úr safni Bærings Cecils­
sonar og að drekka saman kaffi.
-vaks
Ók undir áhrifum
HVALFJ.SVEIT: Síðasta
föstudagskvöld fór bíll út af
á Akrafjallsvegi á móts við
Garðavelli og fékk ökumað­
ur bifreiðarinnar aðstoð við að
ýta henni aftur upp á veginn.
Sá hjálplegi lét síðan Neyðar­
línuna vita og taldi að ökumað­
ur væri ölvaður. Lögregla kom
á staðinn og handtók ökumann­
inn sem er grunaður um ölv­
unar­ og fíkniefnaakstur. Bíll­
inn var skilinn eftir á vettvangi
en síðan sóttur af kranabíl. Mál
ökumannsins fór í hefðbundið
ferli og á hann von á kæru fyrir
athæfið. -vaks
Ók of hratt og
ekki með skír-
teini
SNÆFELLSNES: Ökumað­
ur var tekinn á 132 km hraða
á föstudagskvöldið á Snæfells­
nesvegi við Garða og var ekki
með ökuskírteinið með í för.
Hann fékk sekt upp á 130 þús­
und krónur sem hann greiddi á
staðnum og tvo punkta í öku­
ferilsskrána. Farþegi í bílnum
tók síðan við akstrinum og kom
þeim á leiðarenda. -vaks
Flautukonsert í
tvo tíma
AKRANES: Á þriðjudag í
liðinni viku var hringt í Neyðar­
línuna og kvartað yfir hávaða
utan dyra á Hagaflöt á Akranesi.
Þegar lögregla kom á staðinn
kom í ljós að um bilaða flautu á
fjórhjóli var um að ræða. Hafði
hún látið í sér heyra í um tvær
klukkustundir. Eigandi hjóls­
ins fór síðan með það í geymslu
og líklegast slökkti á flautunni í
leiðinni. -vaks
Endaði
á toppnum
BORGARFJ: Á laugardaginn
varð bílvelta þegar ökumaður
var að aka suður Holtavörðu­
heiði á Biskupsbrekku á eft­
ir öðrum bíl. Sá fór í gegnum
snjóskafl og blindaði ökumann
aftari bílsins sem missti stjórn á
honum. Bíllinn lenti á vegriði,
valt og endaði á toppnum. Ök­
umaður slapp ómeiddur en far­
þegi kenndi sér eymsla og voru
þeir fluttir á Akranes með við­
komu á Heilsugæslunni í Borg­
arnesi. Dráttarbíll kom frá
Borgarnesi og sótti bílinn sem
var á hvolfi á miðjum veginum.
-vaks
Ekið á naut
BORGARFJ: Föstudags­
kvöldið síðasta var ekið á
naut á Hálsasveitarvegi við
Refsstaði. Tildrög óhapps­
ins voru þau að nautgripur
komst út úr girðingu upp á
veg en rafmagn var farið af
girðingunni sem halda átti
skepnunum inni. Rétt eft­
ir að bílar höfðu mæst hafði
nautið farið beint inn á ak­
brautina, í veg fyrir annan
bílinn og lenti hann á naut­
inu. Farþegar bílsins sluppu
ómeiddir, bifreiðin var
óökufær og talsvert skemmd
en aflífa þurfti nautið eftir
áreksturinn. -vaks
Aflatölur fyrir
Vesturland
Fyrir
12.-18. febrúar. Tölur (í
kílóum) frá Fiskistofu
Akranes: 4 bátar.
Heildarlöndun: 611.800 kg.
Mestur afli: Hákon EA:
589.540 kg í einni löndun.
Arnarstapi: Engar landanir
á tímabilinu
Grundarfjörður: 8 bátar.
Heildarlöndun: 759.474 kg.
Mestur afli: Kap II VE:
161.357 kg í sex löndunum.
Ólafsvík: 15 bátar.
Heildarlöndun: 521.079 kg.
Mestur afli: Steinunn SH:
109.448 kg í fimm löndun­
um.
Rif: 15 bátar.
Heildarlöndun: 1.033.344
kg.
Mestur afli: Bárður SH:
190.072 kg í sjö róðrum.
Stykkishólmur: 6 bátar.
Heildarlöndun: 90.056 kg.
Mestur afli: Þórsnes SH:
63.414 kg í einni löndun.
Topp fimm landanir á
tímabilinu:
1. Hákon EA – AKR:
589.540 kg. 18. febrúar.
2. Rifsnes SH – RIF: 96.422
kg. 13. febrúar.
3. Jökull ÞH – GRU:
89.154 kg. 13. febrúar.
4. Sigurborg SH – GRU:
81.607 kg. 13. febrúar.
5. Harðbakur EA – GRU:
80.643 kg. 13. febrúar.
-arg
Eyjólfur Ármannsson, ásamt öðr­
um þingmönnum Flokks fólksins,
og þeim Bjarna Jónssyni (VG) og
Ásmundi Friðrikssyni (D) hafa flutt
þingsályktunartillögu á Alþingi
þar sem lagt er til að ríkið hefji
nú þegar undirbúning fyrir kaup á
nýrri Breiðafjarðarferju. Þar til ný
ferja komi taki Herjólfur III við
siglingum yfir fjörðinn.
„Alþingi ályktar að fela innviða­
ráðherra að láta kaupa nýja ferju
sem verði notuð í reglulegum
ferjusiglingum á Breiðafirði. Ferj­
an uppfylli nútímakröfur um ör­
yggi og þægindi í farþegaflutning­
um og geti sinnt vöruflutningum
fyrir atvinnulíf og íbúa á Vestfjörð­
um og við Breiðafjörð. Kannaðir
verði möguleikar á að ferjan verði
knúin með endurnýjanlegum orku­
gjöfum. Vegagerðin hafi virkt sam­
ráð við sveitarfélög á Vesturlandi
og Vestfjörðum um hvaða kröfur
ferjan skuli uppfylla. Þar til ný ferja
verður tekin í notkun skuli nýta
skipið Herjólf III, skráningarnúmer
2164, í reglulegum ferjusiglingum
á Breiðafirði. Eins fljótt og auðið
er, og eigi síðar en í júní 2022, skuli
hefja framkvæmdir á hafnarmann­
virkjum á ferjuleið til að tryggja að
Herjólfur III geti tekið við ferju­
siglingum sem fyrst,“ segir orðrétt
í fyrstu grein tillögunnar.
mm
Vegagerðin hefur óskað eftir til­
boðum í nýbyggingu Vestfjarða­
vegar í Þorskafirði á um 10,4
km kafla og um 0,2 km kafla á
Djúpadalsvegi. Eins og fram
kemur í útboðinu er um að ræða
áframhald af þverun Þorskafjarð­
ar sem unnið er við núna. Þá er
eftir að bjóða út þveranir Djúpa­
fjarðar og Gufufjarðar til að ljúka
við þennan hluta Vestfjarðavegar.
Gert er ráð fyrir að leggja há­
spennustreng og ídráttarrör fyrir
ljósleiðara meðfram veginum. Til
að viðhalda sem best staðbundn­
um gróðri á vinnusvæðinu eru
fyrirmæli í útboðsgögnum um að
taka upp gróðurtorfur úr vegstæði
og af skeringarsvæðum og setja
þær aftur við lok frágangs. Sam­
kvæmt útboðsgögnum skal verk­
inu að fullu lokið 15. október
2023. vaks
Á síðustu árum hefur hættan á
gróðureldum aukist talsvert hér á
landi m.a. vegna breytinga í veður­
fari, vaxandi gróðursældar, minnk­
andi búfjárbeitar og fleiri þátta.
Samkvæmt tölfræði Húsnæðis­ og
mannvirkjastofnunar (HMS) eru
gróðureldar orðnir stór áhættu­
þáttur í náttúrunni hér á landi,
enda geta þeir valdið miklu eigna­
og manntjóni og geta skaðað mik­
ilvæga innviði.
Mikil hætta um
seinustu áramót
Á suðvesturhorni landsins var varað
sérstaklega við hættu á gróðureld­
um í kringum síðustu áramót sök­
um veðurfars og fólk beðið um að
fara með gát við notkun flugelda
og meðferð elds. Þrátt fyrir slík­
ar aðvaranir hafa útköll aldrei ver­
ið fleiri vegna gróðurelda um ára­
mótin, en samtals voru 84 útköll á
innan við sólarhring á suðvestur­
horni landsins. Ljóst er að mik­
ið álag var á slökkviliðum um ára­
mótin og mátti litlu muna að stór­
tjón hefði orðið en margir af þeim
eldum sem kviknuðu voru rétt
við hús og var mikið um brennur
sem ekki var leyfi fyrir. „Við höf­
um ekki séð þennan fjölda útkalla
áður á þessum tíma,“ er haft eftir
Lárusi Kristni Guðmundssyni sem
er settur varaslökkviliðsstjóri hjá
Brunavörnum Árnessýslu. Svip­
aða sögu er að segja hér af Vestur­
landi, en á síðasta ári var barist við
gróður elda á nokkrum stöðum í
landshlutanum.
Þörf á fleiri
slökkviskjólum
Á vegum HMS er að störfum starfs­
hópur um varnir gegn gróðureld­
um. Er hann skipaður fulltrúum
frá Almannavarnadeild ríkislög­
reglustjóra, Félagi slökkviliðsstjóra,
Húsnæðis­ og mannvirkjastofn­
un, Landssambandi slökkviliðs­ og
sjúkraflutningamanna, Lögreglu­
stjórafélagi Íslands, Sambandi ís­
lenskra sveitarfélaga, Skipulags­
stofnun, Skógræktinni, Veðurstofu
Íslands og Verkís. Hópurinn hef­
ur meðal annars það hlutverk að
vinna að fyrirbyggjandi aðgerðum
gegn gróðureldum. „Í ljósi atburða
um áramótin áréttar starfshópurinn
mikilvægi þess að stjórnvöld beiti
sér fyrir því að tryggja slökkvilið­
um og Landhelgisgæslunni aðgengi
að slökkviskjólum sem lykilbúnað
til að takast á við gróðurelda hvar
sem er á landinu. Í dag er einung­
is til ein slökkviskjóla sem keypt
var frá Kanada í fyrra þegar eldri
skjóla eyðilagðist við slökkvistörf í
Heiðmörk síðastliðið vor og hefði
því lítið mátt út af bregða til að illa
færi. Að mati starfshópsins og mið­
að við fyrirliggjandi gögn um aukna
gróður eldahættu hér á landi er
nokkuð ljóst að efla þarf viðbúnað
við gróðureldum með því að tryggja
aðgengi að fleiri en einni slökkvi­
skjólu svo viðbragsaðilar séu í stakk
búnir að bregðast við gróðurelda­
vánni,“ segir í tilkynningu. mm
Leggja til nýja Breiðafjarðarferju
og að Herjólfur taki við
Yfirlitsmynd yfir vegarkaflann sem er í útboðinu. Ljósm. af vef Reykhólahrepps.
Leiðin Þórisstaðir
- Hallsteinsnes boðin út
Tæplega 200 skráðir
gróðureldar á síðasta ári
Barist við eld í þéttum skógi við sumarhúsahverfi í Borgarhreppi fyrir nokkrum
árum. Ljósm. úr safni/mm.