Skessuhorn - 23.02.2022, Qupperneq 9

MIÐVIKUDAGUR 23. FEBRÚAR 2022 9
Skrifstofustjóra Reykhólahrepps
Dagur í lífi...

Nafn: Ásta Sjöfn Kristjánsdóttir
Fjölskylduhagir/búseta: Hús­
freyja á Litlu Grund, gift Guð­
mundi Ólafssyni og á fjögur börn,
Heklu, Tind, Ketil og Kristján.
Tvö barnabörn, Móa og Hjalti
og tvær ömmustelpur til viðbótar,
Ingibjörgu og Melkorku.
Starfsheiti/fyrirtæki: Skrifstofu­
stjóri Reykhólahrepps.
Áhugamál: Hef gaman að matar­
gerð og prjóna stundum í frístund­
um.
Dagurinn: Föstudagurinn 18.
febrúar.
Klukkan hvað vaknaðirðu og
hvað var það fyrsta sem þú gerð-
ir? Ég vaknaði klukkan 7 og snús­
aði til klukkan 7:18. Fór svo nið­
ur þar sem húsbóndinn var tilbú­
inn með töfluskammtinn, borðaði
morgunmat og fór í sturtu.
Hvað borðaðirðu í morgunmat?
Ég ákvað að breyta til og fá mér
kæfubrauð og vatnsglas.
Hvenær fórstu til vinnu og
hvernig? Ég var aðeins of sein,
mætti klukkan 8:06 og fór á bíln­
um mínum.
Fyrstu verk í vinnunni? Fara yfir
verkefni dagsins með Ingibjörgu
Birnu sveitarstjóra.
Hvað varstu að gera klukkan 10?
Var í bankaafstemmingum.
Hvað gerðirðu í hádeginu? Á
föstudögum er pylsudagur hjá okk­
ur á skrifstofunni og dagurinn í
dag var engin undantekning. Að
þessu sinni kom ég með Air fryer­
inn minn og voru pylsurnar eldaðar
í honum. Mjög gott!
Hvað varstu að gera klukkan 14?
Reikna út rafmagnsgjaldið fyrir
Reykhólahöfn.
Hvenær hætt og það síðasta sem
þú gerðir í vinnunni? Það síðasta
sem ég gerði í vinnunni var að taka
til á skrifborðinu mínu, læsa og fór
heim kl. 14:45 (stytting vinnuvik­
unnar).
Hvað gerðirðu eftir vinnu? Ég
tók til heima og svo kíkti vinkona
mín í heimsókn. Við fengum okkur
bubblur í tilefni dagsins og fögnuð­
um ástinni.
Hvað var í kvöldmat og hver eld-
aði? Á föstudögum borða ég bara
mat sem byrjar á P. Er alltaf með
pitsu á föstudögum sem ég elda
með mínum hundtrygga pitsuað­
stoðarmanni, Silvíu systur minni.
Hvernig var kvöldið? Átti gott
kvöld, systir mín og mágur komu
í heimsókn ásamt ömmustelpun­
um mínum. Besta vinkona mín
og dóttir hennar gistu hjá mér og
stóru strákarnir mínir sem eru bú­
settir á Akranesi komu heim. Við
horfðum á Gísla Martein og höfð­
um það notalegt.
Hvenær fórstu að sofa? Ég fór að
sofa um miðnætti.
Hvað var það síðasta sem þú
gerðir áður en þú fórst að hátta?
Ég slökkti ljósin og lagðist á kodd­
ann. Hlustaði á Stellu Blómkvist og
Morðin í Háskólabíó.
Hvað stendur upp úr eft-
ir daginn? Hvað ég er heppin að
vera umvafin skemmtilegu og góðu
fólki.
Eitthvað að lokum? Njóttu lífsins
á meðan þú getur.
Skólastjóri Auðarskóla
Laus er til umsóknar embætti skólastjóra Auðarskóla
í Dalabyggð sem er sameinaður leik-, grunn- og
tónlistarskóli. Ráðið verður í stöðuna frá og með 1.
ágúst næstkomandi.

Skólastjóri ber faglega ábyrgð á starfsemi skólans og hefur
forystu um að skapa skólaumhverfi sem stuðlar að og
eflir áhuga nemenda á námi og að þeir nái sem bestum
árangri á öllum sviðum skólastarfsins.
Umsóknarfrestur er til og með 7. mars 2022 og umsókn óskast
fyllt út á www.intellecta.is.
Upplýsingar veita Hafdís Ósk Pétursdóttir (hafdis@intellecta.is) og
Thelma Kristín Kvaran (thelma@intellecta.is) í síma 511 1225.
Nánari upplýsingar um starfið má
lesa á www.intellecta.is.
Ásta Sjöfn ásamt eiginmanni, börnum og tengdasyni.
Í síðustu viku urðu þau tíma­
mót hjá Guðmundi Arasyni öku­
kennara í Borgarnesi þegar hann
fylgdi í ökupróf síðasta nemanda
sínum á ferlinum, eftir nær 55
ára starf við ökukennslu. Hinn
ungi ökumaður heitir Patrik
Dagur Sigurðsson og er lang­
afabarn Guðmundar. Patrik
Dagur varð sautján ára daginn
eftir að ökuprófið var þreytt og
kvaðst aðspurður ætla á rúnt­
inn þegar klukkan sló miðnætti.
Guðmundur kvaðst stoltur af
því að ungi maðurinn fór villu­
laust í gegnum verklega hluta
prófsins og fékk einungis eina
villu á því bóklega, en þekkt er
að bókleg ökupróf nú til dags
geta verið svínslega erfið og
því eins gott að læra umferðar­
reglurnar utan að. Guðmundi
til halds og trausts við kennsl­
una með Patrik Degi var Sigrún
Sjöfn Ámundadóttir, dótturdótt­
ir Guðmundar, en sjálf hefur
hún öðlast kennsluréttindi og er
byrjuð að gera út á ökukennslu.
„Strákurinn var samstarfsverk­
efni okkar Sigrúnar og gaman
að það skuli vera einn úr heima­
ræktuninni sem er síðasti nem­
andinn,“ segir Guðmundur og
hlær. Sigrún Sjöfn, sem býr nú í
Mosfellsbæ og starfar þar í lög­
reglunni, segist jöfnum hönd­
um bjóða upp á ökukennslu fyr­
ir sunnan en einnig í Borgarnesi.
Þá er hún enn að spila í körfu­
boltanum, æfir og keppir með
meistaraflokki Fjölnis í Grafar­
voginum.
Langafabarnið var síðasti ökunemi Guðmundar
1.166 ökunemar
Guðmundur Arason hóf kennslu á
bíl árið 1967. Spurður kvaðst hann
giska á að hann hefði frá upphafi
kennt eitthvað um sex til átta
hundruð manns á bíl. Blaðamaður,
sem reyndar var einn af ökunem­
um hans fyrir 42 árum, vildi þó
fá aðeins fá nákvæmari tölu. All­
ar kennslubækur voru til staðar og
kom þá í ljós við talningu að fjöldi
ökunema var talsvert meiri, eða
1.166 ökunemar.
„Fyrstu nemarnir mínir í öku­
kennslunni voru Trausti Jóhanns­
son og Hilmar Helgason. Ég fékk
réttindin 1967 en þeir fara í gegn­
um prófið sitt árið eftir. Ég tók
meirapróf aðeins sautján ára gam­
all. Fékk undanþágu frá dóms­
málaráðuneytinu til að taka það ári
eftir að ég tók bílpróf, en meira­
prófsskírteinið fékk ég þó ekki af­
hent fyrr en þegar ég varð tvítug­
ur,“ segir Guðmundur, en hann er
fæddur árið 1940.
Á þriðja tug bíla
Líkt og aðrir ökukennarar í Borgar­
nesi á þessum árum vann Guð­
mundur alltaf fulla vinnu samhliða
ökukennslunni. Var skrifstofumað­
ur hjá Vegagerðinni í Borgarnesi.
Spurður segist hann hafa átt ágætt
samstarf við aðra ökukennara, en
þeirra á meðal var Halldór Valdi­
marsson fyrstu árin og síðar Krist­
ján Björnsson og fleiri. „Ég var
alltaf mest að kenna í Borgarnesi
en fór einnig í skólana í héraðinu,
á Varmaland og í Reykholt, en þar
voru margir á bílprófsaldri með­
an var og hét.“ Þegar Guðmundur
er spurður hversu marga bíla hann
hefur notað við kennsluna í gegn­
um tíðina, segist hann hreinlega
ekki hafa tölu á þeim. „Þeir eru fjöl­
margir. Fyrst var það Volkswagen
bjalla, en síðar voru það nokkrir
Volvo bílar, Toyota og Ford Focus
sem ég hef verið að kenna á. Þeir
eru örugglega á þriðja tuginn.“
Æfingaakstur
mesta framförin
Ökukennsla hefur tekið miklum
breytingum á þeim 55 árum sem
Guðmundur hefur verið að kenna.
Almennt segir hann að kennslan
hafi gengið vel, en auðvitað hef­
ur hún ekki alltaf verið dans á rós­
um. Fólk er jú misjafnlega mót­
tækilegt fyrir akstri og bílum og
stundum féllu nemendur á öku­
prófi, nokkrum sinnum eða jafn­
vel oft. „Mestu framfarirnar urðu
þegar æfingaaksturinn var tekinn
upp. Það á við um ökukennslu eins
og annað að æfingin skapar alltaf
meistarann. Meiri og markvissari
æfingaakstur er einfaldlega að skila
nemendum betri ökumönnum út í
umferðina. Nú keyrir unga fólkið
þrisvar sinnum meira áður en það
fer eitt og óstutt út í umferðina.“
mm
Hér er Patrik Dagur, síðasti ökunemi Guðmundar, nýkominn úr ökuprófi. F.v. Sigrún Sjöfn Ámundadóttir, Patrik Dagur
Sigurðsson og Guðmundur Arason.