Skessuhorn - 23.02.2022, Qupperneq 16

MIÐVIKUDAGUR 23. FEBRÚAR 202216
Það var margt um manninn í versl­
uninni Módel á Akranesi á sunnu­
daginn, þegar blaðamaður leit þar
við skömmu eftir hádegi. Konu­
dagurinn er jú þennan dag og fjöl­
margir sem vildu færa elskunni
sinni eða nákomnum ættingja eða/
og vini glaðning af því tilefni. Að
sögn Guðna Tryggvasonar kaup­
manns byrjaði konudagsumferðin
strax á laugardagsmorgun og þurfti
að fara aukaferð eftir meiri blóm­
um þegar líða tók á daginn. Opn­
að var að nýju klukkan 9 á sunnu­
daginn og var stöðugur straum­
ur allan daginn, að sögn Guðna og
útlit fyrir að þetta yrði ein stærsta
konudagshelgin í versluninni frá
upphafi í þrjátíu ára sögu hennar.
mm
Snæbjörn Gíslason á Akranesi er
elstur núlifandi karlmanna á Ís­
landi. Hann varð 104 ára í gær,
fæddur 22. febrúar 1918. Snæbjörn
er hógvær og vill helst ekki gera
mikið úr þessum áfanga, en starfs­
fólk á Hjúkrunarheimilinu Höfða,
þar sem hann býr, fékk leyfi hans
til að senda Skessuhorni mynd og
smá frétt í tilefni dagsins. Snæbjörn
fagnaði deginum með afmælisköku
og kaffi og gestir litu við. Starfsfólk
Höfða vill senda Snæbirni innilegar
hamingjuóskir í tilefni dagsins.
Snæbjörn er fæddur á Litla­
­Lambhaga í Skilmannahreppi 22.
febrúar 1918, sonur Gísla Gísla­
sonar bónda og kennara og Þóru
Sigurðardóttur. Hann átti sjö systk­
ini sem sum hafa náð háum aldri.
Kristín systir hans náði 100 ára
aldri, Elísa varð 96 ára og Þórður 97
ára. Snæbjörn giftist ekki og á ekki
börn, en systkinabörn hans fylgj­
ast með honum. Snæbjörn starfaði
við byggingavinnu en var lengstan
sinn starfsaldur í fiskvinnslu hjá
HB&Co. Síðastliðin átta ár hefur
Snæbjörn búið á Hjúkrunarheimil­
inu Höfða á Akranesi.
Það eru ekki margir Íslendingar
sem hafa lifað jafnmarga stórvið­
burði á ævi sinni. Snæbjörn er fædd­
ur frostaveturinn mikla, nokkrum
mánuðum áður en Katla gaus og Ís­
land fékk fullveldi. Hann hefur lif­
að tvær heimsstyrjaldir svo ekki sé
talað um allar þær miklu breytingar
á lifnaðarháttum Íslendinga sem
orðið hafa á þessum 104 árum. mm
Í dag fara Vegagerðin og Strætó
af stað með þjónustu þar sem
boðið er upp á að panta ferð fyr­
ir hjólastóla með leið 57 á Vestur­
landi og leið 51 sem fer á Suður­
land. Landsbyggðarvagnarnir hafa
hingað til ekki verið aðgengileg­
ir fyrir hjólastóla en það eru að­
eins ákveðið margir vagnar með
lyftu fyrir hjólastóla og nú verður
hægt að panta slíkan vagn ef þörf er
á. „Það þarf að panta vagn með að­
gengi fyrir hjólastól deginum áður
en til að byrja með verður þetta að­
eins í boði í ákveðnum ferðum og
því miður eru bara ákveðnar bið­
stöðvar sem hægt verður að nota,
hjólastólaaðgengi er ekki nógu gott
við þær allar,“ segir Guðmundur
Heiðar Helgason upplýsingafull­
trúi fyrir verkefnið. Þær biðstöðvar
á leið 57 sem eru aðgengilegar fyrir
hjólastóla eru í Mjódd, Akratorgi á
Akranesi, Borgarnesi, Staðarskála,
Blönduósi, Sauðárkróki og Hofi
Akureyri. arg
Verðlaun voru veitt í síðustu viku
í eldvarnagetraun Landssambands
slökkviliðs­ og sjúkraflutings­
manna. Sigurður Þór Elísson
eldvarnaeftirlitsmaður hjá Slökkvi­
liði Akraness og Hvalfjarðar fór þá
í Grundaskóla og afhenti Laufeyju
Svanbergsdóttur nemanda í 3. bekk
verðlaun. Nafn hennar hafði verið
dregið út og fékk Laufey að laun­
um viðurkenningarskjal og gjafa­
kort í Spilavinum. mm
Í gær, þriðjudaginn 22.02.2022,
voru áætluð alls fjórtán svoköll­
uð „drop in“ brúðkaup í Akranes­
kirkju. Í þeim hópi voru meðal
annars nýgiftu hjónakornin Har­
aldur Valtýr Hinriksson og El­
ísabet Sæmundsdóttir sem tóku þá
ákvörðun fyrir stuttu að gifta sig
á þessari flottu dagsetningu. Þess
má geta að þau trúlofuðu sig fyrir
tveimur árum, nánar tiltekið þann
20.02.2020. Það var Þóra Björg
Sigurðardóttir prestur sem gaf þau
saman.
Í gær voru alls þrír prestar í Akra­
neskirkju á vaktinni fram á kvöld
en Akraneskirkja annaðist athöfn­
ina án endurgjalds með presti, org­
anista og kirkjuverði. Hver athöfn
tók ekki lengri tíma en 30 mínútur
og var þetta tilvalinn dagur til að
ganga í heilagt hjónaband. Því fyr­
ir utan þessa flottu dagsetningu þá
var allt kapp lagt á að þetta yrði há­
tíðlegt, skemmtilegt og ástin blóm­
strandi yfir öllum þeim brúðhjón­
um sem létu verða af því að gifta
sig á þessum Drottins dýrðar degi
í gær. vaks
Bræðurnir Þórður t.v. og Snæbjörn Gíslasynir að undirbúa síldarsöltun á eyrinni
árið 1965 – en Snæbjörn var á þessum tíma 47 ára. Ljósm. Haraldarhús.
Snæbjörn Gíslason fagnaði
104 ára afmæli í gær
Snæbjörn Gíslason á afmælisdaginn.
Ljósm. Höfði.
Halli og Ellý innsigla hjónabandið með kossi.
Ástin blómstraði í Akraneskirkju
Haraldur Valtýr og Elísabet alsæl eftir athöfnina.
Var dregin út í
eldvarnagetraun
Þær Aldís Petra Sigurðardóttir og Hlín Sigurðardóttir að binda blómvendi og
pakka fyrir viðskiptavini.
Lífleg sala í blómum
alla helgina
Strætó fyrir hjólastóla
á landsbyggðinni
Strætó á leið 57 framan við N1 í Borg-
arnesi. Ljósm. úr safni.