Skessuhorn - 23.02.2022, Page 23

MIÐVIKUDAGUR 23. FEBRÚAR 2022 23
Íþróttamaður
vikunnar
Íþróttamaður vikunnar er nýlegur
liður hjá Skessuhorni. Þar leggjum
við fyrir tíu spurningar til íþrótta­
manna úr alls konar íþróttum á
öllum aldri á Vesturlandi. Íþrótta­
maður vikunnar að þessu sinni er
körfuknattleiksmaðurinn Marinó
Þór í Borgarnesi.
Nafn: Marinó Þór Pálmason
Fjölskylduhagir? Bý hjá foreldr­
um mínum ásamt þremur yngri
systkinum.
Hver eru þín helstu áhugamál?
Íþróttir og bíómyndir.
Hvernig er venjulegur dagur hjá
þér um þessar mundir? Er að
vinna alla daga til klukkan 15:30
í Öldunni. Svo kem ég heim að
brasa eitthvað sniðugt í smá áður
en ég fer að þjálfa og svo á æfingu.
Eftir æfingu finnst mér svo gott að
fara í heita pottinn áður en ég fer
heim að hafa það huggulegt.
Hverjir eru þínir helstu kostir
og gallar? Myndi segja að helstu
kostirnir væru jákvæðni og iðju­
semi á meðan gallinn er frestunar­
árátta.
Hversu oft æfir þú í viku? Fimm
sinnum í viku og svo er oftast einn
leikur líka.
Hver er þín fyrirmynd í íþrótt-
um? Luka Doncic.
Af hverju valdir þú
körfuknattleik? Pabbi minn spil­
aði og þjálfaði körfubolta þegar ég
var yngri og það hefur ýtt mér í
rétta átt.
Hver er fyndnastur af þeim sem
þú þekkir? Samstarfsfélagar mín­
ir í Öldunni.
Hvað er skemmtilegast og
leiðinlegast við þína íþrótt?
Skemmtilegast við íþróttina er fé­
lagsskapurinn á meðan það leiðin­
legasta er að hita upp.
Félagsskapurinn er skemmtilegastur
Fyrsta mótið í KB mótaröðinni hjá
hestamannafélaginu Borgfirðingi
fór fram í reiðhöllinni Faxaborg í
Borgar nesi á laugardaginn. Keppt
var í B flokki; 1. flokki, 2. flokki, ung­
mennaflokki, unglingaflokki, barna­
flokki og pollaflokki. Einnig voru
veittar viðurkenningar fyrir þrjá efstu
í vali íþróttamanns hestamannafé­
lagsins Borgfirðings fyrir árið 2021.
Kristín Eir Hauksdóttir Holaker var
valin íþróttamaður Borgfirðings og
fékk hún farandbikar sem Skáneyjar­
búið gaf. Þá var Embla Móey Guð­
marsdóttir í öðru sæti og Kolbrún
Katla Halldórsdóttir í því þriðja.
arg/ Ljósm. Hestamannafélagið
Borgfirðingur
Skagamenn tóku á móti liði Selfoss
í 1. deild karla á föstudagskvöldið
og lauk leiknum með öruggum
sigri gestanna, 71:86. Jafnræði var
með liðunum í fyrsta leikhluta,
jafnt nánast á öllum tölum og ÍA
með þriggja stiga forystu þegar
honum lauk, 19:16. Heimamenn
héldu áfram að stríða gestunum
og um rúman miðjan annan leik­
hluta var staðan 31:24 ÍA í vil. En
þá tók Selfoss við sér og var kom­
inn með þriggja stiga forskot þegar
hálfleiksflautan gall, 35:38.
Spennan hélst áfram í leiknum
og eftir tæplega fimm mínútna leik
í þriðja leikhluta var staðan 40:45
gestunum í vil. En þeir náðu síð­
an að auka forskotið það sem eftir
lifði leikhlutans og voru komnir í
góða stöðu fyrir fjórða og síðasta
leikhluta, staðan 48:60. Heima­
menn voru aldrei líklegir að ná
að minnka muninn þar, gestirnir
hleyptu þeim ekki neitt og loka­
staðan í leiknum, 71:86 fyrir Sel­
fossi.
Hjá ÍA var Christopher Clover
stigahæstur með 22 stig, Lucien
Christofis var með 19 stig og Davíð
Alexander Magnússon með 9 stig.
Hjá Selfossi var Gerald Robinson
með 30 stig og 10 fráköst, Gasper
Rojko með 20 stig og 11 fráköst og
Vito Smojver með 11 stig.
ÍA situr á botni deildarinnar sem
fyrr með aðeins tvö stig og Hamar
þar fyrir ofan með sex stig í níunda
sæti deildarinnar. Hrunamenn eru
með tólf stig í áttunda sætinu og
því verður að telja það ansi líklegt
að fall blasi við hjá liðum Hamars
og ÍA þegar deildinni lýkur seinni
hlutann í mars.
Næsti leikur ÍA er gegn Álftanesi
föstudaginn 25. febrúar syðra og
hefst leikurinn klukkan 19.15.
vaks
Laugardaginn 12. febrúar gerðu
þau Magnús Ingi Bæringsson,
æskulýðs­ og tómstundafulltrúi
Stykkishólmsbæjar, og Sigríður
Ólöf Sigurðardóttir sér lítið fyrir
og sópuðu snjó af svellinu við flug­
stöðina í Stykkishólmi. Fjöldinn
allur af Hólmurum nýtti tækifær­
ið og dustaði rykið af skautunum í
kjölfarið, en frá þessu er sagt á vef­
síðu Stykkishólmsbæjar.
Nú geta gönguskíðagarpar í
Stykkishólmi einnig tekið gleði sína
þar sem búið er að ryðja göngu­
skíðabraut á golfvellinum. Eft­
ir ábendingu frá íbúa hafði Magn­
ús samband við Kristján Auðuns­
son sem ruddi brautina með þar til
gerðum búnaði.
Veðrið hefur leikið við Hólmara
undanfarið eins og svo oft áður
að þeirra sögn og gera veðurfróð­
ir Hólmarar ráð fyrir að ekkert lát
verði á því á næstu dögum. Því er
um að gera fyrir bæjarbúa að njóta
blíðunnar og spreyta sig á vetrar­
sportinu.
vaks
Lið Ármanns og Snæfells mættust á
föstudagskvöldið í 1. deild kvenna í
körfuknattleik og fór leikurinn fram
á heimavelli Ármanns í Kennarahá­
skólanum í Reykjavík. Fyrir leik­
inn var Ármann í efsta sæti deildar­
innar með 26 stig en Snæfell í öðru
sæti ásamt ÍR með 20 stig. Í fyrri
leik liðanna í deildinni sem fram fór
í Stykkishólmi í nóvember vann Ár­
mann nauman sigur, 76:79. Leik­
urinn á föstudaginn var jafn til að
byrja með en í stöðunni 5:4 skor­
aði Ármann næstu sjö stig og hafði
góða forystu eftir fyrsta leikhluta,
20:9. Lítið breyttist stigalega séð í
öðrum leikhluta en Ármann þó enn
með yfirhöndina og leiddi með 14
stigum í hálfleik, staðan 35:21 fyrir
heimastúlkur.
Snæfellinngar reyndu hvað
þær gátu til að komast inn í leik­
inn í þriðja leikhluta en lítið gekk
að saxa á forskotið og flest á svip­
uðum nótum og áður þegar liðin
lögðu á ráðin fyrir fjórða og síð­
asta leikhlutann, staðan 52:40 fyr­
ir Ármanni. Heimastúlkur skoruðu
fyrstu sex stigin í honum og lögðu
grunninn að sigrinum. Þó að Ár­
mann hafi aðeins skorað tvö stig
gegn níu stigum Snæfells síðustu
fimm mínútur leiksins þá var sigur­
inn aldrei í hættu og sanngjarn sig­
ur Ármanns, 67:59.
Hjá Snæfelli voru þær Sianni
Martin og Rebekka Rán Karlsdótt­
ir sem létu eitthvað að sér kveða í
leiknum. Martin var með 35 stig
og Rebekka Rán með 14 stig og
þá var Preslava Koleva með 17 frá­
köst. Hjá Ármanni var Schekinah
Bimpa með 21 stig og 27 fráköst,
Jónína Þórdís Karlsdóttir var með
19 stig og 11 fráköst og Telma Lind
Bjarkadóttir með 10 stig.
Næsti leikur Snæfells er gegn
Aþenu­UMFK laugardaginn 26.
febrúar í Stykkishólmi og hefst
klukkan 16. vaks
Gönguskíðabrautin á
golfvellinum.
Ljósm. af stykkisholmur.is
Skautasvell og gönguskíðabraut
í Stykkishólmi
Snæfell tapaði gegn Ármanni
Skagamenn töpuðu
áttunda leiknum í röð
Kristín Eir Hauksdóttir Holaker, Embla Móey Guðmarsdóttir og Kolbrún Katla Hall-
dórsdóttir voru efstar í valinu á íþróttamanni Borgfirðings fyrir árið 2021. Eyþór
Jón Gíslason formaður Borgfirðings afhenti þeim viðurkenningar og verðlaun.
Kristín Eir er íþrótta-
maður Borgfirðings
Kristín Eir Hauksdóttir Holaker var valin íþróttamaður Borgfirðings 2021. Eyþór
Jón Gíslason formaður Borgfirðings veitti henni verðlaunin.