Feykir - 07.04.2021, Blaðsíða 2

Það er kominn þriðjudagur, fyrsti vinnudagur eftir páska-
helgi. Ég sit fyrir framan tölvuna og klóra mér í höfðinu yfir því
um hvað ég ætti nú að skrifa. Ýmislegt hefur gerst á fáum
dögum eins og afnám nauðungarvistunar á sóttvarnarhóteli,
ný gossprunga á Reykjanesinu og
fleiri og fleiri munstra sig í Fávita-
varpið, en svo kallast Facebook-
hópur sem safnar „skjáskotum af
fávitunum sem halda að slow TV sé
þáttur um slow people eins og það
sjálft,“ eins og segir í lýsingu hóps-
ins. „Endilega skellið inn skjáskotum
af fólki sem er að skemma útsend-
inguna frá eldgosinu með sínum
beljusmettum,“ segir jafnfram þar.
Þetta athæfi fólks sem veifar í
myndavélarnar fer í taugarnar á mörgum og hafa orðið blaðaskrif
um það. Ég sat fyrir framan sjónvarpið og sá einn um helgina
sem brosti og veifaði til myndavélar RÚV og ég hrópaði upp yfir
mig: Sjáiði fávitann! Svo hugsaði ég með mér, er ég varð þess
var að ég sat einn í stofunni, að ég væri fávitinn.
Þetta var ekki eina efnið sem ég horfði á í imbanum þessa
páskahelgi. Fátt situr eftir annað en Helgi Björns og félagar í
lokaþætti Heima með Helga. Frábærir þættir að mínu mati þar
sem gleðin ræður, söngur og grín. Ég væri til í fleiri slíka þætti.
Hef heyrt af svipuðum þætti á Stöð 2 með Ingó veðurguð og fær
sá mjög góða dóma þeirra sem ég þekki. Hef sjálfur ekki aðgang
að þeirri sjónvarpsstöð og hef því miður ekki horft á neinn þátt
ennþá. Reyndi að horfa á Straumar á RÚV en gafst upp, fannst
þeir ekki ná stemningu meðan ég horfði. Öll lögin dempruð niður
og léttleikinn sendur til Burtistan. Hef ekki fengið mig til að setjast
aftur fyrir framan skjáinn meðan sá þáttur er sýndur en vonandi
hefur hann náð til annarra. Þetta lýsir kannski bara minni eigin
sérvisku og hræsni: „Þetta er glatað, horfi aldrei á þetta aftur!“
Það sem mest situr eftir hjá mér eftir sjónvarpsgláp helgar-
innar er þátturinn Hvernig Titanic varð björgunarbáturinn minn.
Aldeilis stórgóður þáttur sem víkkaði sjóndeildarhringinn hjá
mér gagnvart einhverfu og minnkaði stórum þá fordóma sem ég
hafði gagnvart þeim er kljást þurfa við slíkt. Þá á ég við fordóma
á þann hátt að ég gef mér eitthvað fyrirfram um hluti sem ég veit
ekkert um. Þarna var hugmyndum mínum snúið á hvolf á þann
hátt að viðkomandi einstaklingar ættu við einhvers konar fötlun
að stríða í það að þeir byggju yfir framúrskarandi hæfileikum
sem samfélagið þurfi að gefa rúm til að þroskast.
Þessi þáttur var afar upplýsandi og skemmtilega uppbyggður
að mínu mati og fjallaði um Brynjar Karl sem byggði stóra
eftirmynd Titanic með meira en 50.000 LEGO kubbum. Hann er á
einhverfurófinu og var haldinn löngun til að sigrast á þeim
einkennum einhverfu sem halda aftur af honum og verða virkur
þátttakandi í samfélaginu. Það mættu margir taka hann sér til
fyrirmyndar og ekki síður þeir sem hvergi greinast á nokkru rófi.
Góðar stundir. Páll Friðriksson, ritstjóri
LEIÐARI
Fávitar og
framúrskarandi hugsuðir
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Óli Arnar Brynjarsson, oli@feykir.is
Sigríður Garðarsdóttir, siggag@nyprent.is | Klara Björk Stefánsdóttir, klara@nyprent.is
Prófarkalestur: Fríða Eyjólfsdóttir
Auglýsingastjóri: Sigríður Garðarsdóttir, siggag@nyprent.is
Áskriftarverð: 615 kr. hvert tölublað með vsk. Lausasöluverð: 755 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Síðastliðið ár hefur verið unnið
að uppbyggingu glæsilegra
baðlóna við Hólanes á
Skagaströnd, á milli gamla
barnaskólans og Nes
listamiðstöðvar. Í frétt á vef
Skagastrandar segir að áætlað
sé að heildarfjárfesting við
bygginguna geti numið um
hálfum milljarði og að verktími
sé um tvö ár. Búið er að tryggja
fjármögnun verkefnis að hluta
og áætlað að henni ljúki á
næstu mánuðum.
Gert er ráð fyrir að lokið
verði við hönnunar- og skipu-
lagsvinnu á árinu 2021 og
framkvæmdir geti hafist 2022
miðað við óbreyttar forsend-
ur. Böðin verða staðsett við
sjávarmálið á Hólanesi sem er
miðsvæðis á Skagaströnd og
skartar tilkomumiklu útsýni
yfir Húnaflóann og Stranda-
fjöllin.
„Þessi umfangsmikla upp-
bygging mun verða mikilvæg
lyftistöng fyrir ferðaþjónustu á
Norðurlandi vestra og böðin
án efa eftirsóknarverður við-
komustaður fyrir þá ferða-
langa sem þræða Norður-
strandarleiðina. Þá verða þau
einnig kærkomin og heilsu-
eflandi viðbót við þjónustu
fyrir heimamenn.“ segir Hall-
dór Gunnar Ólafsson oddviti
sveitarstjórnar á Skagaströnd.
Skoða má fyrstu drög að
hönnun svæðisins og útliti
baðstaðarins á Skagaströnd.is.
/SKAGASTRÖND.IS
Sjóböð á Skagaströnd
Hyggjast reisa glæsileg
baðlón við Hólanes
Hér má sjá magnaðar þrívíddarmyndir sem fylgja fyrstu drögum að hönnun á svæðinu og útliti á baðstaðnum.
MYND AF SKAGASTRÖND.IS
2 14/2021