Feykir - 07.04.2021, Blaðsíða 5

ÍÞRÓTTAFRÉTTIR F
Knattspyrnulið Kormáks Hvatar hefur
undanfarin ár leitað sér liðsstyrks á Spáni með
mjög góðum árangri. Skemmst er að minnast
landnema á borð við markmanninn Miguel
Martinez Martinez, sem enn veldur framherjum
fjórðu deildar martröðum; varnarvitans Domi
sem kom gríðarlega sterkur inn fyrir nokkrum
árum og hefur nú ljáð Tindastóli krafta sína og
svo sjálfs Marka-Minguez sem sló öll skorunar-
met og þandi netmöskvana á þriðja tug sinna
sumarið sem hann dvaldi nyrðra.
Nýr árgangur spænskra er nú væntanlegur.
Gríðarlegar væntingar eru gerðar til þríeykisins frá
Íberíu en allir hafa þeir spilað undanfarið í þriðju
efstu deild þarlendis sem er deild ofar en flestir
þeirra sem hingað hafa áður komið.
Markmaðurinn Guillerme Yepes Moreno
(Guille) þykir fimur í fótunum eins og allir góðir
nútíma markmenn, ásamt því að vera gríðarlega
öruggur í háloftunum. Sannkölluð gullblanda þar
á ferð. Ekkert lið kemst ólaskað úr fjórðu deild án
góðs markmanns, svo það er næsta víst að Guille
verði lykilmaður í vegferð Kormáks Hvatar að
úrslitakeppninni. Guille kemur frá liði Minerva í 3.
deild Spánar.
Varnar og miðjumaðurinn Jose Corbalán
Álvarez (Jose) færir liðinu stóíska ró og jafnvægi á
milli varnar og sóknar. Hann getur ekki hugsað sér
að tapa boltanum og vinnur gríðarlega vel fyrir sitt
lið, en fróðir menn segja hann einnig mjög
stöðuvísan en um leið agressívan í sínum leik. Jose
er leikmaður sem verður mjög spennandi að
fylgjast með í sumar. Jose kemur frá liði Fortuna
CF í Preferentedeild Spánar.
Sóknarmaðurinn George Răzvan Chariton
(Jorge) er af rúmensk/spænsku bergi brotinn.
Honum er lýst sem algerum gammi í framlínunni
og getur leyst allar stöður, með góða vél og næmt
markanef. Hann mun án vafa ógna vörnum
andstæðinganna með hraða sínum og krafti. Jorge
kemur frá liði El Palmar í 3. deild Spánar.
Kormákur Hvöt leggur í leit sinni að liðsstyrk
ekki minni áherslu á heilsteypta og vandaða
persónuleika sem auðga félagsandann um leið og
þeir sinna sínu á vellinum. Þessi þrjú púsl í
heildarmyndina eru væntanleg til landsins innan
skamms, enda styttist í Íslandsmót. Áfram
Kormákur Hvöt! /Fréttatilkynning
Knattspyrna 4. deild
Spánskir fyrir sjónir Kormáks Hvatar
Nýir leikmenn Kormáks Hvatar. MYNDIR AÐSENDAR
Knattspyrnudeild Tindastóls
hefur ráðið Hauk Skúlason
sem aðalþjálfara meistara-
flokks karla. Hauki til
aðstoðar verður Konráð
Sigurðsson, fyrirliði mfl.
karla, sem mun vera spilandi
aðstoðarþjálfari. Þeir
Haukur og Konráð hafa stýrt
æfingum liðsins það sem af
er undirbúningstímabilinu
og munu leiða liðið í
baráttunni í 3. deildinni
í sumar.
Haukur, sem er fæddur
árið 1981, hefur lengi verið
viðloðandi meistaraflokk
Tindastóls og raunar lykilleik-
maður upp alla yngri flokka og
því glerharður Tindastóls-
maður. Hann lagði skóna á
hilluna sumarið 2012 en
samkvæmt vef KSÍ spilaði
hann 87 meistaraflokksleiki á
ferlinum, þá fyrstu sumarið
2001 í 1. deild karla. Hann
spilaði eitt sumar með Hvöt á
Blönduósi en síðasta leik
ferilsins spilaði Haukur með
liði Drangeyjar. Í þessum 87
leikjum skoraði hann 19 mörk.
Konni hefur verið fasta-
maður í liði Tindastóls síðan
sumarið 2013 en hann spilaði
með liði Drangeyjar sumarið
2012. Konni hefur spilað 141
leik í meistaraflokki og skorað
19 mörk líkt og Haukur – þrjú
þeirra fyrir lið Drangeyjar.
Þeir félagar, Haukur og
Konni, taka við taumunum af
Jamie McDonough sem stýrði
liði Tindastóls í fyrra en hann
var látinn taka pokann sinn
fyrir skemmstu. Jamie starfaði
sem þjálfari meistaraflokks
karla og var yfirþjálfari yngri
flokka hjá félaginu.
„Knattspyrnudeild Tinda-
stóls þakkar Jamie fyrir sam-
starfið og óskar honum vel-
farnaðar í því sem hann tekur
sér fyrir hendur,“ segir í til-
kynningu sem félagið sendi frá
sér í kjölfarið.
Jamie kom til starfa hjá
Stólunum sumarið 2019 og
voru miklar vonir bundnar við
aðkomu hans í þeirri uppbygg-
ingu sem þá var hafin á yngri
flokkum Tindastóls en hann
var þá kynntur sem menntaður
kennari ásamt því að vera með
UEFA A knattspyrnuþjálfara-
gráðu og með diplómu í
þjálfun barna og íþrótta-
sálfræði. /ÓAB & PF
Knattspyrnudeild Tindastóll
Haukur tekur við
meistaraflokki karla
Haukur, Maggi Helga og Konni. MYND AF VEF TINDASTÓLS
Uppskeruhátíð Tindastóls í
fótbolta var haldinn í fyrri
mánuði en vegna aðstæðna fór
hún fram á annan hátt en
vanalega. Konráð Freyr
Sigurðsson var valinn besti
leikmaðurinn hjá strákunum og
sá efnilegasti Atli Dagur
Stefánsson. Hjá stelpunum var
Laufey Harpa Halldórsdóttir
valin best og Bergljót Ásta
Pétursdóttir efnilegust.
Laufey Harpa var ein af
mikilvægustu leikmönnunum
síðasta sumar og hjálpaði liði
Tindastóls að tryggja sér sæti í
deild þeirra bestu næsta sumar,
Uppskeruhátíð Tindastóls
Konráð og Laufey valin best
Konráð Freyr Sigurðsson, Atli Dagur Stefánsson, Laufey Harpa Halldórsdóttir og Bergljót Ásta Pétursdóttir. MYND AÐSEND
Laufey spilaði nítján leiki síðasta
tímabil og skoraði tvö mörk.
Bergljót Ásta, sem er miðju-
maður, átti virkilega gott tímabil
síðasta sumar og stóð sig frábær-
lega á miðjunni, Bergljót spilaði
sautján leiki og skoraði eitt mark.
Konráð Freyr var mjög öfl-
ugur á miðjunni og stjórnaði
leiknum eins og herforingi oft á
tíðum síðasta sumar. Hann lék
tuttugu og einn leik og skoraði í
þeim fjögur mörk. Atli Dagur
spilaði tuttugu og tvo leiki fyrir
Tindastól síðasta sumar og stóð
sig gríðarlega vel á milli stang-
anna. /Eysteinn Ívar Guðbrandsson
14/2021 5