Feykir - 02.06.2021, Blaðsíða 2

Framundan er sjómannadagurinn þar sem sjómönnum er
sýnd sú virðing sem þeir eiga skilið fyrir sín störf við eina
mikilvægustu atvinnugrein landsins. Margir þeirra stunda
sína vinnu fjarri fjölskyldu við mjög krefjandi aðstæður og
getur sá er ekki hefur tekið túr á togara ímyndað sér
hvernig það er. Ég er einn af þeim.
Á námsárum mínum í Iðn-
skólanum í Reykjavík velti ég því
fyrir mér að taka skipskokkinn,
eins og það var kallað þá, meðfram
kjötiðnaðarnáminu, en boðið var
upp á kvöldnám í þeim fræðum.
Veit ekki hvort það var opinbert
heiti á námskeiðinu en ég man að
ég hugsaði að það gæti verið
spennandi að reyna fyrir sér á
sjónum sem kokkur. Hvernig sem á því stóð lét ég ekki verða
að þessu. Líklega var það leti.
Þegar talað er um sjómenn er staðalímyndin yfirleitt
hraustir karlmenn sem kalla ekki allt ömmu sína.
(Fylleríssögunum í landlegu hefur farið mjög fækkandi frá
því sem áður var og mátti gerast.) Þeir vinna mikið, kvarta
ekki og taka öllum áföllum af æðruleysi og mikilli stillingu,
nema ef verið er að gera eitthvað á þeirra hlut. En einhverra
hluta vegna er ekki mikið minnst á skipskokkinn þrátt fyrir
að hann sé gríðarlega mikilvægur um borð, það gerir enginn
neitt svangur. Það vill enginn vinna með svöngum sjómanni,
hann er hættulegur sjálfum sér og umhverfi sínu.
Þeir eru þó til sem hugsa fyrst til skipskokka þegar þeir
ræða við fremstu matreiðslumenn landsins. Þannig var eitt
sinn að Úlfar Eysteinsson, löngum kenndur við matreiðslustað
sinn Þrír frakkar, tók þátt í Skagafjarðarrallý en hann var
mikill rallýáhugamaður. Ekki fer sögum af árangri en eftir
keppni var haldin veisla á Mælifelli sem stóð fram á nótt. Eftir
lokun staðarins var hann, ásamt fleira fólki, að njóta nætur-
blíðunnar fyrir utan og einhvern veginn vildi svo til að hann
lenti í einhverjum aðstæðum sem honum þótti hann ekki eiga
skilið og ákvað að kæra til lögreglu.
Á lögreglustöðinni tók Guðmundur Óli Pálsson, sem alla
þekkti í firðinum, á móti matreiðslumanninum og spyr hann
að nafni.
-Úlfar Eysteinsson heiti ég.
-Og hvað gerir þú?
-Ég er kokkur.
-Nú? Á hvaða bát?
Ég óska öllum sjómönnum nær og fjær til hamingju með
daginn og vonandi verður hægt að halda upp á hann með
pompi og prakt að ári.
Páll Friðriksson
ritstjóri
LEIÐARI
Til hamingju sjómenn!
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Óli Arnar Brynjarsson, oli@feykir.is
Sigríður Garðarsdóttir, siggag@nyprent.is | Klara Björk Stefánsdóttir, klara@nyprent.is
Prófarkalestur: Fríða Eyjólfsdóttir
Auglýsingastjóri: Sigríður Garðarsdóttir, siggag@nyprent.is
Áskriftarverð: 615 kr. hvert tölublað með vsk. Lausasöluverð: 755 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
AFLATÖLUR | Dagana 23. til 29. maí á Norðurlandi vestra
36 bátar á strandveiðum í síðustu viku
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
Hjalti HU 15 Handfæri 1.278
Hrund 15 Handfæri 1.538
Húni HU 62 Handfæri 1.945
Ísak Örn HU 151 Handfæri 1.571
Jenny HU 40 Handfæri 1.475
Kambur HU 24 Handfæri 1.988
Kópur HU 118 Handfæri 2.064
Kristín HU 168 Handfæri 904
Loftur HU 717 Handfæri 2.371
Óli á Stað GK 99 Lína 5.099
Svalur HU 124 Handfæri 523
Sæunn HU 30 Handfæri 2.191
Viktor Sig HU 66 Handfæri 1.506
Viktoría HU 10 Handfæri 2.135
Víðir EA 423 Handfæri 1.573
Víðir ÞH 210 Handfæri 342
Alls á Skagaströnd 44.209
HOFSÓS
Rósborg SI 29 Handfæri 1.772
Skotta SK 138 Handfæri 761
Alls á Hofsósi 2.533
HVAMMSTANGI
Harpa HU 4 Dragnót 2.568
Steini HU 45 Grásleppunet 2.501
Alls á Hvammstanga 5.069
SAUÐÁRKRÓKUR
Álborg SK 88 Handfæri 336
Birna SK 559 Handfæri 212
Drangey SK 2 Botnvarpa 204.262
Gammur II SK 120 Grásleppunet 2.981
Gjávík SK 20 Handfæri 1.500
Kristín SK 77 Handfæri 1.868
Maró SK 33 Handfæri 2.260
Málmey SK 1 Botnvarpa 136.648
Már SK 90 Handfæri 1.417
Silver Fjord PA 999 Rækjuvarpa 149.950
Skvetta SK 7 Handfæri 1.721
Steini G SK 14 Handfæri 1.091
Tara SK 25 Handfæri 1.143
Vinur SK 22 Handfæri 1.713
Alls á Sauðárkróki 507.102
SKAGASTRÖND
Alda HU 112 Handfæri 2.204
Arndís HU 42 Handfæri 1.661
Auður HU 94 Handfæri 2.342
Bjartur í Vík Handfæri 2.033
Blíðfari Handfæri 1.160
Bragi Magg HU 70 Handfæri 1.114
Dagrún HU 121 Handfæri 1.624
Elfa HU 191 Handfæri 2.264
Fengur ÞH 207 Handfæri 1.304
Á Króknum var landað rúmum 507 tonnum í síðustu viku og var Drangey SK 2 aflahæst með
rúm 204 tonn og uppistaða aflans var þorskur. Þá landaði einnig Silver Fjord tæpum 150
tonnum af rækju og Málmey SK 1 var með rúm 137 tonn af þorski. Tíu strandveiðibátar
lönduðu á Króknum, alls 13.261 kg, og einn bátur landaði 2.981 kg af grásleppu.
Á Skagaströnd voru 20 bátar á strandveiðunum og náðu þeir að landa 27.069. Aðeins einn
bátur var ennþá við grásleppuveiðar, Ísak Örn HU 151, en hann landaði 495 kg. Þrír bátar
lönduðu á Hofsósi samtals 1.833 kg og voru þeir allir á strandveiðunum. Einn bátur landaði á
Hvammstanga, Steini G HU 45, alls 1781 kg af grásleppu og er hann þá einn af þrem bátum
sem eru enn þá við grásleppuveiðar á Norðurlandi vestra. Heildarafli á Norðurlandi vestra
var 558.913 kg. /SG
Þverárfjallsvegur um Refasveit og Skagastrandarvegur um Laxá
Styttist í að verkið fari í útboð
Eins og sjálfsagt flestir íbúar á
Norðurlandi vestra vita þá stendur
til að hefja framkvæmdir við
Þverárfjallsveg um Refasveit og
Skagastrandarveg um Laxá á
næstunni en heildarlengd nýrra
vega og brúar verða um 11,8 km.
Nú styttist í að verkið verði boðið
út en fjárveitingar til verksins eru á
samgönguáætlun fyrir árin 2022
til 2024 eða samtals um tveir
milljarðar króna og verður stærsta
verkefni Vegagerðarinnar á
Norðurlandi vestra næstu
misserin.
Heildarlengd nýrra vega og
brúar er um 11,8 km. Forsendur
fyrir framkvæmdum við nýjan
veg eru skv. frummatsskýrslu
Vegagerðarinnar að Skaga-
strandarvegur (74) í Refasveit og
að Höskuldsstöðum er stofnveg-
ur en með varhugaverða hæðar-
og planlegu. Vegsýn er víða skert.
Þá liggur vegurinn þvert í gegn-
um vatnsverndarsvæði, auk
útivistar- og skógræktarsvæðis.
Núverandi brú á Laxá er einbreið
með varhugaverðri hæðar- og
planlegu. Vegsýn er mjög skert
og slæm aðkoma að brúnni
beggja vegna. Neðribyggðar-
vegur (741) er tengivegur,
einbreiður malarvegur með
mörgum tengingum.
Markmiðið með fram-
kvæmdinni er að bæta og tryggja
greiðar samgöngur á Norður-
landi vestra og hafa þannig
jákvæð áhrif á samfélagið auk
þess að gera samgöngur á svæð-
inu öruggari. Framkvæmdasvæð-
ið er í Blönduósbæ og Skaga-
byggð. Sveitarfélagamörk liggja
um Laxá.
Nýbygging Þverárfjallsvegar
er 8,5 km að lengd en nýbygging
Skagastrandarvegar er 3,2 km
löng. Vegirnir verða 8 m breiðir,
nokkuð uppbyggðir og verða
lagðir bundnu slitlagi, þ.e.
klæðingu. Vegurinn verður
hannaður fyrir 11,5 t öxulþunga.
Byggðar verða samtals tíu nýjar
vegtengingar að býlum, urðunar-
stað og núverandi vegum. Þær
munu tengjast nýjum vegum á
átta stöðum. Nýjar vegtengingar
verða 4 m breiðar (vegtegund D)
nema tenging að Stekkjarvík sem
verður 7 m breið.
Byggð verður ný brú yfir Laxá
og verður hún staðsett um 0,8
km í loftlínu neðan við núverandi
brú. Ný brú er 109 m löng eftir-
spennt bitabrú í þremur höfum.
Akbraut brúar verður 9,0 m að
breidd og bríkur 0,5 m breiðar.
Heildarbreidd er því 10 m.
Sjá nánar á Feykir.is. /ÓAB
Yfirlitsmynd af síðu Vegagerðarinnar. Bláa línan sýnir ný vegastæði.
2 22/2021