Morgunblaðið - 13.04.2022, Side 10

10 FRÉTTIR
Innlent
MORGUNBLAÐIÐ MIÐVIKUDAGUR 13. APRÍL 2022
VIÐ erum RÆKTENDUR FRAMTÍÐARINNAR
Kraftar sólargeislanna
gefa ljóma
sem endist
Immortelle blómin í Reset seruminu okkar nærast á kraftmiklu
sólarljósinu sem gefa þau áfram til húðarinnar þinnar svo hún
verði endurnærð, úthvíld og full af unglegum ljóma.
Kringlan 4-12 | s. 577-7040 | www.loccitane.is
Sveitarstjórn Sveitarfélagsins
Skagafjarðar hefur útnefnt Hjalta
Pálsson heiðursborgara sveitar-
félagsins. Með þessu segist sveitar-
stjórnin vilja þakka Hjalta fyrir
framlag hans til héraðssögu, fræða
og menningar um áratugaskeið.
Hjalti ritstýrði Byggðasögu Skaga-
fjarðar, og vann að því verki í 26 ár.
Var fyrst ráðinn ritstjóri 1995 og
síðan komu út 10 bindi á árunum
1999-2021. Hjalti hefur lengi verið
formaður Sögufélags Skagfirðinga
og komið að útgáfu fjölda bóka og
rita tengdra skagfirskri sögu.
Hjalti er annar í sögu sveitar-
félagsins til að verða heiðursborg-
ari en Bjarni Haraldsson kaup-
maður var útnefndur árið 2019. Jón
Þ. Björnsson, Eyþór Stefánsson og
Sveinn Guðmundsson höfðu hlotið
heiðursborgaranafnbótina í tíð
Sauðárkrókskaupstaðar áður.
Heiðursborgari Hjalti Pálsson, rit-
stjóri Byggðasögu Skagafjarðar.
Nýr heiðurs-
borgari
Skagafjarðar
Ekki Landsvirkjun
Ranghermt var í blaðinu í gær að
Laxárvirkjun hefði verið í eigu
Landsvirkjunar þegar hún var reist
1970. Fyrirtækið Laxárvirkjun, sem
var í helmingseigu ríkisins og Akur-
eyrarbæjar, reisti Laxárstöðvarnar.
Rann félagið síðan inn í Lands-
virkjun árið 1983. Beðist er velvirð-
ingar á rangherminu.
LEIÐRÉTT
I
ndverski stórmeistarinn Ra-
meshbabu Praggnanandhaa
er sigurvegari Kviku Reykja-
víkursskákmótsins sem lauk
með spennandi lokaumferð í Hörpu í
gær. Litlu munaði að Hjörvar Steinn
Grétarsson næði efsta sæti en hann
endaði í 2.-5. sæti ásamt Hollend-
ingnum Max Warmerdam, Mads
Andersen frá Danmörku og Banda-
ríkjamanninum Abaimanyu Mishra.
Þeir hlutu allir 7 vinninga af 9.
Óvænt endalok sáu dagsins ljós í
skák Praggnanandhaa sem sýndi
hversu útsjónarsamur hann getur
verið er hann sneri tapaðri stöðu í
sigur gegn landa sínum Dommaraju
Gukesh í síðustu umferð hlaut því 7
½ vinning af 9 mögulegum.
Sigurvegarinn „Pragg“, eins og
hann er oftast kallaður, er eitt
þekktasta undrabarn Indverja og á
langan feril að baki þrátt fyrir ungan
aldur. Hann er fæddur í Chennai 5.
ágúst 2005 og er því aðeins 16 ára
gamall og yngsti sigurvegari á
Reykjavíkurskákmóti. Hann er tal-
inn einn líklegasti arftaki Wis-
wanathans Anands meðal Indverja
en nafn þess margfalda heimsmeist-
ara er nánast greypt inn í nafn
„Praggs“, sem mætti til mótsins
ásamt fríðum flokki indverskra
skákmanna sem mörg hver hafa teflt
hér áður, t.d. skákdrottningin Tania
Sachdev og Baskar Adhiban.
Ekki blés byrlega fyrir Indverj-
anum í skákinni í gær:
Kvika Reykjavíkurskákmótið
2022:
Gukesh – Praggnanandhaa
Hvítur lék síðast 35. Da7-d4. Að
fara í drottningakaup er vonlaus
kostur svo Pragg lék 35. … Df5!
Með hugmyndinni 36. Dxc3 Hxg2!
og svartur nær þráskák sé hrók-
urinn tekinn. 36. De5?? Vill verja a5-
peðið. 36. … Dg4 37. Hg1?? Annar
hrikalegur afleikur. Eftir 37. Be4
Rxe4 38. Dxe4 De2 nær svartur jafn-
tefli. 37. … Rd1!
Það á enginn neitt yfir svona leik.
Hvítur er óverjandi mát og gafst
upp.
Reykjavíkurskákmótinu hafa hin
síðari ár verið gott tækifæri fyrir
yngri skákmenn okkar til auka styrk
sinn og bæta við elo-stigatöluna.
Þeir sem hækkuðu mest voru Þor-
steinn Jakob Þorsteinsson 113 elo,
Birkir Hallmundarson 93 elo, Ingvar
Wu 85 elo, Benedikt Briem, 84 elo,
Tómas Möller 77 elo og Gunnar Erik
Guðmundsson 63 elo.
Héðinn Steingrímsson missti af
tækifæri til að blanda sér í baráttuna
um sigur er hann missti unnið tafl í
fyrir Tönju Sachdev í 7. umferð. Jó-
hann Hjartarson hlaut 6 vinninga en
komst í efsta sætið eftir sjöttu um-
ferð. Að mati greinarhöfundar var
framlag hans meðal íslensku þátttak-
endanna það innihaldsríkasta og eng-
in dauf né dauð augnablik í skákum
hans sbr. eftirfarandi dæmi sem þeg-
ar hefur ratað í skákdálka um heim
allan:
Kvika Reykjavíkurskákmótið
2022; 4. umferð:
Jóhann Hjartarson – Mads And-
ersen
Danmerkurmeistarinn 2016 og
2017 er hér í krappri vörn. Jóhann
stóð frammi fyrir þeim augljósa
kosti að leika 54. Df7+!. En ekki er
allt sem sýnist. Jóhann sá óvæntan
möguleika til björgunar fyrir svart-
an. Eftir 54. … Rxf7+ 55. exf7 Kh8
56. fxe8(D) kemur nefnilega 56. ..
Dh1+! Hvítur verður að að leika 57.
Kxh1 og þá er svartur patt.
En samt er vinning að hafa í stöðu
því Jóhann gat vakið upp biskup á e8
sem hefði breytt öllu, 56. fxe8(B)!
Hvítur á hrók og tvo létta gegn
drottningu og svartur er auk þess í
mátneti. Jóhann lék 54. e7, átti dá-
góða vinningsmöguleika en varð að
sættast á jafntefli eftir 89 leiki.
Skák
Helgi Ólafsson
helol@simnet.is
Morgunblaðið/Ómar Óskarsson.
Praggnanandhaa sneri taflinu
við og varð einn efstur
Sigurvegarinn
Rameshbabu
Praggnanandhaa
frá Indlandi.