Morgunblaðið - 11.05.2022, Blaðsíða 11

FRÉTTIR 11Erlent
MORGUNBLAÐIÐ MIÐVIKUDAGUR 11. MAÍ 2022
Álfheimum 74, 104 Rvk, sími 568 5170
Verið velkomin
Túnikur • Vesti • Kjólar
Peysur • Bolir • Jakkar
Blússur • Buxur • Pils
SUMAR-
VÖRUR
Vinsælu velúrgallarnir
Nýjir litir - Stærðir S-4XL
Einnig stakar velúrbuxur
í svörtu, gráu og dökkbláu
Stefán Gunnar Sveinsson
sgs@mbl.is
Irína Verestsjúk, aðstoðarforsætis-
ráðherra Úkraínu, sagði í gær að
rúmlega 1.000 hermenn væru enn að
verja Asovstal-stálverksmiðjuna í
Maríupol, síðasta vígi hafnarborgar-
innar mikilvægu.
Sagði Verestsjúk að nokkur
hundruð af þeim hefðu særst, sumir
alvarlega, og að koma þyrfti þeim á
brott hið fyrsta. Kallaði hún eftir því
að alþjóðasamfélagið þrýsti á Rússa
um að heimila brottflutning hinna
særðu, sem og óbreyttra borgara
sem leitað hafa skjóls þar. Búið er að
flytja á brott allar konur, börn og
gamalmenni sem höfðust við í verk-
smiðjunni.
Fimm byggingar eyðilögðust og
verslunarmiðstöð varð eldi að bráð
eftir að Rússar skutu eldflaugum í
fyrrinótt á hafnarborgina Ódessa.
Sagt var að einn hefði látist í árás-
unum, en þær komu örfáum klukku-
stundum eftir að Charles Michel, for-
seti leiðtogaráðs ESB, heimsótti
borgina.
Michel þurfti raunar meðan á
heimsókn hans stóð að leita skjóls í
örskamma stund meðan Rússar
gerðu eldflaugaárás, en hann var þá
á fundi með Denys Smíhal, forsætis-
ráðherra Úkraínu.
Ríki Evrópusambandsins ræða nú
enn mögulegar refsiaðgerðir á hend-
ur Rússum eftir að stjórnvöld í Ung-
verjalandi sögðust um helgina ekki
styðja þær tillögur sem fram-
kvæmdastjórn sambandsins hefði
lagt fram um bann á innflutning á
olíu frá Rússlandi.
Frakkar, sem fara nú með forsæti
ESB, sögðu í gær að Ungverjar
kynnu að samþykkja slíkt bann á
næstunni, og þá jafnvel fyrir lok
þessarar viku. Clement Beaune,
Evrópumálaráðherra Frakklands,
sagði að unnið væri hörðum höndum
að því að finna lausn sem Ungverjar
gætu sætt sig við. Ursula von der
Leyen, forseti framkvæmdastjórnar-
innar, ræddi við Viktor Orbán, for-
sætisráðherra Ungverjalands, á
mánudaginn, og sagði hún að þær
viðræður hefðu skilað nokkrum
árangri.
Óvænt heimsókn ráðherra
Annalena Baerbock, utanríkisráð-
herra Þýskalands, og Wopke
Hoekstra, utanríkisráðherra Hol-
lands, heimsóttu í gær Úkraínu, en
ekki var tilkynnt um heimsókn þeirra
fyrirfram. Baerbock nýtti ferðina til
að kanna aðstæður í Bútsja á meðan
Hoekstra heimsótti Irpín en Rússar
eru sakaðir um að hafa framið fjölda-
morð á óbreyttum borgurum þar áð-
ur en þeir flúðu frá Kænugarði.
Baerbock sagði að Bútsja væri
staður þar sem „verstu mögulegu
glæpir“ hefðu átt sér stað. „Við
skuldum fórnarlömbunum það, að
minnast þeirra ekki bara hér, heldur
einnig að gerendurnir sæti ábyrgð,“
sagði Baerbock.
Hoekstra sagði að rústir Irpín
sýndu hvaða áhrif stríðið hefði haft á
Úkraínu, og að það mætti ekki hjá
líða að refsa fyrir þá glæpi sem
framdir hefðu verið í innrásinni.
Sagði Hoekstra að Hollendingar
væru og myndu áfram styðja við
rannsóknir Alþjóðaglæpadómstóls-
ins, en þeir hafa einnig sent rann-
sóknarteymi til Úkraínu.
Spurning um stríð eða frið
Dmítró Kúleba, utanríkisráðherra
Úkraínu, tók á móti ráðherrunum
tveimur og sagði við það tækifæri að
Úkraínumenn væru þakklátir þýsk-
um stjórnvöldum fyrir að hafa skipt
um skoðun varðandi hertar refsi-
aðgerðir gegn Rússum, sem og
ákvörðun þeirra að senda þungavopn
til landsins. „Við skiljum að þetta var
erfið ákvörðun fyrir Þýskaland,“ seg-
ir Kúleba, og bætti við að Evrópu-
sambandsaðild Úkraínu væri spurn-
ing um stríð eða frið í Evrópu.
Vísaði hann þar mögulega til um-
mæla Emmanuels Macron Frakk-
landsforseta, sem sagði í fyrradag að
það gætu liðið mörg ár ef ekki ára-
tugir áður en Úkraína gæti fengið að-
ild að ESB.
Lagði Macron því til að stofnað
yrði víðtækara samband lýðræðis-
ríkja í Evrópu, sem gæti þá náð til
Bretlands, Úkraínu og annarra ríkja
sem standa utan sambandsins.
Gitanas Nauseda, forseti Lithá-
ens, fordæmdi hins vegar hugmynd
Macrons og sagðist líta á hana sem
tilraun til að „fela hinn augljósa skort
á pólitískum vilja til að veita [Úkra-
ínu] stöðu umsóknarríkis“.
Nauseda sagði að það væri ekki
gott, og að líklega hefði átt að spyrja
Úkraínumenn álits áður en hug-
myndinni var varpað fram, og hvort
hún stæðist væntingar þeirra.
Enn barist um stálverksmiðjuna
- Eldflaugum skotið á Ódessa - Rætt
við Ungverja um innflutningsbann á olíu
- Fordæmir hugmyndir Macrons
KÆNUGARÐUR
ÚKRAÍNA
Staða herja, 9.maí, 19:00GMT
10.maí 07:00GMT:
Svæði þar sem
Rússar eru með
aðgerðir/árásir
Svæði sem
Rússar segjast
ráða yfir
Kortagögn: OSM
Heimildir: Fréttastofur AFP, Institute for the Study ofWar og Critical Threats-verkefni AIE,
Úkraínuher, Franska hermálaráðuneytið
Sprengingar/Árásir Bardagar
Svæði sem hafa verið
frelsuð og gagnsóknir
Úkraínumanna
Kortið er ekki tæmandi, helstu atvik sem tilkynnt var umáundangengnumsólarhring
Áætlað á
valdi Rússa
Svæði þar sem
skæruliðar eru
sagðir virkir
Innrás Rússa í Úkraínu
M
O
L
D
Ó
V
A
Svæði á valdi
aðskilnaðarsinna
fyrir innrásina
ÚKRAÍNA
Lúhansk
Asov-haf
Kramatorsk
Karkív
Kerson
Saporisjía
Ódessa
Maríupol
Donetsk
Míkólaív
KÆNUGARÐUR
Dnípró
Svartahaf
Innlimaðaf
Rússlandi 2014
AFP/ Sergei Supinsky
Kænugarður Baerbock nýtti tæki-
færið til að draga þýska fánann að
húni við sendiráðið í Kænugarði.
Avril Haines, yfirmaður leyniþjón-
ustustofnana Bandaríkjanna, sagði í
gær að Vladimír Pútín Rússlands-
forseti hefði enn miklar vonir um að
Rússar myndu ná hernaðarmark-
miðum sínum í Úkraínu, en að það
gæti reynst erfitt að ná þeim án al-
mennrar herkvaðningar. Fundaði
hún í gær með varnarmálanefnd öld-
ungadeildar Bandaríkjaþings og
ræddi þar stöðuna í Úkraínu.
Haines sagði þar meðal annars að
mat Bandaríkjastjórnar væri að
Pútín væri að undirbúa sig fyrir
langt stríð í Úkraínu, og að hann
vildi leggja undir sig meira land-
svæði en bara það sem tilheyrði
Donbass-héruðunum tveimur. Sagði
Haines hættu á að hegðun Rússa
yrði ófyrirsjáanlegri og að þeir
myndu jafnvel reyna að stigmagna
átökin á næstu mánuðum til að ná
markmiðum sínum.
Gæti sett á herlög
„Núverandi þróun eykur líkurnar
á að Pútín forseti muni grípa til
meiri örþrifaráða, þar á meðal að
setja á herlög, breyta iðnaðarfram-
leiðslu landsins, eða mögulega stig-
vaxandi hernaðaraðgerða til að losa
um þau úrræði sem hann þarf til að
ná markmiðum sínum,“ sagði
Haines.
Taldi Haines að Rússar gætu
meðal annars reynt að ógna með
kjarnorkuvopnum sínum, og að ef
Pútín teldi að ekki hefði verið hlust-
að á þær hótanir, gæti hann boðað til
tilrauna með eldflaugar eða kjarn-
orkuvopn Rússa.
Haines sagði hins vegar það einn-
ig vera mat Bandaríkjastjórnar að
Pútín væri ólíklegur til að beita þeim
nema ef „tilvistarleg ógn“ steðjaði
að Rússlandi. Engu að síður fylgdist
Bandaríkjastjórn vel með kjarn-
orkuherafla Rússa.
Búa sig undir langt
stríð í Úkraínu
- Ekki mikil hætta á kjarnorkuárás
AFP/Kirill Kudryavtsev
Sigurdagur Pútín gæti boðað til al-
mennrar herkvaðningar að mati
bandarísku leyniþjónustustofnananna.