Morgunblaðið - 24.05.2022, Side 8

8 FRÉTTIR
Innlent
MORGUNBLAÐIÐ ÞRIÐJUDAGUR 24. MAÍ 2022
Ekki er hægt að búa forseta
Bandaríkjanna undir allar
spurningar fréttamanna á erlendri
grund, nái þeir óvænt að skjóta á
hann spurningu, sem er sjaldgæft í
tilviki núverandi
forseta.
- - -
Biden er í síðbú-
inni ferð í Asíu
og var í Japan
spurður hvort
Bandaríkin myndu
grípa til varna gerði
Kína innrás í Taív-
an. Þessi spurning
var ein þeirra allra
fyrirsjáanlegustu.
- - -
’’
Já,“ svaraði
Biden. Frétta-
maðurinn virtist undrandi og ítrek-
aði hvort rétt væri skilið. Biden
ítrekaði að þetta væri skuldbinding
Bandaríkjanna.
- - -
Hinum megin á hnettinum ruku
nafnlausir stjórnendur
Bidens í Hvíta húsinu til og „stað-
festu!“ svar forsetans en með skýr-
ingum sem gerðu það að engu!
Þetta er orðið algengt og veikir
mjög stöðu forsetans.
- - -
Áhrifamenn í flokki repúblikana,
eins og Newt Gingrich, fyrr-
um áhrifamikill leiðtogi fulltrúa-
deildar þingsins, taldi Biden hafa
svarað spurningunni eðlilega og
rétt, en sagði óðagot og leiðrétt-
ingar skósveina hans í órafjarlægð
veikja Bandaríkin og rugla banda-
menn þeirra í löndunum sem forset-
inn heimsækir.
- - -
Talsmenn Kínastjórnar voru
óhressir með svar Bidens en
skipuðu sér í lið handlangaranna í
Hvíta húsinu er leiðréttingin kom.
Traustið vex seint með slíkum
skrípaleik sem er of algengur.
Biden í Tókýó.
Enn leiðréttir
Baldur Konna
STAKSTEINAR
Konni
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Flóttafólki sem dvelur á Hótel Sögu
verður vísað í önnur úrræði innan
viku. Ágætlega gengur að koma fólk-
inu í ný úrræði, að sögn Gylfa Þórs
Þorsteinssonar, aðgerðastjóra teym-
is um móttöku flóttafólks frá Úkra-
ínu. Framtak Háskólans á Bifröst er
meðal úrræðanna en þar verður 150
flóttamönnum boðið húsnæði.
„Margt af fólkinu var komið með
húsnæði sjálft og öðrum bauðst að
flytja til dæmis á Bifröst,“ segir
hann. „Þetta er þannig að við höfum
til dæmis húsnæði eins og Bifröst
upp á að bjóða en ef fólk þiggur það
ekki, þá er það undir því sjálfu komið
að finna sér húsnæði á meðan það er
í okkar umsjón og áður en það fer
yfir til sveitarfélaganna.“ Spurður
hvort margir séu enn á Hótel Sögu
svarar Gylfi játandi. „Það er tölu-
verður fjöldi eftir en Hótel Saga er
náttúrlega bara skammtímahúsnæði
sem við notum áfram, þannig að það
koma nýir einstaklingar til landsins
og fara þá meðal annars þar inn.“
Hótel Saga hefur útvegað að
minnsta kosti sextíu manns á flótta
frá Úkraínu gististað, frá því að inn-
rás Rússa hófst í febrúar. Fram-
kvæmdir standa nú yfir á Hótel Sögu
en ríkissjóður og Félagsstofnun
stúdenta keyptu húsnæðið í lok síð-
asta árs.
Flutt frá Hótel Sögu innan viku
- Ágætlega gengur að vísa flóttafólki
sem dvelur á Hótel Sögu í önnur úrræði
Morgunblaðið/Kristinn Magnússon
Hótel Hótel Saga er skammtíma-
húsnæði fyrir flóttafólk frá Úkraínu.
Náttúrufræðistofnun Íslands barst
nýlega fallegur trjábukkur frá Nátt-
úrustofu Austurlands. Hann fannst
lifandi og var talinn hafa borist með
gámi. Hann tilheyrir tegund sem
kallast dílabukkur (Saperda perfor-
ata) og hafði aðeins einu sinni áður
fundist hérlendis, þ.e. í mars 2015 í
Njarðvík, skrifar Erling Ólafsson á
facebook-síðu sína Heim smádýr-
anna. Tegundin elst upp í viði aspar-
trjáa, finnst víða í Evrópu og austur
til Síberíu.
„Trjábukkar eru margir hverjir
með fallegustu bjöllum, sumir að
auki með þeim stærstu. Þeir hafa af-
ar langa og grófgerða fálmara og er
nafngiftin kennd við stórhyrnda
geithafra (þ.e. bukka). Engin tegund
trjábukka lifir á Íslandi en margar
hafa borist til landsins, einkum með
innfluttum viði en lirfur þeirra alast
upp inni í trjáviði,“ skrifar Erling.
Breyttist í safngrip
Hann var spurður á Facebook-
síðunni hvað orðið hefði um trjá-
bukkinn og hvort hann gæti lifað
hérlendis. Í svari Erlings segir að
bukkurinn hafi snúið tám upp í loft
daginn eftir að hann barst og breytt
stöðu sinni í safngrip. Þá þykir Er-
ling ekki líklegt að bjalla þessi geti
lifað hér. aij@mbl.is
Fallegur og sjald-
gæfur trjábukkur
Ljósmynd/Erling Ólafsson
Dílabukkur Stór bjalla með afar langa og grófgerða fálmara.
SKVÍSAÐU ÞIG UPP
FYRIR SUMARIÐ
STÆRÐIR 1428
Stuttbuxur
7.990 kr
Stærðir 42-56
Hlýrabolur
3.490 kr
Stærðir 42-60
Stuttermabolur
3.990 kr
Stærðir 42-60
Verslunin CURVY | Fellsmúla 26 við Grensásveg, 108 RVK | Sími 581-1552 | www.curvy.is
SU KO
CURVY
Frábært úrval af fatnaði í stærðum 42-60
Skoðað úrvalið eða pantað í netverslun www.curvy.is
Afgreiðslutímar í verslun Curvy
í Hreyfilshúsinu við Grensásveg
Alla virka daga frá kl. 11-18
og Laugardaga frá kl. 11-16