Morgunblaðið - 03.06.2022, Page 12

12 FRÉTTIR
Innlent
MORGUNBLAÐIÐ FÖSTUDAGUR 3. JÚNÍ 2022
Laugavegi 178, 105 Reykjavík | Sími 551 3366 | misty.is
Opið virka daga kl. 11-18, laugardaga kl.10-14
NET EFFECTS
NET EFFECTS Bralette í stærðum 32-42 á kr. 7.850,-
NET EFFECTS buxur í stærðum S-XL á kr. 4.990,-
3. júní 2022
Gengi Kaup Sala Mið
Dollari 127.99
Sterlingspund 160.99
Kanadadalur 101.29
Dönsk króna 18.429
Norsk króna 13.65
Sænsk króna 13.087
Svissn. franki 133.04
Japanskt jen 0.9886
SDR 172.66
Evra 137.1
Meðalgengi/Viðskiptavog þröng 171.8783
BAKSVIÐ
Baldur Arnarson
baldura@mbl.is
Samanlagt hafa Isavia, Airport
Associates og Icelandair ráðið tæp-
lega þúsund starfsmenn á Kefla-
víkurflugvöll fyrir sumarið. Fjöldi
farþega í maí var 9% umfram nýlega
spá Isavia en áður hafði félagið spáð
um og yfir 5,7 milljónum farþega í ár.
Til samanburðar fóru 9,8 milljónir
farþega um völlinn metárið 2018 og
7,25 milljónir farþega árið 2019. Um-
ferðin hrundi síðan í farsóttinni.
Sterk fylgni hefur verið milli flug-
umferðar og fjölda starfsmanna á
Keflavíkurflugvelli síðustu ár.
Brynjar Már Brynjólfsson, mann-
auðsstjóri móðurfélags Isavia, segir
um 700 manns hafa starfað á Kefla-
víkurflugvelli um síðustu áramót.
Síðan hafi verið ráðnir um 300 sum-
arstarfsmenn. Samanlagt verði því
um 950 starfsmenn í sumar, en þeir
voru 700 í fyrrasumar. Það er 36%
fjölgun milli ára.
Brynjar Már segir að eftir sum-
arið verði hluti sumarstarfsmanna
mögulega fastráðinn en fjöldinn sé
ekki kominn á hreint.
Áhersla á Suðurnesjamenn
Hann segir aðspurður að Isavia
geri kröfu um að starfsfólk sé ís-
lenskumælandi.
„Það hefur gengið vonum framar
að ráða sumarfólk. Við leggjum
áherslu á að ráða fólk frá Suðurnesj-
um og nærsamfélaginu en vegna
fjöldans höfum við þurft að sækja
fólk á höfuðborgarsvæðið.
Við höfðum áhyggjur af því að við
næðum ekki að manna sumarið en
betur gekk en á horfðist og það hefur
gengið mjög vel. Það er áskorun að
ráða fólk sem síðan fær boð um starf
annars staðar. Það eru auðvitað allir
að berjast um fólkið. Við búum að því
að hafa vaktavinnu sem margir
kjósa, ekki síst á sumrin. Það hefur
verið aðdráttarafl fyrir marga,“
segir Brynjar Már.
Víða um heim glími flugvellir við
manneklu en Keflavíkurflugvöllur sé
kominn fyrir vind í því efni. Ástæða
þessa vanda erlendis sé ekki síst sú
að traust á slíkum störfum hafi dvín-
að í faraldrinum en störf í flug-
geiranum voru þá mjög ótrygg.
84% af fjöldanum sumarið 2018
Fjöldi starfsmanna hjá samstæðu
Isavia náði hámarki sumarið 2018 og
var þá rúmlega 1.780, að meðtalinni
flugleiðsögn, innanlandsflugi og Frí-
höfninni, en þetta þrennt eru nú
dótturfélög Isavia ohf. sem rekur
Keflavíkurflugvöll.
Til samanburðar munu um 1.500
starfa hjá félaginu í sumar, að sögn
Brynjars Más. Það vekur athygli,
enda er það 84% af fjöldanum sum-
arið 2018 þegar Wow air var enn í
rekstri. En það ár komu 2,3 milljónir
erlendra ferðamanna sem er mesti
fjöldi frá upphafi.
Með 370 starfsmenn í sumar
Airport Associates þjónustar flug-
félög á Keflavíkurflugvelli.
Sigþór Kristinn Skúlason, for-
stjóri Airport Associates, segir fyrir-
tækið hafa ráðið um 170 starfsmenn
að undanförnu. Samanlagt verði
starfsmennirnir því um 370 í sumar,
en voru 250 í fyrrasumar.
Starfsemi Airport Associates á Ís-
landi hófst árið 1997. Árið 2012 störf-
uðu um 100 manns yfir háannatíma
hjá félaginu en mest störfuðu um 700
hjá fyrirtækinu sumarið 2018.
Sigþór Kristinn rifjar upp að sum-
arið 2018 hafi fyrirtækið meðal ann-
ars þjónustað 20 farþegaþotur hjá
WOW air en til samanburðar sé Play
nú með sex þotur. Play áformi svo að
fjölga þotunum í áföngum í tíu,
þrettán og fimmtán þotur.
„Ég met stöðuna þannig að innan
tveggja ára verðum við aftur komin í
svipaða stærð og sumarið 2018 og þá
með 600-700 starfsmenn. Það held
ég að sé raunhæft markmið.
Ísland er að koma vel út úr far-
aldrinum og farþegafjöldinn er um-
fram spár. Ég hef því enga ástæðu til
að ætla annað en að Ísland verði
mjög vinsæll áfangastaður,“ segir
Sigþór Kristinn. Vel hafi gengið að
manna sumarstörfin. Rúmlega 100
af 170 sumarstarfsmönnum séu
heimamenn en hinir komi að utan.
Víða vandamál erlendis
„Við erum í öfundsverðri stöðu.
Ég er í samskiptum við fulltrúa flug-
félaga um allan heim og það er víða
gríðarlegt vandamál að manna stöð-
ur á flugvöllum. Það skýrist að hluta
af óvissunni í faraldrinum. Margir
starfsmenn hafa ekki snúið aftur til
starfa heldur leitað í störf sem þeir
telja öruggari.
Hér er verið að borga meira fyrir
þessi störf en víða erlendis. Launin
hér eru til dæmis sjöfalt hærri en á
flugvöllum í Litháen og fjórfalt
hærri en á flugvöllum í Póllandi. Hér
er greitt vaktaálag og það munar um
það,“ segir Sigþór Kristinn.
Icelandair hefur ráðið um 1.200
manns fyrir sumarið. Alls munu því
3.600 starfa hjá því í sumar en starfs-
menn voru 2.500 í fyrrasumar.
Af þessum 1.200 sem voru ráðnir í
sumar eru um 500 á jörðu niðri, á
Keflavíkurflugvelli og í þjónustuveri.
Elísabet Helgadóttir, fram-
kvæmdastjóri mannauðssviðs Ice-
landair, segir áhugann mikinn.
„Mikil aðsókn hefur verið í störf
hjá okkur í sumar og gengið mjög vel
að ráða fólk. Það hefur verið sérlega
ánægjulegt að fá stóran hóp sam-
starfsfélaga okkar aftur til starfa,
auk þess sem við hlökkum til að
starfa með nýju fólki sem er komið
til liðs við okkur.“
Ráða þúsund manns á flugvöllinn
Morgunblaðið/Eggert
Aflstöð í hagkerfinu Keflavíkurflugvöllur var orðinn einn stærsti, ef ekki stærsti vinnustaður landsins, í ferðaútrásinni. Umsvifin aukast nú á ný.
- Isavia, Airport Associates og Icelandair hafa ráðið alls þúsund manns á Keflavíkurflugvöll í sumar
- Forstjóri Airport Associates segir laun á flugvellinum allt að sjöfalt hærri en á flugvöllum í Litháen
Fjárfestingarfé-
lagið Miðeind ehf.,
sem er í eigu fjár-
festisins Vilhjálms
Þorsteinssonar,
hefur aukið hluta-
fé sitt úr 37 millj-
ónum kr. upp í
tæpar 270 m. kr..
Samkvæmt árs-
reikningi fyrir árið
2020 var tap fé-
lagsins tæplega 34 milljónir og jókst
það á milli ára um ríflega 32 m.kr.
Vilhjálmur segir í samtali við Morg-
unblaðið að aukningin sé ekki vegna
nýrra fjárfestinga. Hún sé bókhalds-
legt atriði. Einungis sé um að ræða
umbreytingu á skuld Miðeindar við
móðurfélagið Meson Holding S.A. í
Lúxemborg í hlutafé.
„Þetta er uppsöfnuð skuld frá fyrri
árum. Þetta er smá vorhreingerning,“
segir Vilhjálmur. „Ég er að taka til í
efnahagsreikningnum.“
Vinnur að máltækni
Spurður um helstu starfsemi Mið-
eindar segir Vilhjálmur að félagið
vinni einkum að verkefnum er snúa að
máltækni og gervigreind. „Við erum
með vörur eins og snjallsímaforritið
Emblu og vinnum að vélþýðingu,
lestri á texta og málrýni.“
Um notkun tæknibúnaðarins segir
Vilhjálmur að þúsundir notenda séu
með Emblu uppsetta í símum sínum.
Eins og áður hefur komið fram í
Morgunblaðinu er Embla fyrsta ís-
lenska „radd-appið“ sem talar og skil-
ur íslensku.
Samkvæmt ársreikningi Miðeindar
námu eignir félagsins í lok árs 2020
661 milljón króna og höfðu þá lækkað
milli ára um rúmlega 28 m.kr.
Eigið fé félagsins var í lok 2020
tæpar 500 milljónir króna en var 533
m.kr. árið á undan. tobj@mbl.is
Vorhreingerning
hjá Miðeind ehf.
Vilhjálmur
Þorsteinsson
- Jók hlutafé í 270 milljónir króna