Sjómannablaðið Víkingur - 01.01.2016, Blaðsíða 23

Sjómannablaðið Víkingur – 23
annan meðvitundarlausan. Farið var
með hinn látna í Strandarkirkju.
Daginn eftir var farið á strandstað.
Skipið var þá horfið. Sokkið eða brotið í
spón. Þrjú lík fundust á fjöru og voru
þau flutt í Strandarkirkju. Fimmta líkið
fannst nokkuð löngu seinna.
Heimkoman
Eftir vikubið í Reykjavík fóru skipbrots-
menn til Færeyja með Dronning Alex-
andrine. Fjórar líkkistur voru í lest. Sá er
síðast fannst kom seinna. Hvílir einnig í
heimalandi sínu.
Fjöldi fólks var á hafnarbakkanum að
taka móti lífs og liðnum af Ernestine
þegar Dronning Alexandrine kastaði
akkerum framan Klakksvíkur.
Tveir bátar voru sendir út að skipinu
til að sækja skipbrotsmenn og var Jogvan
Kjölbro útgerðarmaður í öðrum þeirra.
Dávur skipstjóri var svo niðurdreginn
eftir slysið að hann treysti sér ekki frá
borði.
Jogvan fór þá um borð til bróður síns
og saman komu þeir niður landganginn.
Fyrst voru líkin hífð frá borði en síð-
an komu þeir sem lifðu slysið af.
Sigling skipsins fyrir strandið var
krufin til mergjar í sjórétti. Öllum skip-
stjórnarmönnum bar saman um að við
skipstjórann væri ekki að sakast. Þung
undiralda, straumar með ströndinni
og algjört dimmviðri hafi í raun verið
orsakavaldur þess hvernig fór.
Lífið heldur áfram
Jógvan Kjölbro og bróðir hans Dávur í
Gerðum létu mótlætið ekki beygja sig.
Nýtt skip var smíðað í Frakklandi
fyrir þá bræður með 1600 skippunda
burðargetu og fékk það nafnið Skálanes.
Skipið kom til Færeyja vorið 1931.
Dávur Joensen tók við skipstjórn á
skipinu og það segir sína sögu að níu af
þeim sem með honum voru á Ernestine
réðu sig hjá honum á nýja skipið.
Seinna var sonur hans, Óli Joensen,
með Skálanesið til fjölda ára.
Ziska Jacobsen var sæmdur heiðurs-
orðum fyrir frækilega framgöngu við
björgun skipsfélaga sinna á Ernestine.
Vatnagarðar 16, Reykjavík, s. 568 6625, velarehf.is
Við látum dæluna ganga
• Dælur
• Dæluviðgerðir
• Ásþétti
• Rafmótorar
• Vélavarahlutir
Viðgerðir • Tæringarvarnir
Keramikhúðun
Fyrir Eftir
Dronning Alexandrine flutti skipverjana sem eftir lifðu til Færeyja og fjögur lík. Það fimmta kom seinna.
Hafið hélt fjórum.