Mosfellingur - 17.03.2022, Blaðsíða 22

- Bókasafnsfréttir22
Bókasafn Mosfellsbæjar
Hver hlutur á sinn stað
Athugulir bókasafnsgestir hafa kannski tek-
ið eftir því að nú eru bækurnar fyrir yngstu
lesendurna merktar með staf efst í hægra
horni. Þetta er nýjung á vegum Bókasafns
Mosfellsbæjar til að auðvelda börnum að
ganga sjálf frá bókunum í barnahorninu.
Hólfin fyrir bækurnar eru merktar með
bókstöfum og bækur með samsvarandi
bókstaf eiga heima þar. Það verður því að
nokkurs konar leik fyrir barnið að finna rétt
hólf og ekki skemmir fyrir ef þetta hjálpar
því að læra stafrófið.
Ný sýning verður opnuð í Listasal Mos-
fellsbæjar föstudaginn 18. mars kl. 16-
18. Sýningin heitir Volcanoroids og þar
verða sýndar ljósmyndir Guðmundar Óla
Pálmasonar (einnig þekktur sem Kuggur).
Viðfangsefnið er gosið í Fagradalsfjalli en
19. mars verður einmitt komið eitt ár frá
upphafi þess.
Guðmundur Óli er lærður ljósmyndari
sem hefur haldið fjölmargar sýningar og
hafa verk hans birst í allnokkrum erlendum
tímaritum. Guðmundur Óli hefur í gegn-
um árin þróað sína eigin einstöku aðferð í
listsköpun sinni. Hann tekur ljósmyndirnar
á Polaroid flysjufilmur, gjarnan útrunnar,
og bætir við ýmsum efnum í framköllun-
arferlinu.
Viðfangsefninu og myndrammanum er
þá stýrt af Guðmundi Óla en síðan slepp-
ir hann tökunum með því að láta efnin
hafa sín óútreiknanlegu áhrif á filmuna.
Við þetta fá myndirnar óraunverulegan,
draumkenndan og jafnvel drungalegan
blæ.
Þess má geta að degi eftir opnun Vol-
canoroids verður ný heimildarmynd um
eldgosið í Fagradalsfjalli, Fire and Iceland,
frumsýnd í Bíó Paradís og þar er m.a. fjall-
að um ljósmyndir Guðmundar Óla. Síðasti
sýningardagur Volcanoroids er 13. apríl.
Listasalur Mosfellsbæjar
Eldfjalladýrð
Þverholt 2 I Mosfellsbær 270 I Sími 525 6700 I mos.is
Íþrótta- og tómstundanefnd Mosfellsbæjar auglýsir eftir umsóknum vegna úthlutunar styrkja
til efnilegra ungmenna sem leggja stund á íþróttir, tómstundir eða listir yfir sumartímann.
Styrkir til efnilegra ungmenna
Öll ungmenni á aldrinum 16-20 ára, (f. 2002, 2003, 2004
og 2005) með lögheimili í Mosfellsbæ, sem skara fram
úr og/eða hafa sýnt sérstaka hæfileika á sínu sviði
geta sótt um styrkinn.
Markmið styrksins er meðal annars að gefa einstaklingum
sömu tækifæri og jafnöldrum þeirra til að njóta launa frá
bænum á sama tíma og þau stunda list sína, íþrótt eða
tómstund yfir sumartímann.
Styrkurinn er fólginn í launum frá Mosfellsbæ og greitt
í samræmi við önnur sumarstörf hjá Mosfellsbæ.
Sótt er um rafrænt á íbúagátt Mosfellsbæjar.
Skilafrestur umsókna er til og með 20. mars 2022.
Athygli er vakin á að unglingum á aldrinum 13-15 ára (f. 2006,
2007 og 2008) sem taka þátt í til dæmis landsliðsverkefnum
og/eða verkefnum fyrir félög/félagasamtök á vinnutíma
vinnuskóla verður gefinn sá möguleiki að sækja formlega um
leyfi á launum á þeim tíma sem að verkefnið varir.
Skilyrði er að viðkomandi verði skráður í vinnu í Vinnuskóla
Mosfellsbæjar og skili þar lágmarks vinnuframlagi.