Austurglugginn - 26.04.2013, Blaðsíða 2

2 AUSTUR · GLUGGINN Föstudagur 26. apríl
Krafan um breytingar í
samfélaginu er hávær og
hefur alltaf verið. Þannig
hefur maðurinn þróað
samfélag sitt til hins betra
með ýmsum feilsporum og
lært af mistökum sínum.
En hvernig breytum við
samfélaginu til hins betra
nema ræða okkur niður
á skynsamlegustu leiðina sem allra
flestir geta sætt sig við? Í því hraða-
dýrkandi samfélagi sem við lifum í
þurfum við í fyrsta lagi að átta okkur
á að skyndilausnir til skamms tíma
hafa ekki varanleg áhrif. Þess vegna
þurfum við að hugsa
lengra, til þess sem hefur
áhrif á samfélagið til hins
betra. Hvert og eitt okkar
vill alltaf gera gott samfé-
lag betra. Þess vegna tekur
fólk þátt í stjórnmálastarfi
til að ná fram umbótum og
hafa áhrif. Stefna Fram-
sóknarflokksins er róttæk
miðjustefna með rökhugsun og skyn-
semi að leiðarljósi þar sem öfgum til
hægri og vinstri er hafnað.
Til að ná fram breytingum verðum
við að velta ýmsum leiðum fyrir okkur
án þess að taka fyrirfram afstöðu með
eða á móti. Við þurfum að átta okkur
á því að engin ein miðlæg lausn gildir
endilega fyrir allt samfélagið. Því til
stuðnings vil ég nefna heilbrigðis-
kerfið. Heilsugæsluna þarf að styrkja
sem allra víðast þannig að heilbrigð-
iskerfið í heild sinni verði ódýrara í
rekstri til lengri tíma. Það þýðir að
efla þarf heilsugæslustöðvar um allt
land, styrkja hverja útstöð sem fækkar
komum á stærri spítala.
Við verðum að vera óhrædd að
varpa fram nýjum hugmyndum.
Hvert samfélag á allt sitt undir jafn-
vægi. Víða á Íslandi hafa lífskjör verið
fengin að láni, láni sem stökkbreyttist
vegna hamfara í efnahagskerfinu. Á
þessum vanda verður að taka þannig
að sagan endurtaki sig ekki og það
verður m.a. gert með því að afnema
verðtryggingu af neytendalánum.
Ekkert réttlætir að lánþegar sitji einir
uppi með afleiðingar stökkbreyttra
lána. Íslensk heimili eru mörg of
skuldsett. Á móti skuldinni ætti að
vera eign. Við hrunið hrapaði hús-
næðisverð og því eru skuldir hærri
en eignin sjálf þegar lánin stökk-
breyttust. Efnahagskerfið sem við
mennirnir sköpuðum hrundi og
afleiðingar þess sjáum við nú líkt
og náttúruhamfarir. Þetta kallar á
hugarfarsbreytingu.
Hugsum lengra, verum óhrædd
við setja fram nýjar hugmyndir sem
kalla á breytingar á samfélaginu til
hins betra.
Hjálmar Bogi Hafliðason
5. sæti Framsóknar í NA-kjördæmi
Mikill rígur hefur þróast milli
höfuðborgarsvæðisins og lands-
byggðarinnar undanfarin ár og
áratugi. Birtingarmyndir hans eru
ýmsar, en ein sú alvarlegasta er
umgengni borgarstjórnar um mál-
efni Reykjavíkurflugvallar. Nú blasir
við að vegna gerræðis stjórnenda
þessa einstaka sveitarfélags munu
koma þeir dagar, fáeinir á ári, þar
sem ekki einu sinni verður unnt
að lenda sjúkraflugvél neins staðar
á suðvesturhorninu, hversu mikið
sem við liggur því borgaryfirvöld
hafa nú haft það í gegn að svipta
okkur þeirri einu flugbraut sem
snýr gegn suðvestri/norðaustri, svo
í miklum vindstyrk úr þeim áttum
lokast flugvöllurinn. Um leið er þó
ætlast til að landsmenn allir taki þátt
í að kosta steypuskrýmsli utan um
LHS, þungamiðju heilbrigðisþjón-
ustu í landinu, einmitt í borginni.
Fleiri nýbyggingar eru fyrirhugaðar, í
Reykjavík, fyrir milljarðatugi, á sömu
forsendum um kostnaðarþáttöku
allra landsmanna, um leið og sam-
göngubætur á landsbyggðinni, jafn-
vel niðurgreiddar með notkunar-
gjöldum, eru rakkaðar niður sem
kjördæmapot. Ath. þessi rígur er
ekki svo mikill meðal almennings,
heldur fyrst og fremst á stjórn-
sýslustiginu. Enda eru borgarbúar
almennt mjög hlynntir flugvellinum
okkar en önnur öfl og hvatir (fjár-
hagslegar) liggja að baki þessari
andúð gegn honum. Vandinn á bak
þið þennan ríg liggur í miðstýrðu
valdi, þ.e. þeirri staðreynd að lands-
byggðin öll þarf að glíma við mið-
stýrt fjárveitingavaldið í
borginni, þrátt fyrir að
fjármunirnir sem þessi
miðstýring sýslar með
hafi orðið til að mestu á
landsbyggðinni. Það er
eðli miðstýringar, í hvaða
mynd sem hún er, að sanka
til sín völdum og fjár-
munum af því svæði sem
vald hennar nær yfir, og skammta
það síðan til baka eftir eigin geð-
þótta. U.þ.b. helmingur þess fjár-
magns sem flyst frá landsbyggð
til borgar verður þannig eftir í
stjórnsýslunni í borginni. Við sem
skipum hin nýju stjórnmálasamtök
Regnbogann, hér í NA kjördæmi,
leggjum því til að spornað verði við
þessu með því að landinu okkar
verði skipt upp í smærri einingar, t.d.
fjórðunga, sem hafa með höndum
stýringu á því fjármagni sem til
verður í því héraði, eftir að skattar
hafa verið greiddir af því til ríkis-
sjóðs. Þessi héruð hafi þannig tölu-
vert sjálfstæði í sínum samgöngu-
bótum sem og rekstri heilbrigðis- og
menntakerfis. Hugmyndin gengur
út á að framfarir hvers landshluta séu
á forsendum heimahéraðsins fremur
en miðstýrðs ríkisvalds. Þetta teljum
við t.d. grundvöll þess að efla megi
heilsugæslu á landsbyggðinni í raun,
líkt og margir flokkar tala nú um,
fjálglega mjög. Eða hver
er t.a.m. reynslan af flutn-
ingi skólanna til sveitar-
félaganna? Þá yrði t.d.
ekki lengur í valdi þess-
arar sömu miðstjórnar að
fresta í sífellu nauðsyn-
legum umbótum flug-
brautarinnar á Norðfirði,
sem þjónar sjúkraflugi til
og frá fjórðungssjúkrahúsinu þar.
Við teljum einnig að með þessu yrði
öll fjársýsla á landsvísu ábyrgari, að
höfuðborgin okkar finni betur til-
gang sinn með þeim titli og hugsi
þannig lengra út fyrir sinn ramma, að
þessi rígur sem skapast af miðstýrðri
fjársýslu, milli Reykjavíkur og lands-
byggðar hverfi, alla vega að mestu.
Frekari kynningu á stefnu okkar
má finna á vefsíðunni regnboginn.
is. Listabókstafur Regnbogans er
„J“. Við óskum þjóðinni farsældar á
komandi kjörtímabili.
Þorkell Ásgeir Jóhannsson,
flugmaður og í 4. sæti
Regnbogans í NA kjd.
Sjálfstæði heimahéraða
Þorkell Ásgeir Jóhannsson
Að hugsa lengra
og í lausnum
Í síðustu viku hélt Sparisjóður Norð-
fjarðar aðalfund. Þar kom fram að
staða sjóðsins hefur styrkst undan-
farið ár og góður grunnur lagður
að rekstri hans til fram-
tíðar. Undanfarin ár hafa
verið sparisjóðum víða um
land erfið og hafa sumir
þeirra ekki lifað svipting-
arnar í fjármálakerfinu af.
Sparisjóður Norðfjarðar
hefur hins vegar komist í
gegnum þetta erfiða tíma-
bil með dyggum stuðningi
eigenda og með nauðsyn-
legri hagræðingu í rekstri. Sjóður-
inn hefur náð að uppfylla hertar
eiginfjárkröfur Fjármálaeftirlitsins
jafnframt því að standa undir stór-
auknum álög um skatta á fjármála-
fyrirtæki. Sjóðurinn er því vel í stakk
búinn að þjónusta viðskiptavini sína
af kostgæfni nú sem endra nær og
bjóða upp á vörur og þjónustu sem
er fyllilega samskeppnishæf við stóru
bankana.
Sérstaða Sparisjóðsins hefur í
gegnum árin falist í því að vinna
afar náið með viðskiptavinum sínum.
Þessar áherslur hafa endurspeglast
vel í könnunum í gegnum árin sem
ítrekað hafa bent til þess
að viðskiptavinir spari-
sjóðanna séu þeir ánægð-
ustu. Við lítum á það sem
meginhlutverk okkar
að veita íbúum og fyrir-
tækjum á svæðinu pers-
ónulega og fagmannlega
fjármálaþjónustu og leggja
þar með okkar af mörkum
til að efla austfirskt samfé-
lag. Einnig ber að geta þess að fimm
prósent af hagnaði Sparisjóðsins frá
og með árinu 2012 er veitt til sam-
félagsverkefna en sparisjóðirnir eru
einu fjármálastofnanirnar á Íslandi
með þetta lögbundna hlutverk.
Við erum því sannfærð um að það
skiptir Austfirðinga máli að eiga sína
eigin fjármálastofnun og erum stolt
að gegna því hlutverki.
Sparisjóðurinn mun á næstu vikum
gera átak í að kynna þjónustu sína
og vörur, meðal annars með heim-
sóknum í helstu þéttbýliskjarna á
Austurlandi.
Vilhjálmur G. Pálsson
Sparisjóðsstjóri í Sparisjóði
Norðfjarðar
Sparisjóður Norðfjarðar
sækir í sig veðrið!
Vilhjálmur G. Pálsson
Kjartan Örn Kjartansson