Morgunblaðið - 10.09.2022, Blaðsíða 25

UMRÆÐAN 25
MORGUNBLAÐIÐ LAUGARDAGUR 10. SEPTEMBER 2022
E
ftir þriðju umferð Sinqu-
field-mótsins í St. Louis
barst tilkynning frá
Magnúsi Carlsen um að
hann væri hættur keppni, en bætti
því við að sér hefði alltaf líkað vel
að tefla í St. Louis og vonaðist til að
koma þangað síðar. Skákhátíðin,
sem m.a. tengist 50 ára afmæli ein-
vígis Fischers og Spasskís, hefur
staðið yfir undanfarið, kappskák-
hlutinn nýbyrjaður og Magnús
hafði unnið Nepo í 1. umferð. Brátt
fóu að kvisast út um raunverulegar
ástæður þess að hann hætti keppni.
Hann tapaði með hvítu fyrir
Bandaríkjamanninum Hans Niem-
ann og talinn hafa grunað andstæð-
inginn um að hafa nýtt sér hugbún-
að. Hvernig það á að hafa gerst er
ekki gott að segja en í „tísti“ sínu á
Twitter kaus Norðmaðurinn að tala
undir rós og dró fram gamalt viðtal
við knattspyrnuþjálfarann José
Mourinho, sem sagði þar m.a.: „Ef
ég tjái mig lendi ég í stórkostlegum
vandræðum.“
Það er ekki hægt að leggja dóm á
það sem þarna gerðist en samt
finnst manni Magnús skulda skýr-
ingu á brotthvarfi sínu.
Hans Niemann, sem er aðeins 19
ára gamall, hefur mátt sitja undir
margvíslegum dylgjum síðustu
daga, þ.á m. frá Hikaru Nakamura.
Hann játaði raunar að hafa svindl-
að tvisvar á skákvefnum
„Chess.com“, sem oft stendur fyrir
vel skipuðum skákviðburðum, en í
fyrra skiptið var hann 12 ára og
með góðum vilja má flokka það
undir bernskubrek. Áfram mun
ríkja mikil tortryggni á skákmótum
því eftirlit er oft erfitt í fram-
kvæmd.
Aldrei að gefast upp
Það var gaman að fylgjast með
íslensku krökkunum tefla á Norð-
urlandamóti barna og ungmenna
sem fram fór í Helsingborg í Sví-
þjóð á dögunum. Ingvar Wu Skarp-
héðinsson hreppti silfurverðlaun í
sínum flokki og var um skeið efstur
á mótinu. Hann komst stundum í
hann krappan en barðist vel sbr.
eftirfarandi skák sem tefld var í 4.
umferð:
NM ungmenna 2022; 4. umferð:
Karl-Emil Elmer (Danmörk) –
Ingvar Wu Skarphéðinsson
Kóngsindversk vörn
1. d4 Rf6 2.c4 g6 3. Rc3 Bg7 4.
e4 0-0 5. Rf3 d6 6. Be2 e5 7. 0-0
exd4 8. Rxd4 He8 9. f3 Ra6 10. Be3
Rc5 11. b4 Re6 12. Hc1 a6 13. Dd2
Rxd4 14. Bxd4 Be6 15. Hfd1 c6 16.
Bf1 Dc7 17. Ra4 De7 18. Bb6 Hac8
19. Dxd6 Dxd6 20. Hxd6 Bf8 21.
Hd4 Rd7 22. a3 c5
Eðlilegur leikur en svartur átti
aðra leið, 22. … Bh6! 23. He1 Rxb6
24. Rxb6 Hed8 og d-línunni á sitt
vald með betri stöðu.
23. bxc5?
Það skilja ekki allir mátt skipta-
munarfórnarinnar. Eftir 23. Hxd7!
Bxd7 24.Rxc5 er hvítur með tvö peð
fyrir skiptamun og á góða stöðu.
23. … Rxb6 24. cxb6 Bxa3 25.
Hcd1 Be7
Biskupaparið tryggir ákveðið
jafnvægi.
26. Hc1 Bg5! 27. He1 Hed8 28.
Hxd8+ Bxd8! 29. Hd1 Be7 30. c5
a5!?
Hindrar 31. Bxa6 en samt átti
hvítur, sem var í tímahraki, að leika
31. Ba6 og staðan er í jafnvægi eftir
31. … Bxc5+ 32.Rxc5 Hxc5 33. Bxb7
Hb5 34. Bd5 o.s.frv.
31. Hc1 Bd7! 32. c6 Hxc6 33. Hd1
Hd6 34. Ha1 Bf6 35. Ha2 Bd4+
Einfaldara var 35. … Hd1 36. Kf2
Ha1! og riddarinn fellur. En úr-
vinnslan vefst ekki fyrir Ingvari.
36. Kh1 Bxa4 37. Hxa4 Bxb6 38.
Ha1 Bc5 39. h4 b6 40. Kh2 Hd2 41.
Kh3 Kf8 42. Bc4 Ke7 43. Bd5 f5 44.
Bg8 h6 45. exf5 gxf5 46. Bc4 Kf6 47.
f4 Hd4 48. Be2 Hxf4 49. g4 fxg4+
50. Bxg4 Ke5 51. Kg3 Bf2+ 52. Kh3
52. … h5! 53. Bxh5 Hxh4+ 54.
Kg2 Hxh5 55. Kxf2 Kd4 56. Ha3
He5
– og hvítur gafst upp.
Magnús Carlsen
skuldar skýringu á
brotthvarfi sínu
Skák
Helgi Ólafsson
helol@simnet.is
Morgunblaðið/Heimasíða Sinqu
Í vanda Magnús Carlsen í skákinni við Hans Niemann.
Það er svo þungt að
missa. Gildir þá einu
hvort um heilsuna er
að ræða, atvinnuna
eða hvað þá að missa
ástvini, nána vini og
félaga eða kært sam-
ferðafólk.
Tilveran er skekin á
yfirþyrmandi hátt.
Angist fyllir hugann.
Örvæntingin getur
orðið algjör. Tómarúmið hellist yfir
og tilgangsleysið virðist blasa við.
Það er svo sárt að sakna. En það
er gott að gráta. Tárin eru dýr-
mætar daggir, perlur úr lind minn-
inganna. Minninga sem tjá kær-
leika og ást, væntumþykju og
þakklæti fyrir liðna tíma. Minninga
sem þú einn átt og enginn getur af-
máð eða frá þér tekið.
Tárin mýkja og tárin styrkja. Í
þeim speglast fegurð minninganna.
Gráttu, því frelsarinn okkar Jesús,
okkar eilífi lífgjafi, sagði: „Sælir
eru sorgbitnir því að þeir munu
huggaðir verða.“
Þeir eru því sælir sem eiga Krist
í hjarta því að þeir munu lífið erfa
og eignast framtíð bjarta.
Það missir enginn eins og þú
Saga okkar, samskipti og upplif-
anir geta verið bæði misjafnar en
einnig með svipuðum blæ. Og jafn-
vel þótt við göngum mögulega öll í
gegnum svipaða hluti en þó með
okkar hætti þá er alveg víst að það
missir enginn eins og þú. Og það
syrgir enginn eins og þú. Það sakn-
ar enginn eins og þú. Því að enginn
er sem þú og enginn kemur í þinn
stað. Missir þess sem raunverulega
elskar er alltaf mikill. Og þótt and-
litið kunni sem betur fer að gleðj-
ast um stund þá getur hjartað grát-
ið.
Þeir sem vilja komast hjá því að
syrgja og sakna ættu kannski bara
að prófa að hætta að elska? Því
þeir missa mest sem
mikið elska. Sá sem
ekki elskar missir ekki
neitt en fer herfilega á
mis við sínar fallegustu
og bestu tilfinningar
og bara tilgang lífsins.
Ólýsanlega fögur
blómstrandi blóm
umhverfis lind
minninganna
Leyfum sorginni
bara að hafa sinn gang
og fara í sinn eðlilega farveg. Svo
mun það gerast, smátt og smátt, að
við gefumst upp fyrir henni og
minningarnar björtu og góðu kom-
ast að. Þær taka við, búa með okk-
ur og taka að tala og birta okkur
hinar ljúfustu myndir. Ómetanlegar
minningar sem enginn getur frá
okkur tekið og ekkert strokleður
fær þurrkað út eða afmáð.
Að harðasta vetrinum loknum fer
nefnilega aftur að vora, þótt ótrú-
legt megi virðast, og yljandi vindar
taka aftur um okkur að leika og lit-
skrúðug ólýsanlega fögur blóm
gera vart við sig, hvert af öðru.
Þau taka að spretta umhverfis lind
minninganna.
Blessaðir séu þeir sem gefa sér
tíma til að strjúka vanga og þerra
tár af kinn bara með því að faðma
og vera.
Með samstöðu-, kærleiks- og
friðarkveðju.
– Lifi lífið!
Til þeirra sem
misst hafa og
syrgja og sakna
Eftir Sigurbjörn
Þorkelsson
» Tárin eru dýrmætar
daggir, perlur úr
lind minninganna.
Minninga sem tjá kær-
leika og ást, væntum-
þykju og þakklæti fyrir
liðna tíma.
Sigurbjörn Þorkelsson
Höfundur er ljóðskáld og rithöfundur
og aðdáandi lífsins.
Jón Helgason fæddist 11.
september 1884 á Grund í
Höfðahverfi, S-Þing. Foreldrar
hans voru hjónin Helgi Helga-
son bóndi, f. 1851, d. 1938, og
Sigurfljóð Einarsdóttir ljós-
móðir, f. 1849, d. 1935.
Jón lærði skósmíði og var
einn af helstu glímuköppum
landsins. Hann réðst í för með
Jóhannesi Jósefssyni ásamt
tveimur öðrum og sýndu þeir
íslenska glímu víða um lönd.
Upp úr þessu fór Jón til
Rússlands og kenndi m.a. lög-
reglunni í Odessu íslenska
glímu. Þar giftist hann rúss-
neskri aðalskonu sem hét Olga
Olsofijeff. Þau skildu og þegar
Jón flutti til Pétursborgar var
hann gerður að kennara í leik-
fimi og sundi við herforingja-
skólann í borginni. Jón var orð-
inn auðugur maður, en tapaði
aleigu sinni í rússnesku bylt-
ingunni og kom snauður til
Kaupmannahafnar árið 1920.
Þar sneri hann sér að versl-
un og verksmiðjurekstri og
varð meðal auðugustu Íslend-
inga í Danmörku. Hann tók
virkan þátt í félagslífi Íslend-
inga og var stofnandi og for-
maður deildar Slysavarna-
félags Íslands í Höfn.
Í Danmörku kvæntist Jón
Kristínu Guðmundsdóttur, f.
30.12. 1901, d. 7.4. 1976. Þau
eignuðust einn son.
Jón lést 4.1. 1968.
Merkir Íslendingar
Jón
Helgason