Morgunblaðið - 12.09.2022, Síða 11

FRÉTTIR 11Innlent
MORGUNBLAÐIÐ MÁNUDAGUR 12. SEPTEMBER 2022
Sími 587 1717
www.sulatravel.is
Stangarhyl 1 , 110 Reykjavík
KARÍBAHAF 16.-23. febrúar 2023
ALLT INNIFALIÐ
Í ÖLLUM SIGLINGUM
EKKI BORGA MEIRA EN ÞÚ ÞARFT
Free at Sea
YFIR ATLANDSHAF
FRÁ NEW YORK
19. apríl til 9. maí 2023
KARÍBAHAF
17.-29. nóvember 2022
RÓM OG GRÍSKA EYJAHAFIÐ
11.-23. ágúst 2023
JÓLASIGLING Í KARÍBAHAF
14.-26. desember 2023
MIÐJARÐARHAF
14.-26. maí 2023
GRÍSKA EYJAHAFIÐ
FRÁ FENEYJUM
1.-14. ágúst 2023
LONDON
REYKJAVÍK
3.-15. júní 2023
Gerum tilboð fyrir hópa og einstaklinga
Nánar á www.sulatravel.is
VIÐTAL
Höskuldur Daði Magnússon
hdm@mbl.is
„Þessi ræktun er nú aðallega bensín
á þrjóskuna en ég lít þó svo á að við
séum að nálgast þetta,“ segir Þórður
Freyr Sigurðsson, viðskiptafræð-
ingur og býflugnabóndi á Uppsölum
2 í Fljótshlíð. Þórður og kona hans,
Margrét Jóna Ísólfsdóttir, hafa síð-
ustu ár prófað sig áfram við sinneps-
rækt í félagi við Björgvin Þór Harð-
arson kornbónda frá Laxárdal.
Þórður og Margrét hófu smá-
búskap með býflugur árið 2013 og
fóru í kjölfarið að velta fyrir sér
heppilegum plöntum til að rækta
fyrir þær. Þau komust fljótt að því
að sinnep væri planta sem blómstr-
aði vel og mikið og gæfi mikinn
blómasafa. Eftir nokkrar tilraunir
ákváðu þau að leita til atvinnumanns
í kornrækt til að sjá um ræktunina.
Rækta þau nú í félagi við Björgvin á
ökrum í Gunnarsholti. Þórður telur
þau smám saman nálgast markmið
sitt að fá fullan þroska í sinneps-
fræið og nota það til að framleiða
hunangssinnep þegar afurðum bý-
flugnanna hefur verið bætt við.
Fá vonandi nýtanlega uppskeru
„Við gerðum aftur tilraun í ár. Að
þessu sinni prófuðum við tvö yrki í
tveimur ökrum. Þetta eru reyndar
sömu yrki og á síðasta ári en nú
skiptum við um staðsetningu, próf-
um annan jarðveg og njótum meira
skjóls,“ segir Þórður.
Enn hefur þeim ekki tekist að ná
fullum þroska í uppskeruna í heild
sinni. Hann segir þó að ákveðnar
plöntur hafi náð að fullþroska fræin
en það hefur ekki verið í því magni
og hlutfalli að það hafi verið nýtan-
legt. „Það vantar enn eitthvað upp á.
Hvort það er bara betra sumar eða
margir samverkandi þættir eins og
jarðvegur, áburðargjöf, skjól og gott
sumar er ekki gott að segja. Ég vil
alla vega trúa að við séum á réttri
leið. Ef við sæjum ekki einhvern
árangur myndi ég hætta þessu. Það
sem heldur manni gangandi er að
þetta er planta skyld repju og næpu
og það hefur gengið þokkalega að
rækta þær hér.“
Þórður segir að einhverjar líkur
séu á því að þau fái nýtanlega upp-
skeru í ár en það kemur í ljós í októ-
ber. „Sumarið í heild var ekki mjög
gott, seinni hlutinn var frekar kald-
ur og þá held ég að hægt hafi veru-
lega á þroskanum. En miðað við
hversu haustið er milt og gott ennþá
má búast við að þroskinn haldi
áfram. Ég er passlega bjartsýnn.“
Sinnepsskortur í heiminum
Fréttir bárust af því fyrir nokkr-
um vikum að skortur væri á dijon-
sinnepi í heiminum. Uppskerubrest-
ur varð vegna þurrka í Kanada og
stríðið í Úkraínu hefur sömuleiðis
sett strik í reikninginn. Þórður telur
að einhver bið verði á því að sinn-
epsræktin hér á landi tryggi okkur
nægar birgðir þegar hart er í ári.
„Mikið vildi ég að ég gæti orðið að
liði í því! En þessar fréttir af sinn-
epsskorti fá okkur að minnsta kosti
til að hugsa um það að verða sjálf-
bær.“
Fer vel saman við
býflugnaræktina
Engan bilbug er á sinnepsbænd-
unum að finna enda fer ræktunin vel
saman við býflugnaræktina. „Hvat-
inn er frá býflugunum og þessi
draumur að ná að púsla þessu
tvennu saman. Við höfum verið með
býflugurnar við akurinn og þær hafa
sótt í blómin og líka aðstoðað við
frjóvgun á plöntunum. Þá næst
meiri uppskera á ökrunum, bæði í
sinnepinu, repjunni og nepjunni. Við
látum okkur enn dreyma um að geta
fengið fullþroskaðar plöntur og búið
til sinnep. Því yrði svo blandað við
hunangið og úr yrði hunangssinnep,
„honey dijon“. Það er leikurinn í
þessu.“
Draumur um hunangssinnep lifir
- Hjón í Fljótshlíð rækta sinnep á ökrum í Gunnarsholti í félagi við kornbónda - Hafa prófað sig
áfram um nokkurra ára skeið og vonast til að ná fullum þroska í uppskeruna - Skortur á sinnepi
Nýi þokuskúlptúrinn sem prýðir
Tryggvagötuna fyrir framan Tollhús-
ið kostaði Reykjavíkurborg 17,5 millj-
ónir. Þetta kemur fram í skriflegu
svari Kristjáns Inga Gunnlaugssonar,
verkefnisstjóra í deild gatna, lóða og
opinna svæða, við fyrirspurn Kol-
brúnar Baldursdóttur, oddvita
Flokks fólksins í Reykjavíkurborg.
Áslaug Traustadóttir hannaði
skúlptúrinn ásamt Landmótun,
teiknistofu landslagsarkitekta. Á vef-
síðu Reykjavíkurborgar kemur fram
að ætlunin með þokuskúlptúrnum sé
að bjóða upp á leik ásamt því að skapa
dulúð og stemningu.
Að mati Kolbrúnar er kostnaðurinn
ansi mikill miðað við bága stöðu leik-
skóla og annarra stofnana í borginni.
„Ég máta allan fjandann við skort á
þjónustu við börn í borginni en nú
bíða 2.012 börn eftir fagfólki leik- og
grunnskóla, sálfræðingum og tal-
meinafræðingum en það er nægur
peningur til í alls konar svona lagað,“
segir Kolbrún í samtali við Morgun-
blaðið. Kolbrún viðurkennir þó að
þokuskúlptúrinn sé vissulega
skemmtilegt verk en tekur fram:
„Það ætti að byrja á að þjónusta borg-
arana með fullnægjandi hætti áður en
farið er í pjatt og prjál.“
Morgunblaðið/Tómas Arnar
Kostnaður Kaup á búnaði og framkvæmd skúlptúrsins kostuðu 17,5 millj-
ónir skv. tilboði verktaka. Ekki kemur fram hve mikið hönnunin kostaði.
Þokuskúlptúr kost-
aði 17,5 milljónir
- Segir þjónustu eiga að ganga fyrir
Eins og fram kom í Morgun-
blaðinu í ágúst hefur verið skort-
ur á sinnepi í ár en hann má að
mestu rekja til mikilla þurrka í
Kanada hvar framleidd eru um
80% af öllum sinnepsfræjum í
heiminum. Stríðið í Úkraínu spil-
ar enn fremur inn í skortinn því
þar er framleitt talsvert af hvít-
um sinnepsfræjum, sem notuð
eru í gult sinnep og breskt sinn-
ep. Eftir að hvítu fræin urðu ófá-
anleg sóttu margir framleið-
endur í þau brúnu sem
Kanadamenn framleiða. Verðið
þrefaldaðist og því hafa fram-
leiðendur dregið saman seglin.
Fyrir vikið hefur dijon-sinnep
stundum verið ófáanlegt hér á
landi að undanförnu.
Dijon-sinnep
oft ófáanlegt
SKORTUR Í HEIMINUM
Akur Sinnepsbændurnir gera tilraunir með tvö yrki á tveimur ökrum í
Gunnarsholti í ár. Í næsta mánuði kemur í ljós hvernig til hefur tekist.
Lukkuleg Þórður Freyr Sigurðsson og Margrét Jóna Ísólfsdóttir hafa
ánægju af ræktuninni sem þau stunda í félagi við Björgvin Þór Harðarson.