Morgunblaðið - 15.09.2022, Page 28

28 FRÉTTIR
Erlent
MORGUNBLAÐIÐ FIMMTUDAGUR 15. SEPTEMBER 2022
SKEIFAN 11 - 108 RVK - S:520-1000 - SPORTIS.IS
SPORTÍS
MOOMIN ULLARNÆRFÖTIN FRÁ REIMA ERU KOMIN!
Forseti Kína, Xi Jinping, lenti í
Kasakstan í gær og hitti forseta
landsins, Kassym-Jomart Tokayev,
en heimsóknin er fyrsta utanlands-
ferð forsetans frá Kína frá upphafi
heimsfaraldursins. Forsetinn var á
leiðinni til Úsbekistans þar sem
fundur Sjanghæ-sambandsins verð-
ur haldinn í dag og á morgun.
Rauður dregill var þegar Kína-
forseti lenti í Kasakstan í gær og
athygli vakti að allir báru grímu.
Fyrir heimsóknina hafði Jinping
sagt að vilji væri fyrir samstarfi við
Kasakstan og mikilvægt væri að
styrkja tengsl þjóðanna í löggæslu
og varnar- og öryggismálum.
Kína sterkur bakhjarl
Á fundi sambandsins í dag munu
Pútín Rússlandsforseti og Xi Kína-
forseti hittast í fyrsta skipti frá inn-
rás Rússa í Úkraínu. Kínastjórn
hefur staðið þétt við bak Rússa frá
upphafi innrásarinnar, án þess þó
að fara á svig við refsiaðgerðir
Bandaríkjanna. Þá hafa ríkin tvö
boðað sífellt nánara samstarf í ýms-
um málum, þar á meðal varnar- og
öryggismálum. Utanríkisráðherra
Rússa, Júrí Ushakóv, sagði nýverið
að Sjanghæ-sambandið stæði fyrir
„réttlátri skipan í heiminum“.
Á sama tíma eru samskipti Kína
að stirðna við Bandaríkin, ekki síst
eftir heimsókn Nancy Pelosi, for-
seta fulltrúadeildar Bandaríkja-
þings, til Taívans í ágúst, en Kín-
verjar telja sig eiga sögulegt tilkall
til eyjunnar. Samband Rússa og
Bandaríkjanna hefur ekki verið
jafn stirt frá tímum kalda stríðsins,
og þykir fundur Sjanghæ-
sambandsins ekki líklegur til að
bæta þar úr.
AFP/Forsetaskrifstofa Kasakstans
Kasakstan Kassym-Jomart Toka-
yev og Xi Jinping á fundi í gær.
Boða „réttláta
skipan“ heimsmála
- Sjanghæ-sambandið fundar í dag
Kona gekk inn í
Blom-bankann í
Beirút í gær með
leikfangabyssu
og fór út með
þúsundir dollara
til að borga fyrir
krabbameinsferð
systur sinnar.
Bankaránið er
það síðasta í
hrinu rána í Líb-
anon þar sem sparifé landsmanna
hefur í reynd verið fryst í meira en
þrjú ár í skugga mikillar efnahags-
kreppu í landinu. Konan streymdi
bankaráninu á Facebook. „Ég er
Sali Hafiz, og ég kom hér í dag …
til að taka út sparifé systur minnar
sem er að deyja inni á spítala,“
sagði hún. „Ég kem ekki hér til að
myrða neinn, heldur til að sækja
rétt minn.“ Í viðtali við líbanska út-
varpsstöð sagðist Sali hafa náð 13
þúsundum af 20 þúsundum sem fjöl-
skyldan hefur lagt inn í bankann.
BANKARÁN Í BEIRÚT
Rændi banka til að
ná í eigið sparifé
Bankinn Lögregla
við bankann.
Volodimír Selenskí forseti Úkraínu
heimsótti í gær borgina Isíum í
austurhluta landsins, en hún er ein
stærsta borgin sem Úkraínuher hef-
ur frelsað frá Rússum í leiftursókn
sinni síðustu daga. Hátíðleg stund
var þegar fáni Úkraínu var dreginn
að húni í viðurvist forsetans og her-
liðsins sem frelsaði borgina.
Selenskí hét því að sigur myndi
vinnast í styrjöldinni. „Við göngum
fram á við til sigurs.“ Þá sagði Sel-
enskí að yfirtaka Rússa á Krím-
skaga 2014 væri sorgleg og fullyrti
að Úkraínuher myndi á endanum ná
að frelsa hann frá Rússum. Hann
bætti um betur á samskiptamiðlin-
um Telegram þar sem hann sagði í
gær: „Blái og guli fáninn okkar
blaktir í frelsaðri Isíum, og það
sama munum við sjá í öllum úkra-
ínskum borgum og þorpum.“
Gagnsóknir Úkraínu í austri og
suðri hafa dregið úr þeim áætlunum
Rússa að ná yfirtöku á öllu Don-
bass-svæðinu. Einnig hefur leiftur-
sókn úkraínska hersins dregið fram
ákveðna veikleika rússneska hers-
ins, sem er sagður orðinn lang-
þreyttur á stríðinu og búa við stirð-
busaleg samskipti frá herforingjum
til óbreyttra. Þá er rússneski herinn
mjög háður lestarsamgöngum um
öll aðföng. Á sama tíma eru úkra-
ínsku herdeildirnar smærri, fljótari
til aðgerða og sveigjanlegri.
Upplýsingar frá Kænugarði segja
að herlið þeirra hafi endurheimt
hundruð þorpa, bæja og borga sem
voru á valdi Rússa. Í einu þorpanna,
Bogoródítsjne, sagði hinn 58 ára
Mykola AFP-fréttaveitunni að hann
hefði naumlega lifað af hertöku
Rússa í þorpinu og að bróðir hans
hefði verið myrtur. „Hvernig er
hægt að lýsa þessu með orðum?
Þetta var mjög erfitt og ég var
hræddur,“ sagði hann. Móðir hans
Nína sagðist gráta á hverjum degi.
„Þeir drápu son minn.“
Á sama tíma hafa yfirvöld í Kreml
lítið sagt um gagnsókn Úkraínu en
hafa þó heitið því að áfram verði
barist þar til markmiðum þeirra er
náð, því Úkraína sé enn ógn við
Rússland.
Talsmaður Pútíns Rússlands-
forseta, Dmitrí Peskov, sagði við
blaðamenn í gær að Pútín yrði að
gera það sem gera þyrfti til að eyða
því sem gæti verið ógn við Rúss-
land.
Hershöfðinginn Eberhard Zorn,
yfirmaður þýska landhersins, sagði í
gær að hann vildi ekki tala um
gagnsókn Úkraínu heldur stað-
bundnar gagnárásir. Engu að síður
væru þær mesta bakslag Rússa frá
upphafi innrásarinnar. Hann segir
þó að Úkraínumönnum gæti reynst
erfitt að halda svæðunum og varar
við að her þeirra dreifi sér of víða.
„Við göngum fram á við til sigurs“
- Dró úkraínska fánann að húni í Isíum - Selenskí vill ná Krímskaga aftur - Ill meðferð á borgurum á
hernumdu svæðunum - Veikleikar rússneska hersins - Zorn varar við að fagnað verði of snemma
AFP/Ukranian Press-service
Isíum Selenskí þegar úkraínski fáninn var dreginn að húni í Isíum í gær.
London Elísabet II. hefur yfirgefið
heimili sitt í London í síðasta sinn. Í
gær opnaðist hlið Buckingham-
hallar kl. 2:22 og kista drottningar
var send af stað á hestvagni til
Westminster Hall þar sem kistan
verður fram að útförinni á mánu-
dag. Kista drottningar var skreytt
krúnunni og klukkur Big Ben
klingdu og hleypt var af skotum á
mínútu fresti frá Hyde Park þar
sem spilaðir voru útfararmarsar.
Á eftir kistunni gekk elsti sonur
drottningar, Karl konungur III.,
ásamt sonum sínum, ríkisarfanum
Vilhjálmi og Harry prins. Mikill
mannfjöldi fylgdist með athöfninni
í viðeigandi þögn, en athöfnin var
einstaklega hátíðleg enda Elísabet
II. dáður leiðtogi Breta alla sína 70
ára valdatíð.
Mikill mannfjöldi í London í gær þegar kista Elísabetar II. Bretadrottningar var flutt til Westminster Hall
Hinsta förin
frá Bucking-
ham-höll
AFP/Daniel Leal