Morgunblaðið - 02.12.2022, Page 22

Minningar
MORGUNBLAÐIÐ FÖSTUDAGUR 2. DESEMBER 2022
Raðauglýsingar
Félagsstarf eldri borgara
Árskógum 4 Smíðastofa með leiðbeinanda kl. 9-16. Leikfimi með
Milan kl. 10. Hádegismatur kl. 11.30-12.30. Bókabíllinn, kemur í
Árskóga 6-8 kl. 16.30-17.15. Kaffisala kl. 14:45-15.30. Allir velkomnir.
Sím: 411-2600.
Boðinn Pílukast kl. 9. Línudans fyrir lengra komna kl. 15. Sundlaugin
opin til kl. 16.
Félagsmiðstöðin Hæðargarði 31 Kaffisopi og spjall kl. 8.30-11.
Opin Listasmiðja kl. 9-12. Hádegismatur kl. 11.30-12.30. Bíósýning kl.
13. Opin Listasmiðja kl. 13-15.45. Síðdegiskaffi kl. 14.30-15.30.
Garðabær Kl. 9 pool-hópur í Jónshúsi, kl. 9.30 dansleikfimi í Sjá-
landsskóla, kl. 10 gönguhópur, kl. 13-16 félagsvist, kl. 13-16, föstu-
dagskaffi í Smiðju, kl. 13-16 félagsvist, kl. 13.45-15.15 kaffiveitingar í
Jónshúsi.
Gerðuberg Opin vinnustofa í Búkollulaut frá kl. 8.30, heitt á könnuni.
Gönguhópur (leikfimi og ganga) frá kl. 10. Prjónakaffi frá kl. 10-12.
Jólamarkaður frá kl. 11. Kóræfing kl. 13–15. Allir velkomnir.
Gjábakki Námskeið í vef- og tæknilæsi (tölvur/símar) kl. 9.30 til
11.30. Botsíaæfing kl. 9-11. Postulínsmálun kl. 9-11.30.Tréskurður kl. 13
til 15.30. Myndlistasýning Kristínar Þorkelsdóttur kl. 14-16. Félagsvist
kl. 20- 22.
Gullsmári Handavinna kl. 9. Gleðigjafarnir: Harmonikkuspil og
fjöldasöngur kl. 13.30. Fluguhnýtingar kl. 13.
Hvassaleiti 56-58 Morgunkaffi og spjall frá kl. 8.30-10.30. Handa-
vinna, opin vinnustofa frá kl. 10. Brids kl. 13. Jólamyndin ,,Miracle on
the 34th Street" sýnd kl. 13. Hádegismatur kl. 11.30–12.30, panta þarf
fyrir hádegi deginum áður.
Korpúlfar Borgum Hugleiðsla og létt jóga kl. 8.30. Pílukast í Borgum
kl. 9.30. Gönguhópar frá Borgum og inni í Egilshöll.Tveir styrkleika-
flokkar svo að allir finna göngu við sitt hæfi kl. 10. Hannyrðahópur kl.
12.30. Brids kl. 12.30.Tréútskurður á Korpúlfsstöðum kl. 13. Jólahlað-
borð kl. 18 þar sem gleðin mun verða við völd fram eftir kvöldi. Góða
helgi.
Samfélagshúsið Vitatorgi Kaffispjall í setustofunni kl. 9-10. Sagan
Aðventa með Sigga inni í setustofu kl. 10. Föstudagshópur í hand-
verksstofu kl. 10.30-11.30. Vinnustofa, lokaður hópur frá kl. 12-14.30.
Jóla-bingó verður svo inni í matsal frá kl. 13.30-14.30. Á föstudögum
er svo vöfflukaffi strax að loknu BINGÓI kl. 14.30-15.30. Allar nánari
upplýsingar í síma 411-9450. Allir hjartanlega velkomnir til okkar :)
Seltjarnarnes Í dag er kaffikrókur á Skólabraut frá kl. 9. Söngur í
salnum kl. 10. Jólalögin sungin. Kaffisopi á eftir. Allir velkomnir. Nk.
fimmtudag 8. desember verður farið í sameiginlega jólaljósaferð með
félagsstarfinu á Aflagranda. Keyrt verður um borgina og endað í
Ráðagerði; nýja veitingahúsinu úti við Gróttu. Síðasti skráningar-
dagur í dag. Skráning og uppl. í síma 8939800.
Smáauglýsingar
Sumarhús
Sumarhús – Gestahús –
Breytingar
.Framleiðum stórglæsileg sumarhús
í ýmsum stærðum.
.Tökum að okkur stækkun og
breytingar á eldri húsum.
.Smíðum gestahús – margar
útfærslur.
.Sjáum um almennt viðhald á
sumarhúsum og sólpöllum.
.Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
Ýmislegt
Sólarfilmur
Bílar
Sá vinsælasti. MMC Eclipse
Cross phev Intense +.
Árgerð 2022.
Nýtt ökutæki Bensín/Rafmagn,
sjálfskiptur. Forhitun á miðstöð.
Verð 6.590.000.
Rnr. 140471. Aukahlutapakki að
upphæð kr. 360.000,- fylgir með, sem
inniheldur: Dráttarkrók, gúmmí-
mottur, sumar- og vetrardekk.
Gráir og svartir í boði.
Seljandi skoðar skipti á ódýrari.
Nánari upplýsingar veita
Höfðabílar ehf. í síma 577-4747
Húsviðhald
Hreinsa þakrennur
fyrir veturinn og tek
að mér ýmis smærri
verkefni.
Uppl. í síma 847 8704
manninn@hotmail.com
fasteignir
✝
Jóna Kristjana
Guðmunds-
dóttir fæddist í
Vestmannaeyjum
31. mars 1931.
Hún lést á Heil-
brigðisstofnun
Suðurlands, Vest-
mannaeyjum, 18.
nóvember 2022.
Foreldrar henn-
ar voru Helga Sig-
ríður Árnadóttir,
f. 29. ágúst 1902, d. 4. ágúst
1986, og Guðmundur Guð-
mundsson, f. 11. október 1891,
d. 13. október 1947. Systir
Jónu Kristjönu var Árný, f. 27.
júlí 1926, d. 18.júní 2014.
Eiginmaður Jónu var Sig-
urður Gunnarsson, f. 27. sept-
ember 1928, d. 20. september
2010. Dætur Jónu og Sigurðar
eru: 1) Helga, f. 21. júní 1957,
maki Ásgeir Sverrisson, þeirra
börn eru: Sæþór, Íris Björk og
Fannar Freyr. 2) Kristín, f. 19.
nóvember 1959,
maki Magnús
Gunnar Þorsteins-
son, þeirra dætur
eru: Sæunn, Sædís,
Katrín Helena og
Díana Dögg. 3)
Lilja, f. 9. maí
1965, maki Guð-
mundur Viðar
Adolfsson. Barna-
barnabörnin eru
fimm.
Jóna ólst upp og gekk í
skóla í Vestmannaeyjum og
stundaði nám við Húsmæðra-
skólann á Laugalandi í Eyja-
firði. Lengst af vann hún
verslunarstörf og einnig í
Íþróttamiðstöð Vestmannaeyja
þar sem hún vann til starfs-
loka.
Útför Jónu Kristjönu fer
fram frá Landakirkju í Vest-
mannaeyjum í dag, 2. desem-
ber 2022, og hefst athöfnin
klukkan 13.
Elsku mamma mín, í dag kveð
ég þig og geng með þér síðustu
sporin. Á þessari stundu er þakk-
læti fyrir að hafa átt þig að efst í
huga mér, þakklæti fyrir alla hug-
ulsemina og hjálpsemina við mig
og mína, þakklæti fyrir allar góðu
samverustundirnar og þakklæti
fyrir allar fallegu minningarnar.
Þú varst mér alltaf stoð og stytta í
sorg og gleði og alltaf gat ég leitað
til þín.
Sama á hverju gekk tókstu öllu
af einstöku ljúflyndi og yfirvegun.
Þú bjóst yfir óþrjótandi hlýju,
þolinmæði og langlundargleði og
hafðir ákaflega góða nærveru.
Háttvísi, hógværð og kurteisi ein-
kenndi allt þitt fas. Þú varst ekki
skaplaus en sjaldan eða aldrei sá
ég þig skipta skapi.
Dætrum mínum varstu yndis-
leg amma og urðu þær þeirrar
gæfu aðnjótandi að alast upp í ná-
grenni við þig og sýndir þú þeim
ómælda gæsku og góðmennsku.
Þér var mjög umhugað um vel-
ferð þeirra og hafðir einlægan
áhuga á öllu sem þær tóku sér
fyrir hendur. Þér þótti svo dýr-
mætt að fá að fylgjast með og
mikið varstu glöð og stolt yfir vel-
gengni þeirra í námi, leik og
starfi.
Þú varst mikil handavinnu-
kona, allt lék í höndunum á þér.
Þú saumaðir út, perlaðir og prjón-
aðir. Af prjónunum komu ótal
peysur, sokkar og vettlingar og
með saumavélinni töfraðir þú
fram fallegar flíkur.
Þú hafðir mikla ánægju af
ferðalögum og ferðaðist mikið
bæði innanlands og utan. Þú
skoðaðir landið þitt vítt og breitt
og heimsóttir mörg framandi
lönd.
En nú er þitt hinsta ferðalag
hafið elsku mamma mín.
Ég kveð þig döprum augum en
með hlýju í hjarta og fallegum
minningum í huga mér sem lýsa
upp skammdegismyrkrið.
Þín
Kristín.
Dagarnir hér á landi eru stuttir
á þessum árstíma en nóttin löng
og hún var mér löng nóttin sem
þú kvaddir þennan heim, elsku
mamma mín. Árin þín voru jú orð-
in býsna mörg, sagðir þú.
Mamma var fædd í Vest-
mannaeyjum og bjó þar allt sitt líf
að undanskildum árunum þegar
hún fór á Húsmæðraskólann á
Laugalandi í Eyjafirði og þegar
flýja þurfti eldgosið í Eyjum. Það
var stórt og mikið verkefni að yf-
irgefa heimilið og allt sitt um
miðja nótt með dæturnar og aldr-
aða móður, sigla til lands og þurfa
ein að sjá um allt, óviss hvað beið
okkar þegar pabbi sigldi aftur til
Eyja til að bjarga því sem bjargað
varð.
Hún var sjómannskona sinnar
kynslóðar því hún sinnti öllu í
landi þegar pabbi var á sjónum,
auk þess að alltaf bjuggu ein-
hverjir úr áhöfn bátsins í kjallar-
anum hjá okkur.
Gestrisni hennar átti sér engin
takmörk og í minningunni er hús-
ið oftar en ekki fullt af gestum í
gistingu, hvort sem það voru inn-
lendir eða erlendir ættingjar og
vinir eða jafnvel ókunnugt fólk.
Það brást heldur ekki að þegar
þjóðhátíðir fuku út í veður og vind
þá fengu margir húsaskjól og gott
að borða hjá henni og gátu þurrk-
að farangur sinn.
Mamma var mikil listakona
þegar kom að hvers konar hann-
yrðum og vann í mörg ár í hann-
yrðaverslun. Hún saumaði og
prjónaði fötin á okkur systur eins
og tíðkaðist á þeim árum og það
var sama hvað hún tók sér fyrir
hendur, allt lék í höndum hennar
og hvert listaverkið tók við af
öðru. Ýmis hjálpar- og góðgerð-
arsamtök hafa líka notið góðs af
prjónaskap hennar.
Mömmu og pabba fannst gam-
an að ferðast. Í fyrstu voru það
tjaldferðalög um landið með dæt-
urnar og alltaf var farið til Húsa-
víkur í heimsókn til föðurfjöl-
skyldunnar. Þegar árin liðu fóru
þau að ferðast til útlanda og fóru
vítt og breitt um heiminn. Mjög
minnisstæð er mér vel heppnuð
ferð sem við Guðmundur fórum
með þeim til Kúbu. Þar var margt
að sjá og upplifa með þeim. Eftir
að pabbi lést árið 2010 fækkaði ut-
anferðunum en við systur fórum
nokkrar ferðirnar með henni sem
henni þótti mjög skemmtilegt.
Elsku mamma. Það verður erf-
itt að koma til Eyja og þú ekki þar
en ég er þakklát fyrir að hafa haft
þig svo lengi í lífi mínu.
Þín dóttir,
Lilja.
Í dag kveð ég elsku mömmu
eftir 65 ára samfylgd. Það er
skrýtið að hugsa til þess að að
eiga aldrei eftir að heyra rödd
hennar aftur og eiga skemmtileg
samtöl við hana, sem oftar en ekki
snerust um fréttir af börnum og
barnabörnum og okkar sameigin-
lega áhugamáli handavinnu. Þar
var hún svo sannarlega á heima-
velli, vissi allt og kunni allt. Það
var gott að geta leitað í hennar
þekkingarbanka þegar minn var
tómur.
Allt lék í höndunum á mömmu
hvort sem það var að sauma,
prjóna eða baka og skreyta tert-
ur. Ásgeir tengdasonur þakkar
allar hnallþórurnar sem hann
minnist frá Brimóárunum.
Mamma var kletturinn í lífi
okkar systra á mótunarárunum í
Eyjum. Það var hún sem sá til að
matur væri borinn fram á mat-
málstímum. Hún sá um að skóla
og heimanámi væri sinnt og hún
sá til þess að við værum vel
klæddar í fallegum heimasaum-
uðum kjólum og handprjónuðum
peysum.
Sem sjómannskona gekk hún í
öll verk, hvort sem það var að
skipta um öryggi í rafmagnstöfl-
unni, tengja ljós eða laga kyndi-
ofninn í kjallaranum auk þess sem
hún sinnti uppeldinu að mestu
leyti ein þar sem heimilisfaðirinn
var mikið fjarverandi.
Mamma var ekki mikið fyrir
fjölmenni. Henni leið best á eyj-
unni sinni fögru og í sínu ríki, sem
var heimilið. Hún naut þess að fá
barnabörnin þangað í heimsókn
og sinnti þeim af mikilli hlýju,
natni og kærleik enda elskuðu
þau Eyjaheimsóknir sínar.
Hafðu þökk fyrir allt elsku
mamma.
Þín
Helga.
Þau voru ófá sumrin sem ég
fékk að eyða með ömmu og afa í
Eyjum sem krakki. Þjóðhátíðin,
pysjurnar, bíltúrarnir og göng-
urnar. Það voru svo sannarlega
forréttindi að fá að vera hjá þeim
á sumrin.
Orðið „nei“ var nú varla til í
orðaforðanum hjá henni ömmu
minni, enda fékk maður allt sem
mann lysti, og stundum of mikið
af því góða. Hjartahlýja, hjálp-
semi og óþrjótandi þolinmæði er
það sem amma Jóna mín var. Mér
er minnisstætt þegar ég sá lítið
glerglas með íslenska fánanum í
búðarglugga í Eyjum, ég hef
sennilega ekki verið meira en 4-5
ára, sem ég varð að fá. Og auðvit-
að sagði amma já og við fórum inn
í búðina og keyptum glasið. Ég
var varla kominn út úr búðinni
þegar ég missti glasið í götuna og
það brotnaði í þúsund mola, ég fór
auðvitað að væla, en amma leiddi
mig bara aftur inn í búðina og
keypti annað glas handa mér. Ég
þerraði tárin og gekk út úr búð-
inni með nýtt glas. Í þetta skiptið
komst ég um fimm metra frá búð-
inni áður en ég missti glas númer
tvö sem fór sömu leið og glas
númer eitt. Í stað þess að reiðast
fór amma bara að hlæja, fór inn í
búð, keypti þriðja glasið og sagði:
„Á ég ekki bara að geyma það
þangað til við komum heim!“
Að vera á fertugsaldri og eiga
ennþá ömmu hafa verið forrétt-
indi, en allt í þessu lífi tekur enda
og mér finnst kannski sárast hve
litlum tíma ég náði að eyða með
þér síðastliðin ár. Ég kveð þig
með söknuði og von um að leiðir
okkar liggi saman á ný einn góðan
veðurdag.
Sæþór Ásgeirsson.
Elsku amma Jóna. Það er erfitt
að hugsa til þess að þú sért ekki
lengur með okkur, að eiga ekki
lengur ömmu í Eyjum. Ömmu
sem tekur á móti manni með hlýju
faðmlagi og breiðu brosi á eyjunni
fögru.
Þau voru ófá skiptin sem þið afi
biðuð okkar systkinanna í höfn-
inni og við fengum að vera hjá
ykkur í algjöru dekri. Nýbakaðar
kleinur og flatkökur, daglegir
rúntar um eyjuna, sundferðir og
pysjuveiðar einkenndu gjarnan
dvölina. Í seinni tíð einkenndust
heimsóknirnar af kaffidrykkju,
spjalli um prjónaskapinn og hug-
myndum um hvað ætti að prjóna
næst. Þú varst algjör listakona í
höndunum og ég er svo þakklát í
dag fyrir að hafa loksins drifið í
því að læra að prjóna og fengið að
deila þessum áhuga með þér. Það
var sama hvers konar handavinna
það var, það lék allt í höndunum á
þér. Ég gleymi því ekki þegar þú
þrengdir útskriftarkjólinn minn á
svölunum á Tenerife með nál og
tvinna úr kínabúðinni. Ég var
spurð eftir á á hvaða saumastofu
ég hefði látið gera breytingarnar
á kjólnum, svo ótrúleg varstu í
höndunum.
Þú varst einstaklega hjartahlý
og hafðir svo góða nærveru. Þú
hugsaðir svo vel um fólkið í kring-
um þig, sem er líklegast ástæðan
fyrir því að við barnabörnin og
barnabarnabörnin sóttum í að
eiga með þér góðar stundir. Sölvi
Geir sagði einmitt við mig eftir
síðustu ferðina okkar til þín: „Ég
á eftir að sakna langömmu Jónu,
hún er svo rosalega góð kona.“
Stundum eru börnin nefnilega svo
góð að orða hlutina.
Þótt erfitt sé að kveðja þig
elsku amma ylja ég mér við góðu
minningarnar. Það er fallegt að
hugsa til þess að þú ert nú aftur
við hlið afa Sigga.
Þú munt ætíð eiga stóran stað í
hjarta mínu.
Takk fyrir allt, hvíl í friði.
Þín
Íris Björk.
Elsku amma, mikið sakna ég
þín!
Þegar ég sest niður streyma
allar fallegu minningarnar í gegn-
um hugann.
Þú varst okkur alltaf svo góð
og alltaf til staðar. Þegar eitthvað
bjátaði á réttirðu okkur alltaf
styrka hjálparhönd og leiddir
okkur með þinni einstöku hlýju.
Þú hafðir líka alltaf tíma fyrir
okkur og það var svo gott að vera
hjá þér. Þú varst alltaf til í að
kenna mér og leiðbeina og áttum
við margar yndislegar stundir
saman við alls kyns föndur og
hannyrðir. Við gátum líka setið
tímunum saman og spjallað um
allt milli himins og jarðar og það
var svo gaman að hlusta á þig tala
um gömlu dagana.
Þegar dóttir mín fæddist
varðstu langamma í fyrsta sinn.
Það var mér svo dýrmætt að sjá
hversu fallegt samband ykkar var
og mun ég geyma þær minningar
í hjarta mínu um ókomna tíð.
Elsku amma. Mér þykir erfitt
að hugsa til þess að ég eigi ekki
eftir að sjá þig aftur. Ég á eftir að
sakna þess að gera allt með þér
sem við gerðum saman hér áður
fyrr. Eftir sit ég með minningarn-
ar um góða ömmu, þá bestu sem
hægt er að hugsa sér.
Amma hafði eyru sem alltaf
hlustuðu, faðmlag sem alltaf veitti
hlýju, ást sem aldrei endar og
hjarta úr gulli.
Takk fyrir allt, elsku amma
mín.
Sofðu rótt.
Þín
Sædís.
Elsku amma, nú ertu farin frá
mér og ég sakna þín mikið. Ég á
þér svo ótal margt að þakka
amma mín. Þú fylgdist með og
gladdist yfir framförum mínum.
Þú sýndir mér einstaka um-
hyggju og hlýju. Þú kenndir mér
svo margt, leiðbeindir mér, hvatt-
ir mig og studdir á þroskabraut
minni.
Þú varst ekki bara amma mín,
þú varst líka vinkona mín og ég
sótti mikið í félagsskap þinn. Allt-
af tókstu á móti mér opnum örm-
um þegar við hittumst: „Katrín
mín, góða stelpan mín.“ Svo var
enni lagt að enni, vangi við vanga,
koss og knús. Þetta var kveðjan
okkar ömmu sem núna er hljóðn-
uð.
Að heimsækja þig á Boðaslóð-
ina voru gæðastundir. Þá sat ég
oft löngum stundum í litla her-
berginu inn af eldhúsinu og perl-
aði og þú straujaðir listaverkin
mín jafnóðum og bauðst mér upp
á prins póló og pepsi max. Það var
líka svo gott að fá að gista hjá þér.
Við horfðum á sjónvarpið saman,
höfðum „snakk og partí“ og þú
last Siggu og skessuna eða Snúð
og Snældu fyrir svefninn og núna
kveð ég þig elsku amma mín með
þínum orðum við mig:
Góða nótt, sofðu rótt og guð
geymi þig.
Þín
Katrín Helena.
Jóna Kristjana
Guðmundsdóttir
- Fleiri minningargreinar
um Jónu Kristjönu Guð-
mundsdóttur bíða birtingar
og munu birtast í blaðinu
næstu daga.